السيره النبويه العطره 38

 

#السيره_النبويه ❤️

👈حب سيدنا النبي ﷺ للسيده عائشه ❤️☺️

👈حب سيدنا النبي ﷺ للحسن والحسين ❤️❤️

👈تمهيد لغزوه " أحد" ✋💪

💢 و نبدأ بموقف جميل هنشوف حب السيده عائشه الشديد لسيدنا النبى ﷺ 😊

لما النبي ﷺ تزوج أم سلمة فجه بعض الناس لعائشة و قالولها ألحقي يا عائشة : أم سلمة جميله فما رأينا أجمل منها في النساء، فتقول عائشه :فدبت الغيرة في قلبي و غضبت فقلت لهم : أحقاً !!،

قالوا :والله إنها أجمل النساء لم نرى أحلى منها ،

فتقول عائشه: فذهبت إلى بيت أم سلمه فأختبأت و أنتظرت حتى أتت إلى بيتها.

فبتقول السيده عائشه :فنظرت إليها فإذا هي و الله أضعاف أضعاف ما قيل لي من حسنها.. فجلست على الأرض أبكي ( بصوا عائشة بتحب النبي ﷺ إزاي ؟ خايفه إنه ممكن يحب حد أكتر منها ) فذهبت إلى حفصة (عشان هي و السيده حفصة صحاب)👌

و قلت: يا حفصة أدركيني أدركيني ،

فقالت ما يبكيكي يا عائشة ،فقلت يا حفصة حدث كذا و كذا و قيل لي كذا و كذا على أم سلمة، فذهبت فنظرت إليها فإذا هي أضعاف أضعاف ما قيل لي من حسنها ..

فضحكت حفصة و قالت: يا عائشة أحقاً نظرت إليها؟

قالت أجل و الله .. فقالت يا عائشة إنها ليست كما تقولين أبدا هي عجوز و ليست جميلة أصلاً ..

فقالت: لا يا حفصة نظرت إليها، فضحكت حفصة و قالت يا عائشة إذهبي فأنظري إليها مرة أخرى،

فبتقول السيده عائشه فذهبت و نظرت إليها مرة أخرى فإذا هي و الله كما قالت حفصة ، فرجعت إلى حفصة أقول يا حفصة كان الذي قلتي، فضحكت حفصة و قالت هي غيرتك يا عائشة (غيرتك خلتك تشوفي أم سلمة حلوة اوى )..

و أم سلمة مكنتش بتزعل من الحديث ده لإنها قبل ما تتزوج النبي ﷺ كانت تغير غيرة شديدة على زوجها أبو سلمه اللي مات .. فكانت خايفة ان غيرتها دي تضايق النبي ﷺ فقالت له :أدعو لي يا رسول الله فرفع يده و قال اللهم أذهب غيرة أم سلمة من قلبها، فكانت مبتغيرش ابدا و كانت معتبرة نفسها أنها أم لزوجات الرسول ❤️❤️

رضي الله عنكم يا أمهاتنا ❤️❤️

💢و مره نزل جبريل على النبي ﷺ و قال له حديث خلى النبي ﷺ فرحان جدا 😊

فقال له يا رسول الله إن عائشة زوجتك في الدنيا و في الجنة ففرح النبي ﷺ و راح حكاه للسيده عائشة 😊

قال :يا عائش إن جبريل قد قال لي أنك زوجتي في الدنيا و في الجنة.. رضي الله عن السيده عائشه و أرضاها ❤️

💢و فى يوم من الايام دخل المسجد احابيش (اطفال من الحبشة) يلعبون بالحراب (حاجة زى استعراض كده بالعصيان ..طيب ده مسجد النبى ﷺ هيسيبهم يلعبوا كده؟

 ايوه ♡.. النبى ﷺ لا زعق لهم و لا يشخط فيهم و لا حتى صحابة زعلوا و على فكره ان حد يمنع اطفال من دخول المسجد ده ضد سنة النبى ﷺ تماما.. وحتى الصحابه كانوا بيضحكوا جوا المسجد و يهزروا ☺️

مره النبى ﷺ فى يوم بعد ما انتهى من صلاته فى المسجد قعد يقول الأذكار فقام سيدنا عمر بن الخطاب قال للصحابه : افلا اضحككم ؟ قالوا: بلى.

