السيره النبويه العطره 52

 

#السيرة_النبوية ❤️

👈استمرار الصحابه والنبي ﷺ في حفر الخندق وبشري النبي ﷺ بفتح الشام وبلاد الروم وفارس ❤️🤗🤚

👈غدر يهود بني قريظه بالمسلمين ولحظات صعبه 😢🤚

💢بتحكى السيدة عائشة , إن في يوم من أيام حفر الخندق رجع النبى ﷺ بيته الفجر تعبان أوى أوى ,

فبتقول : فما إن جلس إلى جوارى حتى مالت رأسه عليَّ , وسقطت رأسه فى حجرى , وسمعت له غطيط (شخير) ,

وما كنت أسمع له غطيط قبل الخندق (قد ايه تعبت علشانا يارسول الله 😢) 

و بتقول : بعد شوية سمعت صوت عند الباب و حد بيقول السلام عليكم ، ففزع النبى ﷺ ورأيته قام فزعا ً, إفتكر إن العدو وصل .. أصل مين هييجى لبيت النبى ﷺ بالليل كده إلا إذا كان فى مصيبة حصلت !! ..

فقال النبى ﷺ : من ؟ , فرد عليه : سعد بن أبى وقاص يا رسول الله , فقال : ما بك يا سعد ؟ أجاء القوم ( العدو ) ؟ فقال : لا , و لكنى جئت لأطمئن عليك يا رسول الله ,

أتأمرنى بشىء ؟

فبتقول السيده عائشة : والله لا أنساها لسعد , لأنه صحى النبى ﷺ من غير سبب , وانا كنت ما صدقت إنه نايم شوية عشان يرتاح ❤ ..

💢فى يوم تانى من أيام الحفر , رجع النبى ﷺ لبيته يرتاح , ووصل له خبر إن فيه مشكلة كبيرة فى الخندق , ظهرت صخرة كبيرة أوى و ضخمة واصلة بين الضفتين , ومحدش قادر يكسرها أبدا ً, و الصخرة دى هتبقى نقطة ضعف فى الخندق و جيش الكفار كده هيقدر يعدى للمدينة ،

فرجع النبى ﷺ للخندق , وأخذ الفأس وضرب ضربة قوية و قال : الله أكبر , فمن شدة قوة الصخرة مع ضربة النبى ﷺ حصلت شرارة , فتشققت شوية 💪

فقال النبى ﷺ : أُعطيت مفاتيح الشام , يعنى بيبشرهم إن المسلمين هيفتحوا الشام فى يوم من الأيام 🤗❤️

و رفع الفأس تانى وضرب ضربة تانية وقال الله أكبر , فتشققت الصخرة أكتر , فقال النبى ﷺ : أُعطيت مفاتيح فارس , يعنى هنفتح بلاد فارس بإذن الله 🤗❤️

وفى الضربة التالتة اتكسرت الصخرة تماماً فقال النبى ﷺ : أُعطيت مفاتيح الروم 🤗❤️ ..

فالصحابة واقفين مش مصدقين نفسهم .. إحنا هنفتح كل دول !! ( و فعلا صدق رسول الله .. هتتفتح كل البلاد دى و هينتشر الإسلام في كل مكان 👌) ..

طيب مين واقف وسامع كل كلام النبى ﷺ ده ؟ المنافقين ، طبعا مش عاجبهم الكلام فيقولوا : ما يعدُنا الله ورسوله إلا غروراً , ويبدأوا يعملوا مشاكل ..

💢وصلنا لفجر اليوم العاشر من حفر الخندق ,

انتهى الحفر و بقى جاهز لمجىء " الأحزاب ", وفعلاً مفيش شويه ووصل جيش الأحزاب , ونلاحظ هنا ان جيش الأحزاب مهتمش أنه يبعت مخابرات تكشف لهم المسلمين بيجهزوا ايه لصد العدوان .. وده لأنهم أتغروا فى عددهم الكبير فبقوا واثقين من إنتصارهم دول كانو ١٠٠٠٠ طب و المسلمين كام ؟ المسلمين ٣٠٠٠ بس ..

