السيره النبويه العطره 51

 

#السيرة_النبوية ❤️

👈اجتماع قبائل اليهود وقريش على قتال المسلمين 🤚

👈عظمه النبي ﷺ كقائد عسكري في بناء الخندق ❤️

👈 أولى معجزات "غزوه الخندق" على يد النبي ﷺ ❤️

💢احنا دلوقتى فى سنة 5 هجرية..الكفار بدأوا يلاحظوا إن كل قبيله منهم لو بتحارب النبى ﷺ لوحدها مش بتقدر على النبى ﷺ , أبو سفيان سيد قريش أيقن أنه لوحده مش هيقدر يعمل حاجة, وكمان "حيي إبن أخطب" قائد اليهود وكمان قبيلة " اشجع" وقبيله "غطفان". 

طيب ايه الحل ؟ 🤔

هيقرروا كلهم أنهم يتجمعوا ضد النبي ﷺ .. و صاحب الفكرة دى كان "حيي ابن اخطب" , و حيي ابن اخطب هو قائد اليهود فى مستوطنة اسمها خيبر, و المستوطنه دى نشأت بعد ما نقض اليهود المعاهدات مع النبى ﷺ فى المدينه و غدروا وحاولوا يقتلوا رسول الله ﷺ (غدر بني قريظه) و امر رسول الله ﷺ بطردهم من المدينه فإجتمعوا فى خيبر ✋ ..

وكان حيي ابن اخطب نفسه ينتقم من النبي ﷺ ويقتله, فجمع قوى عربية ضخمة جداً , جمع قبائل أشجع وغطفان وبنى سُليم وكمان ابو سفيان سيد قريش ضد النبى ﷺ ..

💢هقول لكم قصة عن حيي ابن اخطب عشان تعرفوه كويس .. اصل حيي مش يهودى عادى.. ده واحد من كبار أحبار اليهود ( حبر يعنى عالم دين يهودى ) و حافظ التوراة, و زمان أوى قبل ما النبى ﷺ يهاجر للمدينه.. سمع حيي من أحبار اليهود عن ان فى نبى اسمه محمد هيظهر فى مكة ..

فحيي ابن اخطب راح لأخوه وقاله : سمعت بمحمد؟

فأخوه قاله : اه, فحيي ابن اخطب قال أنه هيروح مكه يشوفه و قال : لئن رأيته.. عرفته ..

اصل سبحان الله ربنا عز و جل قال فى القرآن :

{ الَّذِينَ آتَيْنَاهُمُ الْكِتَابَ يَعْرِفُونَهُ كَمَا يَعْرِفُونَ أَبْنَاءهُمْ وَإِنَّ فَرِيقاً مِّنْهُمْ لَيَكْتُمُونَ الْحَقَّ وَهُمْ يَعْلَمُونَ } سوره البقره

"يَعْرِفُونَهُ" المقصود بها: سيدنا محمد ﷺ 👌

 لإن ربنا ذكر مواصفاته كلها فى التوراه ..

وفعلاً راح حيي ابن اخطب لمكة وبص للنبى ﷺ فعرفه,

ولما رجع، قام اخوه سأله : ماذا فعلت.. أهو هو؟

فحيي قال: نعم, فقال اخوه: و ماذا تنوى؟

قال حيي ابن اخطب : عداوته ما بقيت..

(ياااه شايفين الكبر و الإستكبار.. و هو ده معنى الكفر .. كفر يعنى ستر و غطى .. الكافر هو شخص عرف الحق و ستره و مشى ورا الباطل) ..

💢طيب نرجع للغزوة, حيي ابن اخطب هيبدأ يجمع القبائل .. فيروح لأبى سفيان فى مكة, يقول له : جئتك بعز الدهر, و جئتك لنتحالف ونستأصل محمد, فوافق ابو سفيان طبعا وفرح وقاله: نعما ما جئت به.

ويروح بعد كده لقبيلة غطفان, وعرض نفس العرض و وافقوا , وبعدها راح لقبيلة أشجع ووافقوا ,

وبعدها لقبيلة بنى سُليم ووافقوا.

وجمعت قريش كل حلفائها و بقى عددهم ٤٠٠٠ مقاتل و جمعت قبيلة غطفان حلفائها و بقى عددهم ٦٠٠٠ المهم وصل عدد جيش الكفار فى الاخر ل ١٠٠٠٠٠ مقاتل 🤚 

ووصل الخبر لرسول الله ﷺ ..

طبعا انتو عارفين ان كان فى ايام رسول الله ﷺ حاجات شبهه المخابرات دلوقتى, طب هتعمل ايه يا رسول الله ؟🤔

هترد العدوان؟ لأ..

مش هاخد قرار غير بالمشوره ❤️👌 ..