و بدا يحكى لهم عن نفسه ايام الجاهلية و الإله اللى كان مصنوع من العجوة اللى كان يعبده و إنه مره جاع فأكل الإله ^_^ فالصحابه قعدوا يضحكوا اوى ،

فالنبى ﷺ بص لهم و ابتسم ولم ينهاهم ابدا و راح مكمل أذكاره..يعنى الدين بتاعنا دين حياه ..نضحك و نهزر و ننبسط بس منكدبش و لا ندايق الناس اللى بتصلى 👌..

💥 المهم نرجع لموضوعنا لما دخل الاطفال الأحابيش يلعبوا فى المسجد.. و كانت غرفه السيده عائشه بتطل على المسجد على طول فكان النبى ﷺ فى الغرفه ففتح الستر فلاقى الاطفال بيلعبوا فى المسجد زى ما قولنا إستعراض بالعصيان.. فالنبى ﷺ بص لهم و ابتسم 😊..

فبتقول السيده عائشة: فجئت من خلف النبى ﷺ ووقفت ..

فنظر النبى ﷺ إليا و قال: يا عائش أتحبين ان تنظرى؟

فقلت له :اجل يا رسول الله ..

فبتقول السيده عائشه: فضرب النبى ﷺ بكفه على كتفه (يعنى بيقول لها حطى راسك هنا) فوضعت ذقنى على كتفه و اسندت رأسى إلى خده و جعلت انظر و انظر و انظر ..

فالنبى ﷺ بدأ يتعب فقال لها :يا عائش اشبعتى؟

فقالت عائشه: لا ..

فالنبى ﷺ سابها شويه كتير كمان تتفرج و بعدين سألها تانى :يا عائش.. اشبعتى؟ فقالت عائشه لا..

فيسيبها تانى فتره طويله و يسألها تانى.. اشبعتى؟

فترد تقول له : لا..

فالسيده عائشه بتحكى و بتقول: و الله كنت لا اريد ان انظر للأولاد اصلا و لكنى اردت ان ارى مكانى فى قلبه ❤️

(عايزه تشوف النبى ﷺ ياترى هيستحمل يفضل قاعد كده عشانها !! )

و قالت عائشه : و اردت ايضآ و تمنيت ان تمر احدى نساءه فترانى و ترى مكانى منه ( كان نفسى واحدة من زوجاته تعدى فتشوفنى و تشوف انها سانده على كتف النبى ﷺ وراسها على خده و هو مستحمل ده ♡ )..

بس بتقول عائشة: و لكنى اشفقت عليه فقالت له :الان شبعت يا رسول الله ، فقمت عنه فاغلق الستر و انصرفت ..

(ياحبيبي يارسول الله يارحمه العالمين ❤️) 

💢هنحكي عن حب سيدنا النبي ﷺ لسيدنا الحسن وسيدنا الحسين ❤️❤️

مرة فى وقت صلاة الجماعة فى المسجد النبوى, أطال النبى ﷺ فى السجود, ففيه عدد من الصحابة فكروا ان تأخيره ده بسبب وحى نزل عليه , وفيه بعض من الصحابة فكروا ان النبى ﷺ مات, لدرجة ان فيه صحابى رفع راسه و بص لفوق خاف يكون قبضه الله! طب هو فيه ايه ؟🤔

اصل الحسن والحسين احفاد النبى ﷺ ♡ قاعدين فوق ضهر النبى ﷺ , والنبى ﷺ مرضيش يكسر بخاطرهم وينزلهم, فسابهم فوق ضهره و فضل ساجد لحد ما نزل الحسن والحسين, و النبى ﷺ لما قام بعدها قال: "إرتحلنى الحسن والحسين وكرهت أن أقطع عليهما لعبهما فأنتظرت حتى ينزلا من ظهرى فقمت " ❤️❤️

وقصه تانيه بيحكيها سيدنا أنس بيقول : دخل النبي ﷺ بيته بعد غزوة غزاها فما إن جلس إلى الأرض حتى مال ونام فدخل الحسين يشتد (بيجري) فما إن نظر إلى النبي ﷺ فصاح ، ففتح النبي ﷺ عينيه وضم الحُسين إليه ضماً شديداً بس النبي ﷺ مش قادر يقوم .. تعبان ..