فكان جيش الأحزاب واثق من الانتصار لدرجة أنهم مأخدوش معاهم أكل كتير لإنهم فاكرين إنهم مش هيحتاجوا يحاصروا المسلمين .. كل تفكيرهم إنهم هيدخلوا يقتلوا المسلمين فى دقايق ويمشوا ✋

وصل الأحزاب للخندق واتخضوا لما شافوه , وقالوا إن العرب لا تعرف هذه المكيدة , يعنى حفر خندق مش من إستراتيجيات حرب العرب أصلا ً✋

و وقفوا على الضفة التانية مش عارفين هيعدوا إزاى ..

والناحية التانية المسلمين واقفين ,

هل هينامو و يرتاحوا بعد أيام الحفر الصعبة دى ؟

طبعا لأ .. دول هيعملوا مناوبات .. كل مجموعة هتصحى تحرس الجيش و تراقب.....

و أبو سفيان و حيي بن أخطب وخالد بن الوليد وعمرو بن العاص وكل قيادات جيش الأحزاب ,كانوا عارفين إن الحصار ده مش هيجيب نتيجة لأنهم مش معاهم أكل كفاية... 

فحيى بن أخطب اليهودى وصل لفكرة , و فكر فى اليهود اللى لسة جوه المدينة , اللى هما بنى قريظة , و دول كانوا عايشين فى جنوب المدينة , ففكر حيي بن أخطب إنه يتخفى و يعدى الضفة التانية للمسلمين بدون سلاح ويوصل لبنى قريظة ويقابل " كعب بن أسد " سيدهم,

طيب هو ليه أصلاً يهود بنى قريظة لسة قاعدين فى المدينة ؟ 🤔

لإن كان بينهم وبين النبى ﷺ معاهدة سلام ان لا المسلمين يأذوهم ولا اليهود يأذوا المسلمين ..

و بنى قريظة فضلت على العهد .. فكانت خطة حيي إنه يحاول يوصل لكعب بن أسد ويقنعه إنه ينقض العهد اللى بينه وبين النبي ﷺ ..

فساعتها يهود بنى قريظة يهجموا على نساء المسلمين و أطفالهم , فلما جيش المسلمين يسمع إن معسكر النساء والأطفال بينضرب .. فيرجع جيش المسلمين لداخل المدينة , فالخندق متبقاش عليه حراسة و هنا بقى يدخل جيش الأحزاب .. فكانت خطة رهيبة ضد المسلمين ..

طيب هيعدى إزاى حيي بن أخطب للضفة التانية ويدخل المدينة عشان ينفذ الخطة ؟

هيعدى متلثم و من غير سلاح و فعلاً عدى حيي بن أخطب وكانت فيه حكمة ان ربنا يسيبه يعدى ويوصل لكعب بن أسد , ويخبط حيي على بابه فلما عرف إن حيي على الباب تربس الباب و بقى مش عايز يفتح ..

طيب ليه عمل كده ؟🤔

لأن كعب عارف كويس هدف حيي بن اخطب و كعب مش عايز يضعف وينقض العهد مع النبى ﷺ و تحصل مشاكل .. المهم فضل حيي يخبط على باب كعب بن أسد .. و كعب مش راضى يفتح .. فقاله : جئتك يا كعب بعز الدهر ,

فقال كعب : بل جئتنى بذل الدهر ..

فقال حيي : أفتح , وفضل وراه لحد ما فتح كعب ..