فيجمع المسلمين ويقول لهم : أشيروا علي أيها الناس, (رغم اللى حصل فى غزوة أحد من خساير كتير بعد المشوره فى الخروج لمقابله جيش قريش ✋

بس برده ربنا قال :

{ فَاعْفُ عَنْهُمْ وَاسْتَغْفِرْ لَهُمْ وَشَاوِرْهُمْ فِي الْأَمْرِ ۖ فَإِذَا عَزَمْتَ فَتَوَكَّلْ عَلَى اللَّهِ ۚ} سوره آل عمران ..

💢فالمهم بدأ كل واحد من الصحابة يقول رأيه, بس النبى ﷺ لسة موصلش لحل مناسب, لحد ما يقوم صحابى جميل جداً اسمه "سلمان الفارسي", وكان من بلاد فارس, قال فكرة حلوة أوى 😊

قال: يا رسول الله إنا كنا فى الفرس إذا حاصرونا .. حفرنا خندقنا حولنا.. يعنى ايه؟🤔 

يعنى لما ييجى عندنا جيش اضعاف اضعافنا كنا بنحفر خندق حوالينا يعنى حفره فبالتالى محدش يقدر يوصل لنا..ودى فكرة فارسية ، و النبى ﷺ عجبته الفكرة, بالرغم انها فكرة من افكار بلاد كفار, لكن عجبت النبى ﷺ وده يدل على إن النبى ﷺ كانت شخصيته مرنة, طالما الفكرة مش ضد شريعة الاسلام ولا ضد منهجه ومفيهاش حاجة حرام فخلاص مفيش مشكلة لو نعملها ..

💢طيب المدينة كلها كانت محاطة بحاجة اسمها "الحارَّة" ربنا سبحانه وتعالى احاط المدينة بحصون طبيعيه من الشرق والغرب والجنوب .. المدينه محاطه بأرض صخرية جداً ومدببة و دى كانت لونها اسود و محدش يعرف يعدى من عليها لا خيول ولا حتى دبابات ^_^ , ومينفعش غير الطيران ووقتها مكانش فيه طيران..فكده كأن المدينة محاطة بمربع ناقص منه ضلع واحد وهو الشمال..

و هنا بقى هنحتاج ننفذ فكرة سلمان الفارسي عشان نقدر نحمى المدينه من الشمال ..

فهيحفر المسلمين خندق بطول المدينه من الشمال و الحفرة هتكون عمقها ٥ متر وعرضها ٥ متر و طول الخندق ١٢ كيلو متر ..انتو متخيلين ان وسيله الحفر الوحيده اللى فى ايد المسلمين هتكون الفاس !! ✋ تخيلتوا 😊 

رضى الله عنهم و ارضاهم ..❤️❤️

طيب ليه هنحفر ونعمل خندق أصلا ؟🤔

عشان لما العدو ييجى يتفاجئي بالخندق وأصلاً عرض الخندق كخمسة متر فإستحاله يقدر حصان ينط للناحية التانية , فساعتها هيضطر العدو ينزل يمشى فى الخندق عشان يطلع يوصل الناحية التانية ويدخل المدينة ..

وده هيعمل فرصة للمسلمين انهم يسيطروا على العدو فهيتحول الخندق لمقبرة جماعية. و حتى لو العدو قدر يطلع من الخندق برده لا يمكن يقدر يعدى من السهام اللى المسلمين هيضربوها عليهم..

❤️❤️❤️❤️❤️صلوا على النبى ❤️❤️❤️❤️❤️

💢ايه النظام اللي عمله الرسول ﷺ فى الحفر ؟ ..

أول حاجة لازم نخلى بالنا ان حفر الخندق مش سهل ، مفيش اى أدوات غير الفأس ،

فهيقسم النبى ﷺ حفر الخندق لمجموعات , كل ١٠ مسلمين هيحفروا ٤٠ ذراع , ومحدش يتدخل فى شغل التانى , ويحفرو ٤٠ ذراع بالظبط , ومحتاجين ناس تشرف و يكون مراقب على الحفر , وطبعاً النبى ﷺ أختار سيدنا عمر بن الخطاب لقوة شخصيته و معاه سيدنا أبو بكر الصديق. 

ومين يراقب على ابو بكر و عمر ؟

سيدنا النبى ﷺ .. فى جبل اسمه " جبل سلع " ,

وده قمته عالية فى المدينة ..👌 

فكان بيقف النبى ﷺ على الجبل كل يوم وقت المغرب , عشان يراقب الحفر اللى كان بيبدء من الفجر وينتهى المغرب .. وكان لازم الحفر يخلص فى خلال ١٠ ايام لأنهم ظبطوا الوقت على حسب المعلومات اللى وصلت عن وقت خروج جيش الكفار للهجوم على المدينة ..فلازم الحفر يخلص قبل وصول العدو ..