فقام ماسك الحسين و وضعه على بطنه الشريف ﷺ و فضل يلاعب الحسين يضحكه و يضحك الحسين اوى و النبى ﷺ يلاعبه كمان و يضحك الحسين ،

فبيقول أنس : فجعل الحسين يضحك ويضحك حتى بال على بطن النبي ﷺ ففزعت فقمت أجذبه من النبي ﷺ

فقال النبي ﷺ : دع ابني ، دع ابني لا تفزع ابني دعه يُكمل..

فيقول أنس رضي الله عنه : والله جعلت أنظر إلى الحُسين يضحك وبوله على بطن رسول الله أساريع ..

فما إن أكمل الحُسين بولته حتى قبله النبي ﷺ بين عينيه ووضعه على الأرض ثم قام فاغتسل..

شوفو أد إيه بيحتمل وما يغضبش صلى الله عليه وسلم ♡ ..

(ياحبيبي يارسول الله ❤️.. زاد شوقنا ليك 😢) 

وكان النبى ﷺ حنين اوى كان يحضن الحسين ويشمه ويقبله فى رأسه وبين عينيه وفى أنفه, زى الأم اللى بتحب أولادها..كأنهم حته منها ♡..

و نزل جبريل وسأله: "يا رسول الله أتحب حسيناً؟"

فقال الرسول: "والله يا جبريل ربى يعلم كم أحبه",

فقال جبريل: "يا رسول الله إن أناساً من أمتك سيقتلوه وسيقطعوا راسه".

فيبكى النبى ﷺ بكاء شديد, ويحضن الحسين ويبكى 😢 ويعيش ويشوف الحسين بيكبر قدامه و يتألم النبى ﷺ لانه عارف السر ده.. تخيلوا!!..

و طبعا عارفين ان بعد وفاه النبى ﷺ بعد سنيييين هيتقتل سيدنا الحسين زى ما جبريل قال بالظبط في كربلاء 😢 ..

و على فكره الحسن و الحسين النبى ﷺ قال انهم سيدا شباب أهل الجنه.. رضي الله عنهما ساده أهل البيت ❤️

❤️❤️❤️❤️❤️ صلوا على النبى ❤️❤️❤️❤️❤️

💢احنا دلوقتى بقينا سنة 3 هجرياً ✋✋

أبو سُفيان (قبل إسلامه) كان عايز ينتقم من رسول الله و من المسلمين بسبب اللى حصل فى معركة بدر وانتصار المسلمين عليهم.. أبو سُفيان منع أن حد فى مكه أنه يعمل فرح أو يلبس ملون أو يعمل أى مناسبة و ده حداد على هزيمتهم فى بدر و أقسم ابو سفيان باللات والعُزى أنه لازم يحقق إنتصار على المسلمين .. أبو سُفيان كمان مكنش هدفه الانتقام و بس ..لأ..هو كان خايف على المكانة الأقتصادية لقُريش بين العرب بعد هزيمتها فى بدر ..

فعشان كده كان هدف أبو سفيان الأكبر هو أنه يرجع مكانة قريش وسط الجزيرة العربية عشان التجارة. فهينفق فلوس كتيرة جداً ✋ و ربنا بيقول علي ده فى القرأن قال تعالى:

"إِنَّ الَّذِينَ كَفَرُوا يُنْفِقُونَ أَمْوَالَهُمْ لِيَصُدُّوا عَنْ سَبِيلِ اللَّهِ فَسَيُنْفِقُونَهَا ثُمَّ تَكُونُ عَلَيْهِمْ حَسْرَةً ثُمَّ يُغْلَبُونَ " 

 فسيدنا العباس عم النبي ﷺ (اللي أسلم يوم بدر وأخفي إسلامه ورجع مكه) يبعت للنبى ﷺ الخبر بسرعه و يقول له : أن قريش قد خرجوا بثلاثة آلاف مقاتل وسبعمائة دارع وثلاثة مائة فرس و معهم الكثير من السلاح (معاهم كميه سلاح غير طبيعيه) ..