وقال له ماذا تريد ؟ ✋

فشرح له حيى بن اخطب الخطة , وعشان يقنعه قاله إنهم جايين يقتلوا محمد وساعتها هتكون المدينة كلها ملك ليك يا كعب , فقال كعب : " بس أنا عمرى ما شفت من محمد إلا الوفاء ً" لكن حيي فضل ورا كعب لحد ما أقتنع للأسف : و قرر ينقض العهد مع النبى ﷺ و طبعاً دى كارثة 🤚

ورجع حيي ابن اخطب لجيشه .. فالمخابرات اللى تبع جيش المسلمين عرفت الخطة اللى هينفذها حيي مع اليهود و راحوا يبلغوا النبى ﷺ بيها بسرعة ،

طيب النبى ﷺ لما يعرف هيعمل إيه ؟ 😔

❤️❤️❤️❤️❤️صلوا على للنبى ❤️❤️❤️❤️❤️

💢سيدنا النبى ﷺ قرر إنه يتأكد من خبر نقض العهد ده .. فكلف سعد بن عبادة و سعد بن معاذ إنهم يوصلوا لبنى قريظة و يسألوهم هل الخبر ده حقيقى وللا لأ ؟ ✋

وطلب منهم لو أتأكدو إن الكلام ده صح يكتموا السر ومش يقولوه قدام جيش المسلمين , و يفكروا فى طريقة يقولوا الخبر بيها للنبى ﷺ من غير ما حد غيره يفهم .. أما لو الخبر ده طلع إشاعة ومش حقيقى فخلاص يقولوه قدام جيش المسلمين كله عادى جدا بإن بنى قريظة على العهد 👌

فالمهم وصل سعد بن عبادة وسعد بن معاذ لبيت كعب بن أسد , و سألوه : يا كعب , هل حقاً غدرتم برسول الله ؟

فيرد كعب : من رسول الله ؟

فيقول سعد بن معاذ وهو مخضوض : أحقاً غدرتم ؟

نقضتهم المعاهدة التى بينكم وبين رسول الله ؟

فرد كعب بكل تجاهل : أى معاهدة . ( طبعاً نفهم من ده إن كعب خلاص نسى النبى ﷺ و نسى العهد ) ✋ ..

فسعد بن عبادة شخصيته شديدة جداً فمقدرش يمسك أعصابه وبدء يشتم كعب بن أسد .. و رجع سعد بن عبادة و سعد بن معاذ للنبى ﷺ وهما فى إحباط جامد , و كان النبى ﷺ واقف على جبل سلع مستنى رجوعهم , فوصلوا و بيحاولوا يفكروا فى طريقة يقولوا بيها الخبر من غير ما حد يفهم غير النبى ﷺ فقالوا له : يا رسول الله عضل وقارة.. 

 يعنى ايه ؟ 🤔

يعنى عايزين يقولوله ايوه اليهود نقضوا العهد و غدروا , زى ما غدرت قبيلتى عضل وقارة و قتلت المسلمين زمان ✋ 

فالنبى ﷺ فهم بس قال : الله اكبر نُصرنا بإذن الله , و نزل النبى ﷺ من على الجبل و دخل خيمته و قعد وغطى رأسه لا يكلم أحد ..😔

(ياحبيبي ياسيدي يارسول الله بأبي انت وأمي 😔❤️) 

💢وانتشر الخبر بين المسلمين ونفسيتهم ضعفت جداً , والمنافقين بدأوا يروحوا لرسول الله ﷺ ويقولوا إنهم مضطرين ينسحبوا و طبعا بحجة إنهم يحموا نسائهم وأطفالهم من غدر اليهود 😔😔

🔴 و سورة الأحزاب بتجسد أحداث الغزوة بالظبط زى ما جسدت سورة الأنفال "غزوة أحد" ..

