السيره النبويه العطره 40

 

#السيره_النبويه ❤️

👈غزوه أحد ولحظات صعبه في التاريخ الإسلامي 😟

👈بطولات الصحابه في الدفاع عن النبي ﷺ ❤️ 💪

👈رحمه النبي ﷺ بالكفار رغم الأذى والدماء 😢❤️

💢شفنا امبارح وسط الغزوه بن قمئه قتل مصعب بن عمير و كان فاكر انه قتل النبى ﷺ و انتشرت الإشاعه أن النبى ﷺ مات و انخفضت الروح المعنويه للمسلمين جدا و الجيش اتفرق و النبى ﷺ اضطر يجازف و يعلن عن مكانه و بقى ينادى : إِلَيَّ عباد الله ..أنا رسول الله ✋ ..

و يروح كعب بن مالك للنبى ﷺ و يصرخ فى الناس و يقول رسول الله حى و اتجمع الصحابه واحد و وراه التانى حوالين رسول الله لحد ما بقوا ٢٠ صحابي جليل ✌️..

و تنزل السهام عليهم زى المطر😔 فيروح ابو دجانة للنبى ﷺ و ياخده فى حضنه و يحط راس النبى ﷺ فى صدره و فى كتب السيره كاتبين ان ابو دجانه ذهب لرسول الله "فتترس عليه" يعنى حضن النبى ﷺ و حاوط عليه زى التروس وهى شابكة فى بعضها و الاسهم بقى بتتصوب عليه من كل مكان لدرجة ان ضهر ابو دجانه بقى شبه القنفذ من كتر الاسهم اللى جت فيه وكل ده متحمله دفاعا عن رسول الله ﷺ 😔

💢ومن ضمن الصحابة اللى جروا على النبى ﷺ لما نادى..

سعد بن ابى وقاص رضى الله عنه (ده خال النبى ﷺ) وكان ماهر فى الرماية فبدأ يرمى علي كفار قريش الاسهم والنبى ﷺ بيقوله ارمى سعد ارمى سعد فداك ابى وامى 🤗

❤️يابختك ياسيدنا سعد ❤️ حتى قال على بن ابى طالب رضي الله عنه والله ما علمت احدا فداه النبى بابيه وامه الا سعد بن ابى وقاص ❤️ ..

💢وقف النبى ﷺ وال ٢٠ صحابى اللى معاه يبارزوا الكفار والنبى ﷺ واقف يبارز.. فواحد من جيش الكفار رمى علي النبى ﷺ سهم من ضهره.. فيجرى بسرعة سيدنا طلحة بن عبيدالله ناحية النبى ﷺ ويحط ايده فى اتجاه السهم عشان ميجيش فى النبى ﷺ و يدخل السهم فى كف طلحه فدا رسول الله ، ويعيش ويموت طلحة وهو مشلول بسبب السهم ده دفاعا عن رسول الله فلما شاف النبى ﷺ طلحه وهو غارق فى دمه ، بكى النبى ﷺ وقال والله ما انصفنا أصحابنا 😔 (يقصد اللى هما انسحبوا من ارض المعركه) ..

ياحبيبي يارسول الله ❤️😔

💢طيب القتال لسه شغال والنبى ﷺ واقف يبارز بس بدأ يتعب و ينادى ويقول: من يدفعهم عنى و هو رفيقى فى الجنه!؟ 🤗 ..

فيجرى صحابى اسمه زياد بن السكن عنده ٢٣ سنة و قال له : يكون رفيقكك فى الجنة يا رسول الله ؟

فقال :نعم ، فرد زياد و قال : نحرى دون نحرك..

انا ادفعهم عنك يا رسول الله ❤️ 💪..

فيروح زياد ومعاه ٦ من اصحابه يقفوا يبارزوا ويستشهدوا واحد ورا واحد لحد ما يموتوا كلهم 😔

و يتبقى زياد واقف يبارز الكفار لكن عدد الكفار كتير فجسمه يتملى طعنات و ينفجر بالدماء و يبدأ زياد يفقد توازنه وقريش تزود عليه الطعنات 😔..

والصحابة بيوصفوا حال زياد و يقولوا : كان يتلقى الطعنة فيميل بظهره الى الخلف ثم يعود ويتزن ليحارب ويتلقى الطعنة الأخرى فيرجع الى الخلف ثم يعود ويتزن حتى تكاثرت عليه الطعنات وفقد توازنه وسقط على وجهه و ارتطم وجهه بالارض 😔.