و كمان سيدنا النبى ﷺ هيشوف رؤية فبيقول ﷺ : "رأيت كأن ذراعى فى درعٍ حصينة ورأيت بقراً يُنحر فأولته خير" النبى ﷺ فسر الرؤية.. النبى ﷺ شاف أن دراعه فى درع حصينة يعنى متحصن كويس يعنى فى حاجة حمياه فراح النبى ﷺ مفسر أن الدرع الحصينة دى هى المدينة ..

يعنى ايه ؟🤔

يعنى مش هيخرج يقابل جيش قريش بره المدينة..

طب ايه البقر الذى يُنحر ؟🤔

النبى ﷺ فسر ان دول الصحابة يعنى فى ناس هتموت..

فهيجمع النبى ﷺ الصحابة و هيعمل مشورة ✋

النبى ﷺ عمره ما فرض رأيه مع انه قائد الدولة و رسول الله بس كان بيحب دايماً ياخد رأى الصحابة و ربنا بيحب ده.

قال تعالى: "وَشَاوِرْهُمْ فِي الْأَمْرِ فَإِذَا عَزَمْتَ فَتَوَكَّلْ عَلَى اللَّهِ إِنَّ اللَّهَ يُحِبُّ الْمُتَوَكِّلِين"

فيقولهم أشيروا علىّ أيها الناس ..

فيطلع واحد و يقول له يا رسول الله نظل فى المدينة فإذا دخلوها علينا قاتلهم الرجال فى الأزقة وقاتلتهم النساء والأطفال من فوق الأسطحة (كلامه منطقى)

فقال النبى ﷺ أجل نبقى فى المدينة 👌 ..

بس الشباب كان ليهم رأى تانى كانوا شايفين أننا نخرج لهم يا رسول الله (الشباب أغلبهم متحمسين أوى) ..

فقالوا نخرج يا رسول الله ونحاربهم بالخارج والله ليسوا أجرأ على الموتِ منا ونحن نريد الشهادة ..

فالنبى ﷺ مش عايز يخرج بس مش عايز يفرض رأيه فهنعمل انتخابات و ناخد رأى الأغلبية (الديمقراطية اللى بيتكلم عنها الغرب .. النبى ﷺ كان سابقهم اهو من زمان أوى ) ..

فيطلع رأى الأغلبية اننا نخرج ..

يا ترى هتخرج يا رسول الله ؟🤔

أيوه.. هخرج و هحترم رأى الأغلبية 😊

و يدخل النبي ﷺ بيته ويطلب من عائشة تجيب له الدرع بتاعه فيلبسه، فلما الصحابة لقو النبى ﷺ دخل يلبس الدرع فأتكلموا مع بعض و قالوا لكأننا أكرهناه ✋

(النبى ﷺ واضح انه مكنش عايز يطلع بره المدينه)

فلما خرج قالوا له يا رسول الله لكأننا أكرهناك و نرى ان نبقى بالمدينة ...فغضب ﷺ 😔

(تلاحظوا حاجة فى شخصية النبى ﷺ ان النبى ﷺ مكنش بيحب التردد ✋) 

فقال ألم تكن الأغلبية أن نخرج ؟ قالوا : بلى ولكن ..

فقال النبى ﷺ: ما كان لنبىٍ لبس لامته (درع الحرب) أن يخلعها حتى يحكم الله بينه وبين عدوه.. 

قال الله تعالى :

{ فَإِذَا عَزَمْتَ فَتَوَكَّلْ عَلَى اللَّهِ إِنَّ اللَّهَ يُحِبُّ الْمُتَوَكِّلِين } ..