بس هل النبى ﷺ هيشتغل مراقب بس ؟ أكيد لأ ..

النبى ﷺ كان بيعدى على مجموعة مجموعة و يضحك معاهم و يرفع من روحهم المعنوية و هيبدأ يشتغل معاهم و يشيل التراب معاهم على ضهره ويرفعه لبره الخندق وده أصعب من الحفر نفسه .. 

💢 طيب هيبدأ الصحابة يتعبوا و يجوعوا بس مفيش اكل , فكان أحياناً بعض الصحابة يروحو لرسول الله رابطين على بطونهم حجر عشان يقولوله انهم تعبوا وعايزين اكل ,

فيرفع رسول الله ﷺ رداءه ، فيلاقوه حاطط 3 احجار على بطنه من شده الجوع ، فطلع صحابى جميل اسمه " عبد الله بن رواحة " و ألف بيت شعر حلو اوى و فضل المسلمين يغنوا بيه طول الحفر عشان يتحمسوا و تترفع روحهم المعنوية .. كان بيت الشعر بيقول : 

     اللهم لولا أنت ما اهتدينا ** ولا تصدقنا ولا صلينا 

           فأنزلن سكينةً علينا ** وثبت الأقدام إن لاقينا 

     إن الطغاة قد بغوا علينا ** وإن أرادوا الفتنة أبينا .. 

و بدأ يقول عبد الله الأبيات ويكررها لحد ما الصحابة حفظوها , وقالوها معاه , و عجبت النبى ﷺ , فبدأ يرد عليهم على اخر بيت و يقول : أبينا .. أبينا ....

أصل النبى ﷺ مبيعرفش يقول شعر لسانه مش بيعرف ينطق شعر ✋

قال تعالى : { وما علمناه الشعر وما ينبغى له } ,

وده كان فى مصلحة الإسلام عشان الكفار دايما كانوا بيتهموه إنه شاعر ، بس كان النبى ﷺ عايز يشاركهم فكانوا أول ما يوصلوا لحد أخر بيت، كان يرد عليهم و يقول : أبينا أبينا ,فالصحابة ينبسطو جدا ً 😊😊

(مفيش اجمل منك ياحبيبنا وشفيعنا يارسول الله 🤗 ❤️)

ممكن نكون احنا شايفنها حاجات بسيطة ، بس فعلاً مشاركة النبى ﷺ معاهم فى أبسط حاجة كانت بترفع من روحهم المعنوية جداً لإنهم كانوا بيحبوه أوى , وبيعتبروه جبران خاطر ليهم , وهو فعلاً كان دايماً يجبر بخاطرهم ﷺ ❤️

 

💢بس فيه واحد واقف مش عاجبه اللى بيحصل , هو سيدنا عمر بن الخطاب 😊 , أصل عمر شخصيته عملية ، فعايز طول الوقت حفر وشغل , مش عايز يقول معاهم الشعر , بس لما شاف رسول الله بيردد أبينا أبينا قام مقلده واندمج معاهم 🤗🤗 ..

ففرح الصحابة أوى و ألفوا بيت شعر تانى رائع :

نحن الذين بايعوا محمدا * على الجهاد ما حيينا أبدا

نحن الذين بايعوا على الهدى * نحن دعاة الله ابطال الفدا

فيفرح النبى ﷺ اوى , فرد عليهم و يقول :

"اللهم لا عيش إلا عيش الاخرة ، فأكرم الأنصار و المهاجرة"

طيب النبى ﷺ رد عليهم بالجمله دى كإنه عايز يقولهم انا عارف أنكو تعبتوا من غزوة لغزوة وإن شاء الله الجزاء هو الجنة 🤗❤️ ..

💢كمان حصلت قصة حلوة اوى من أروع قصص الخندق لإنها معجزة ..كان فيه صحابى إسمه "جابر بن عبد الله" , جابر بيقول وانا بحفر وشايف النبى ﷺ بيحفر قدامى , فعباءة النبى ﷺ سقطت من كتفه وكشفت بطنه ,

والنبى ﷺ كان بيستحى و مش بيكشف جسمه للناس , فغطاها بسرعة بس جابر بيقول : انى رأيت بطن النبى ﷺ ضمرت ضموراً شديداً من قلة الطعام فلم أتحمل ما رأيت ,

فراح جابر للنبى ﷺ يستأذنه بإنه يجي عنده البيت عشان يأكله .. فالنبى ﷺ وافق ❤️

فبسرعة جابر رجع بيته و دخل يجرى على زوجته ,

وقال لها : ادركينى ادركينى , قالت له : مالك يا جابر ؟

قال لها : والله رأيت على رسول الله ﷺ ما ليس لى به صبر , رأيت الجوع فى وجه رسول الله ﷺ ,