فيجرى النبى ﷺ على زياد ويقول : ارفعوا وجهه عن الارض وضعوه فى حجرى ويحضنه النبى ﷺ ويمسح عنه الدم ويبكى ففتح زياد عينه لقى نفسه فى حضن النبى ﷺ وخلاص زياد بيموت فالنبى ﷺ يرفع ايده و يقول اللهم انى اشهدك انى راض عن زياد بن السكن فارض عنه ..

و يستشهد زياد رضى الله عنه و أرضاه ❤️😔

💢طيب الصحابه لسه بيبارزوا الكفار..فيجى واحد من الكفار اسمه أُبَيَّ بن خلف (فاكرينه؟ اللى راح للنبى ﷺ زمان فى مكه و خد شويه عضم و تراب و قال للنبى ﷺ : أتدعى يا محمد أن ربك يحيي هذا !! و رما التراب فى وجه النبى الشريف ﷺ فالنبى ﷺ يقوله نعم و يستحمل ويمشى ).. 

( كمان فى مرة النبى ﷺ كان ماشى فى مكة قبل الهجره للمدينه فيقف له أُبَيَّ بن خلف و هو راكب على فرسه فيقول للنبى ﷺ : أتدرى هذا الفرس لما اعلفه ؟

فيرد النبى ﷺ ويقوله: لا أدرى. فيرد أُبَيَّ و يقول : لأقتلك عليه ،فالنبى ﷺ يقوله : لا بل انا قاتلك ان شاء الله ..

فعداوه أبى لرسول الله دى من زمان ✋) ..

فأول ما أُبَيَّ يشوف النبى ﷺ فى المعركه فيجرى عليه فيشوفوه الصحابة فيقولوا يا رسول الله ان هذا الفارس يقترب ..سنقاتله ..فقال النبى ﷺ : لا.. دعوه لى، انا اتصدى له.. وقال لهم اعطونى حربة (ده نوع من السلاح)

فبيقول الصحابة من شدة قوة النبى ﷺ و شجاعته فى انتزاع الحربة : انتفضنا من حوله ..فأخذ الحربه ورماها على ابى بن خلف وكان أُبَيَّ لابس حديد على كل جسمه مش باين منه غير عينيه وفمه بس ، فلما النبى ﷺ رماه بالحربة فالحربه يدوب لمست جزء من فمه واتصدمت الحربه بالحديد و وقعت على الارض..فكان يدوب خدش بسيط بس أُبَيَّ أتفزع و قعد يصرخ ويقول :قتلنى محمد ، قتلنى محمد..

فالجنود الكفار اصحابه اتلموا عليه و هو بيصرخ وقالوا : اذهب فؤادك (عقلك) إنما هو جرح بسيط لا يقتل !! ..

فقال أُبَيَّ: لا .. لا.. إن محمد قال لى فى مكة انه سيقتلنى وانا اصدقه وللات والعزى لو بصق عليا محمد لقتلنى ✋

👈 ايه ده هو مصدق كلام النبى ﷺ ؟!🤔

اه مصدق..و عارف انه ما دام النبى ﷺ قاله إنى قاتلك إن شاء الله يبقى اكيد هيموت ..

طب مادام مصدقه كدة ليه أُبَيَّ مأسلمش؟🤔

قال تعالى:" وَجَحَدُوا بِهَا وَاسْتَيْقَنَتْهَا أَنفُسُهُمْ ظُلْمًا وَعُلُوًّا فَانظُرْ كَيْفَ كَانَ عَاقِبَةُ الْمُفْسِدِين " 

طيب أُبَيَّ بيصرخ واقع فى الارض مش مجروح إلا مجرد خدش..ويروح اصحابه شايلينه و يرجعوا بيه لمكه وهما فى الطريق فى مكان اسمه وادى صرف ، يموت أُبَيَّ بن خلف تصديقا لكلام رسول الله ﷺ.. 

💢وبعد شوية و النبى ﷺ واقف يقاتل و معاه الصحابة يجى دور المرأة العظيمة نسيبة بنت كعب (ام عمارة ) فى الدفاع عن رسول الله...و كانت من ضمن الصحابة اللى اتلموا حول النبى ﷺ لما وقف ينادى عشان يعرفوا انه لسه حى ..

بس هو فى نساء بتحارب؟!