و هيخرج النبى ﷺ من المدينة و معه ألف مقاتل 💪

وهما ماشيين فى نص الطريق هتحصل مفاجأة ✋

عبد الله بن أُبى بن سلول (ده كبير المنافقين) قرر يوقع بين المسلمين ..عايز يخذل جيش المسلمين ..

ففى وسط الطريق بدأ يلم حواليه مجموعة من المسلمين و يقول: أيها الناس لم يسمع لنا رسول الله وأتبع الغِلمان علام نقتلُ أنفسُنا؟!! 

و اخبرنا الله عنهم فى قوله تعالى :

"وَلِيَعْلَمَ الَّذِينَ نَافَقُوا ۚ وَقِيلَ لَهُمْ تَعَالَوْا قَاتِلُوا فِي سَبِيلِ اللَّهِ أَوِ ادْفَعُوا ۖ قَالُوا لَوْ نَعْلَمُ قِتَالًا لَّاتَّبَعْنَاكُمْ ۗ هُمْ لِلْكُفْرِ يَوْمَئِذٍ أَقْرَبُ مِنْهُمْ لِلْإِيمَانِ ۚ يَقُولُونَ بِأَفْوَاهِهِم مَّا لَيْسَ فِي قُلُوبِهِمْ ۗ وَاللَّهُ أَعْلَمُ بِمَا يَكْتُمُونَ "

و الكارثه ان فى طائفتين كمان كانوا خلاص هيرجعوا مع عبد الله بن ابى بن سلول....بس الحمد لله تراجعوا وربنا ثبتهم وفضلوا مع النبى ﷺ 💪

يقول الله تعالى : " إِذْ هَمَّتْ طَائِفَتَانِ مِنْكُمْ أَنْ تَفْشَلا وَاللَّهُ وَلِيُّهُمَا وَعَلَى اللَّهِ فَلْيَتَوَكَّلِ الْمُؤْمِنُونَ "

فطلع واحد من الصحابه وقال والله ما قصد ربى غير بنى سلمة و بنى حارثة .. 

طب كده المسلمين دول اتفضحوا 😱؟

لأ .. علشان باقي الأية ^_^ اللى هي (وَاللَّهُ وَلِيُّهُمَا) ❤️❤️

فهو مهتمش بشكلهم قدام المسلمين ..

لكن اهتم بأن ربنا قال عليهم انه وليهما ♡ ..

و عشان كده محدش من باقى المسلمين قدر يظن فيهم بشئ سئ...و على فكرة ال 300 اللى رجعوا مع عبد الله بن ابى بن سلول ،فى ناس منهم ربنا هيتوب عليهم و ناس تانيه منهم هيموتوا منافقين ..

💢طيب النبى ﷺ معاه 700 مقاتل و قريش معاها 3000 مقاتل وصل النبى ﷺ لجبل أُحد والنبى ﷺ كل الى بيفكر فيه أن ميسمحش لجيش قريش انه يحاوط جيش المسلمين لأن لو ده حصل هيموت المسلمين فى دقايق فالنبى ﷺ هيحلها ازاى دى؟🤔

النبى ﷺ هيقسم جيشه لميمنة وميسرة وهيوقفهم كلهم صف واحد وأخر جندى فى الميمنة كتفه لازق فى جبل أُحد .. ليه ؟ 🤔

علشان لو جه جيش قريش .. ساعتها هيلاقى الحتة دى مقفولة و جبل أُحد جبل ضخم فصعب يقرر جيش قريش يلف من وراه لان ده هياخد وقت طويل اوى.

طيب النبى ﷺ كمان هيخلى ﷺ أخر جندى فى الميسرة لازق كتفه فى جبل الرُماة (نفس فكرة الميمنة وجبل أُحد)

فقفل علي جيش قريش الحتة دى بردو فبكده ما يقدروش يحاوطوا المسلمين 👌

لكن جبل الرماه جبل صغير ممكن كفار قريش يلفوا من وراه طيب هتعمل ايه يا رسول الله ؟ 😔

نكمل بكرة إن شاء الله ❤ 

#كن_محمديا

 💢 💢