ربنا بيقول عن المنافقين :

{ وَإِذْ يَقُولُ الْمُنَافِقُونَ وَالَّذِينَ فِي قُلُوبِهِم مَّرَضٌ مَّا وَعَدَنَا اللَّهُ وَرَسُولُهُ إِلَّا غُرُورًا ، وَإِذْ قالَتْ طائِفَةٌ مِنْهُمْ يا أَهْلَ يَثْرِبَ لا مُقامَ لَكُم فَارجِعُوا وَيَستَأذِنُ فَريقٌ مِنْهُمُ النَّبِيَّ يَقُولُونَ إِنَّ بُيُوتَنا عَوْرَةٌ وَمَا هِيَ بِعَوْرَة إِنْ يُرِيدُونَ إِلاّ فراراً } ✋

طيب ده حال المنافقين , طيب إيه أخبار المؤمنين ؟ 🤔

خايفين جدا طبعاً لإنهم بشر , قدامهم ١٠٠٠٠ مقاتل مشرك يعنى جيش ضخم , وفى ضهرهم قبيلة بنى قريظة من السهل جداً انها تضربهم .. ربنا صور المشهد ده وقال :

{ إِذْ جَاؤُوكُم مِّن فَوْقِكُمْ وَمِنْ أَسْفَلَ مِنكُمْ وَإِذْ زَاغَتْ الْأَبْصَارُ وَبَلَغَتِ الْقُلُوبُ الْحَنَاجِرَ وَتَظُنُّونَ بِاللَّهِ الظُّنُونَا (10) هُنَالِكَ ابْتُلِيَ الْمُؤْمِنُونَ وَزُلْزِلُوا زِلْزَالاً شَدِيداً } ...✋😢

💢فبدأ النبى ﷺ يفكر فى حل ..

ففكر النبى ﷺ يروح للضفة التانية عند الأحزاب , ويدخل لقائد قبيلة غطفان ✋

طيب اشمعنى اختار القبيلة دى ؟🤔

لأن النبى ﷺ كان عارف ان قبيلة غطفان مش متمسكة بعقيدتها على قد ما هى مادية جدآ , كمان القبيلة دى لوحدها عددهم ٦٠٠٠ , وفعلاً وصل للقبيلة وقالهم إنه جاى يعمل معاهم اتفاقية , و هي إنهم ينسحبوا و فى المقابل هيكون ليهم ثلث ثمار المدينة لمدة سنة , فرفضوا و طلبوا نصف ثمار المدينة ..✋

فسيدنا النبي ﷺ تاجر فمش سهل حد يضحك عليه , فرفض و صمم على ثلث الثمار بس ... فوافقوا , فطلب النبى ﷺ منهم إنه يرجع للمسلمين عشان يستأذنهم فى العرض ده , فقالوا : عجباً ألست بقائدهم ؟✋

فقال النبى ﷺ بلى ..و لكن الأرض أرضهم والثمار ثمارهم ..

وعدى النبى ﷺ للضفة التانية و يرجع للمسلمين و يستأذن سعد بن معاذ قائد المدينة قبل رسول الله ,

فسعد قال : يا رسول الله .. أهذا وحى من الله أم من عندك و خوفاً علينا ؟ 🤔 

فقال النبى ﷺ : بل خوفاً عليكم 👌

فقال سعد : يا رسول الله , بما إنه ليس بوحى , فلا يا رسول الله , لن نعطيهم الثمار ..

فلم يأخذوا منا ثمرة واحدة فى أيام الجاهلية فلن نعطيهم أبدآ بعد أن أعزنا الله بالإسلام رغمآ عنا وإن أرادوا أن يأخذوا الثمار فبالبيع و الشراء و إلا ليس لهم عندنا إلا السيف ..

فقال الرسول ﷺ : لك ما أردت يا سعد 👌

(شفتوا مرونه سيدنا النبي ﷺ وبياخد بالشوري ازاي.. صلى الله عليك ياحبيبي يارسول الله ❤️❤️) 

و رفع سعد بن معاذ صوته وقال : " يا معشر غطفان عودوا , ليس لكم عندنا إلا السيف " 💪..

💥 طيب إيه أخبار بنى قريظة اللى غدرت و نقضت العهد مع النبى ﷺ ؟؟🤔

نكمل بكرة إن شاء الله ❤ 

#كن_محمديا