ايوه النساء ليهم دور فى الحروب.. كانوا بيخرجوا كطبيبات بيعالجوا الجرحى فى الحروب يعنى ليها دور وبتشارك، محدش قال لها اقعدى فى البيت ومتخرجيش زى ما بيتهموا الاسلام الايام دى ..

المهم تعمل ايه " أم عمارة" الست العظيمة دى ؟

عبد الله بن قمئة اللى قتل "مصعب بن عمير حامل لواء الإسلام" بدأ يعرف ان اللى قتله ده مش النبى ﷺ وان النبى ﷺ لسه عايش ..🤚

فيجرى بن قمئه على النبى ﷺ و يجيله من ضهره والنبى ﷺ بيبارز مش شايفه فتشوف ام عمارة المنظر ده فتقوم تاخد سيف من على الارض و تقف فى ضهر النبى ﷺ عشان تتصدى لعبد الله بن قمئة و تقف له ..

طب ما كدة هو هيقتلها ؟! و هيوصل للنبى ﷺ ..صح؟

لأ.. مش هتتقتل ام عماره .. طب إزاى؟🤔

اصل أخلاق و شهامة المقاتل العربى حتى لو كان كافر متسمحش انه يقتل امراة..

فبتقول ام عماره : فضربنى ضربة فى ذراعى، اسقطت السيف من يدى فهممت ان اجرى فنظرت فإذا رسول الله وحده فثبت مكانى وجعل عدو الله يضربنى ببطن السيف على كتفى حتى غارت عظام الكتف (تهشمت ،اتكسرت ) فانفجر الدم منه فسقطت مكانى ..😔

فيشوفها ابنها حبيب بن زيد بالمنظر ده فيجرى عليها، فيشوفه بن قمئة فيخاف بن قمئه و يجرى، فجالها ابنها ينقذها فقالت له : إليك عنى .. اتركنى و أذهب فأنقذ رسول الله ، فالتفت لها النبى ﷺ وشافها بالمنظر ده..

و بيحكى النبى ﷺ و بيقول : يوم غزوة احد ما نظرت عن يمينى ولا عن يسارى ولا من امامى ولا من خلفى إلا و رايت ام عمارة تدافع عنى ..فالنبى ﷺ شاف قد إيه هي تعبانه و متحمله ..فقال لها : من يطيق ما تطيقين يا ام عمارة !! فقالت بل اطيق واطيق واطيق ولكن اسالك شيئا واحدا.. مرافقتك فى الجنة يا رسول الله ❤️..

فقال : لا يا ام عمارة بل انتى واهل بيتك رفقائى فى الجنه. 

❤️يارب اجعلنا رفقاء النبي ﷺ في الجنه مع أم عماره❤️

❤️❤️❤️❤️❤️ صلوا على النبى ❤️❤️❤️❤️❤️

💢باقي جيش المسلمين بعد ما فكروا ان النبى ﷺ مات .. راح عدد كبير منهم فى إتجاه المدينه و ساب المعركة.. راجعين يقولوا مات رسول الله .. و يشاء الله عز وجل ان وقت وصول الجيش للمدينة يصادف وصول صحابى اسمه انس بن النضر ، انس ده يبقى عم انس بن مالك خادم رسول الله ..فكان انس وقت غزوة "بدر" فى تجارة فى الشام فمحضرش الغزوة مع المسلمين ولما رجع و عرف اللى حصل بكى وقال: والله لئن اشهدنى الله مشهدا اخر مع رسول الله، فوالله ليرى الله أجمل ما اصنع .. 

وتلف الايام وتيجى غزوة احد و أنس برده يكون وقتها فى تجارة فى الشام بس المرة دى يجى معاد رجوعه فى نفس معاد وصول الجيش للمدينة فيقول لهم :ما لكم؟

فيحكوا له اللى حصل كله و يقولوا له قتل رسول الله ، فيقولهم :قتل رسول الله ؟ فيقولوا له : نعم ..

فيرد عليهم و يقول و ما تصنعون بالحياة بعده !! اذهبوا و عودوا وموتوا على ما مات عليه رسول الله :'( ..

وكانت النتيجة ان بالفعل يرجع الجيش تانى لأرض المعركه و معاهم انس بن النضر (صحابى واحد قدر انه يرجع جيش كامل تانى للمعركة.. و احنا كمان لازم نساعد بعض و نشجع بعض لعل بكلمه منك يجعل عمل كبير اوى يبقى فى ميزانك من غير ما تكون عملته) ..