( شايفين الجوع فى وجه رسول الله يعتبر عند جابر مصيبة .. رضى الله عن جابر ❤️ ) ،

فسأل لها : هل عندك طعام ؟ قالت : نعم , شىء من شعير و عناق صغيرة للأولاد ( العناق هو الجدى .. عندها حتة لحمة منه ) , فقال جابر : الحمد لله , لا تطعمى الأولاد و نيميهم , و سآتى برسول الله ليأكل ( يعنى النبى ﷺ عند جابر أغلى من أولاده , هو ده المسلم الحق ) ..👌 

فيروح جابر يجيب النبى ﷺ و قبل ما يمشى أكددت مراته عليه ، أنه يجيب النبى ﷺ بس , وقالت له إياك ان تفضحنى , يعنى اياك تجيب حد كمان ..لأن الاكل مش هيكفى ..

فقال لها اطمئنى لن أفعل ..

و يرجع جابر للخندق , كان الرسول ﷺ واقف على جبل سلع , فراح له جابر وقال له : يا رسول الله , عندى فى بيتى شىء من شعير وعناق , هيا يا رسول الله لتأكل ..

فإبتسم النبى ﷺ وقال : وحدى يا جابر ؟

فاتكسف جابر و قاله أأتى بمن تحبه .. على أساس ان النبى ﷺ هيجيب أبو بكر وعمر بس فتمام يعنى ,

فإبتسم النبى ﷺ .. بس جابر اتخض .. يدوب وافق من هنا .. و بص لاقى النبى ﷺ وقف على جبل سلع و نادى على الناس و قال : يا أهل الخندق يدعوكم جابر لبيته 😊🤗 ..

طبعاً كل الناس فرحت و قامت تجرى , فجابر هيتجنن 😊 فقال : يا رسول الله انها شىء من شعير وشىء من عناق , فأبتسم النبى ﷺ وقاله : لا تخف يا جابر , ولكن قل لأمراتك أن تترك الطعام و تنتظرنى حتى أتى ..

فبسرعة يرجع جابر لبيته , فسألته زوجته أين رسول الله ؟

فحكى لها جابر اللى حصل , فمراته إضايقت جداً ، وقالت له ألم أقل لك لا تفضحنى امام رسول الله ؟

و قالت : أخبرته أن الطعام قليل ؟

قال لها نعم و قال لى لا تخف يا جابر , فأطمأنت مراته و هديت .. ( شايفين الإيمان و الثقه فى رسول الله ❤ ) ..

💢و بعد شوية وصل رسول الله والجيش وراه , فدخل النبى ﷺ البيت وسأل على الإناء اللى فيه الأكل , فكشف الغطاء و نفخ فيه برزاز خفيف ( احنا قلنا ان النبى ﷺ مش زينا و ان كان عرقه مسك .. فربنا خص النبى ﷺ بصفات مختلفة ) وطبعا النبى مبارك ❤️..

طيب النبى ﷺ هينظم دخول العدد الكبير ده للبيت ازاى ؟

النبى ﷺ قال لجابر يقف على باب البيت ويدخل الناس ١٠ ورا ١٠ , فجابر مستغرب مش متخيل ان الأكل هيكفى كل دول .. فيبدأ الناس يدخلوا و يطلعوا و يدخل عشرة غيرهم .. فبيقول جابر : والله كنت بشوف الصحابة بيقوموا من على الاكل و الاكل لسه موجود ، فيسألهم أشبعتم ؟فيقولوا له : نعم يا جابر جزاك الله عنا خيرا 🤗

وكل ١٠ يسألهم فيطمنوه انهم شبعوا ، لحد ما كل الجيش أكل ، و يخش آخر حد عشان ياكل و هو رسول الله ﷺ وبعد ما يخلص فيقول : ياجابر بارك الله لك فى اهلك وفى طعامك ، و الآن أجلس لتأكل انت و اولادك ..

فبيقول جابر والله نظرت إلى الطعام فوالله وجدته كما هو

ودى من أجمل معجزات الخندق 🤗❤️

طيب .. فيه سؤال ؟✋

ليه الصحابة اتعذبوا و تعبوا طول الوقت طالما فيه معجزات زى دى ممكن تحصل ؟🤔

لإن الصحابة دول قدوة لكل المسلمين ،

فربنا مخلاش حياتهم كلها معجزات عشان نقدر نشوفهم قدوة و نقلدهم و نصبر على البلاء زى ما صبروا عليه ..

❤️رضي الله عن صحابه رسول الله ❤️

❤️اشتقنا لرؤيتك يارسول الله ❤️ 😢

نكمل بكرة إن شاء الله ❤ 

#كن_محمديا