💢طيب دلوقتى رجع الجيش و انتشر فى ارض المعركة بس الصحابة لقوا حاجة غريبة ان انس بيجرى فى جهة تانية غير اللى بيجروا فيها رايح فى اتجاه جبل احد ، ناحيه معسكر الكفار ، فيقولوا له : إلى أين يا انس ؟! ليس من هذا الاتجاه يا انس! فيرد عليهم أنس و يقول: إلى الجنة ، إلى الجنه و الله انى لأجد ريح الجنة دون احد ( عند جبل احد)

(وبعد انتهاء المعركة هيشوفوه الصحابة مقتول فى نفس المكان اللى كان بيشاور عليه بس للاسف الكفار كانوا ممثلين بجثة انس لدرجة ان محدش كان عارف مين ده بسبب تشوه وجهه ..لحد ما جت اخته وعرفته من كف ايده وعرفته من صبعه لان صبعه كان مقطوع فقالت: هذا كف اخى.. هذا بدن انس بن النضر.. 💪

وينزل قول الله تعالى " مِّنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ فَمِنْهُم مَّن قَضَىٰ نَحْبَهُ وَمِنْهُم مَّن يَنتَظِرُ وَمَا بَدَّلُوا تَبْدِيلًا " ❤️

💢وتحصل حادثة من اسوأ الحاجات اللى حصلت فى غزوه احد و هى إصابة النبى ﷺ 😔🥺

النبى ﷺ واقف بيبارز فيشوفه واحد كافر اسمه ابو عامر الفاسق.. الفاسق ده لقبه..اصلهم لقبوه بالأسم ده بعد اللى هيعمله دلوقتى مع النبى ﷺ ... فأبو عامر الفاسق يشوف النبى ﷺ بيبارز فيرجع بضهره لورا و يشوف خط سير النبى ﷺ ويقعد يحفر يحفر لحد ما حفر حفره فى خط سير النبى ﷺ من الخلف ويقف من بعيد يستخبى عشان يتفرج على اللى هيحصل.. فالنبى ﷺ راجع بضهره و فجأه يقع النبى ﷺ فى الحفرة (فداك الدنيا يا رسول الله 😔) 

ويتخبط وجه النبى الشريف ﷺ فى الصخر اللى جوة الحفرة و كان النبى ﷺ لابس خوزه حديد ..فلما رأسه اتخبطت فأتصطدم الحديد فى وجه النبى ﷺ فيتكسر فكه..ويتملى فمه الشريف بالدم و يبدأ يمج الدم من فمه (يعنى يبصق الدم ) وبدأ النبى ﷺ يفقد توازنه و وعيه من كميه الدم اللى خرجت منه بس بيحاول يستعيد توازنه مرة تانيه فيشوفه ابو عامر الفاسق فيقوم رايح ناحيه النبى ﷺ و يجى بالسيف بتاعه و يقوم ضارب بالسيف على راس النبى ﷺ وكانت ضربة قوية 🥺.. من قوة الضربة ،تتعوج الخوذة الحديد و يكون فيها حتتين حديد على الخدين .. فيتعوجوا و يتغرس الحديد و يدخل فى وجه النبى ﷺ و فى فكه 🥺 و يبقى الحديد مش راضى يطلع من وجهه ﷺ و يبدأ يصرخ من الالم فيجرى ابو عامر الفاسق ويبعد عنه ..

(بأبي انت وأمي يارسول الله 😢.. فداك نفسي 😔) 

💢فعلى بن ابى طالب رضي الله عنه جرى على رسول الله و حاول يخرجه من الحفرة .. و يجرى عليه ابو بكر وعمر و ابو عبيدة بن الجراح عشان يساعدوا.. و قدروا يطلعوا النبى ﷺ من الحفرة والنبى ﷺ تنزل دموعه الشريفه من شده الالم ♡ :'( والحديد اللى داخل فى وجهه فيحاول ابو بكر يخرج الخوذة من وجه النبى ﷺ، فالنبى ﷺ يصرخ من الألم لأن اللى بيخرج الحديد بإيده بيزود ألم النبى ﷺ..فأبو عبيدة بن الجراح يقول لأبو بكر: دعنى اخرج الحديد من وجه رسول الله فيمسك ابو عبيده الحديده اللى داخله فى خد النبى ﷺ ويشدها بأسنانه لحد ما يخرجها من وجه النبى ﷺ ..

بس هيخسر ابو عبيده صف اسنانه لأنه بيشد بقوه فالنبى ﷺ يصرخ من الالم فيمتلئ فم ابو عبيده بالدماء ..

فيقول النبى ﷺ : ادركوا ابو عبيدة ..( ألحقوه .. النبى عايزه يبطل عشان سنان ابو عبيده بتتكسر و النبى مش عايز ابو عبيده يتأذي ♡ )

بس ابو عبيدة مش بيلتفت للكلام ده خالص وكل همه إنقاذ رسول الله ويجى ابو عبيدة من الجانب الاخر من وجه النبى ﷺ وينزع الحديد منه بأسنانه فيخرج الحديد من وجه رسول الله وينفجر وجهه الشريف بالدم و يخسر ابو عبيده باقى اسنانه فداءآ و دفاعآ عن رسول الله ..

(ياحبيبي يارسول الله ❤️😢) 

💢بدأ يصرخ النبي ﷺ من شدة الالم الصحابة مش عارفين يعملوا ايه فيجى سيدنا على بن ابى طالب و يرمى المايه على وجهه النبى ﷺ فالمايه تخلى الدم يزيد اكتر فالصحابه مش عارفين يعملوا ايه فتيجى السيده فاطمة وتكوى جرح النبى ﷺ فيلتئم جرح النبى ﷺ ..

كل ده بيحصل وسيدنا عمر بن الخطاب واقف هيتجنن من المنظر و من شده الم النبى ♡.. فعمر زعلان و مش قادر يتحمل، فيقول للنبى ﷺ : ادعوا عليهم يا رسول الله ، فبيحكى عمر و يقول : فرفع النبى ﷺ يده فقلت سيدعى عليهم فالنبى ﷺ يقول لعمر : لا يا عمر.. لم ابعث لعانآ و لكنى بعثت رحمة ويدعى النبى ﷺ ويقول : اللهم اغفر لقومى فانهم لا يعلمون ..🥺🥺

(يااا يا رسول الله بعد كل اللى عملوه !! ايوه النبى ﷺ دعا لهم بالمغفرة و كمان نسبهم لنفسه ﷺ .. وبعد كل ده لسة فى ناس بتقول النبى ﷺ نبى العنف والقتال ويجى ناس تانيه عاملين نفسهم مسلمين بيعملوا اعمال عنف وينسبوها للنبى ﷺ ،النبى ﷺ كل اللى كان عايزه انه يبلغ الدعوه.. و لا إكراه فى الدين بس قريش مسمحتش له انه يبلغ الدعوه للإسلام و حاربته) 👌

💢طيب الجرح اتكوى الحمد لله بس لسه فيه بواقى دم فيجى صحابى اسمه مالك بن سنان ده يبقى ابو انس بن مالك.. فيعمل حاجه هتعرفوا قد ايه حب الصحابه للنبى ﷺ .. مالك بن سنان هييجى و يلعق الدم من على وجه رسول الله فالنبى ﷺ يقول له :لا تفعل .. لا تفعل.. لكن مالك مصمم و مش بيرد على النبى ﷺ .. و يبدأ النبى ﷺ يقول له : طب ابصق الدماء ..

فيرفض مالك و يقول: و الله لا افعل ، و يقوم مالك بعد كده و يروح لوسط ارض المعركه و يقاتل فى سبيل الله ..

فيقول النبى ﷺ للصحابه : من اراد ان ينظر إلى شهيد يمشى على وجه الارض فلينظر الى مالك بن سنان فإن الله لا يعذب بدنآ اختلط دمى بدمه ♡..

اصل مالك مرضيش يبصق دم رسول الله من فمه.. و فعلا بعد دقايق يتقتل مالك بن سنان و يسقط شهيدآ رضى الله عنه وأرضاه ❤️..

💢 ونختم بحاجه حلوه

 تعرفوا ان بعد الحادثه بتاعت حديد الخوذه اللى دخلت فى وجهه النبى ﷺ ، غيرت من وجهه و شكله.. بس الصحابة بيقولوا : والله بعد الحادث إزداد النبى حسنآ إلى حسنه و إزداد جمالا إلى جماله صلى الله عليه وسلم ♡

ماجميل إلا سيدنا النبي ﷺ❤️❤️❤️ 

نكمل بكرة إن شاء الله ❤ 

#كن_محمديا