السيره النبويه العطره 37

 

#السيره_النبويه ❤️

👈إنتصار المسلمين على يهود بني قينقاع 💪

👈زواج سيدنا علي بالسيده فاطمه الزهراء❤️

👈زواج سيدنا النبي ﷺ بالسيده حفصه بنت عمر ❤️

👈حب سيدنا النبي ﷺ لستنا عائشه بنت أبي بكر ❤️❤️

💢هنحكى النهارده عن غزوه بنى قينقاع ..

مين بنى قينقاع ؟ دى قبيلة يهودية كانت عايشة في المدينة .. يعني اليهود كانوا عايشين معانا كدة عادي ؟

ايوه طبعا لأن الاسلام مش دين عنصري ..

والنبي ﷺ لما دخل المدينة عمل دستور يحفظ حقوق المواطنين .. ففي الدستور ده مكتوب ان اليهود امة من دون الناس ، ليهم زى ما للمسلمين وعليهم زى ما علي المسلمين ، بس بشرط واحد..ايه هو ؟🤔

معاهده بين المسلمين و بين اليهود بتقول أن اليهود لا يحاربوا النبي ﷺ والمسلمين..و لا يشتركوا مع أحد لمحاربه المسلمين.. شايفين النبي ﷺ كان محقق حقوق المواطنة من ١٤٠٠ سنه 👌

و كان عايش في المدينة ٣ قبائل ..يهود بني قينقاع ..و يهود بني قريظة..و يهود بني النضير ..بس بني قينقاع كانوا مش بيسكتوا.. كانوا بتوع مشاكل ✋..

كان الصحابه يستحملوهم بس ساعات كانوا بيضايقوا منهم لكن النبى ﷺ كان دايما بيفكرهم أن بينا و بين بنى قينقاع معاهده.. و ان حسن العهد من الإيمان ♡ لحد ما فى مره إمرأه من العرب دخلت سوق بني قينقاع بتبيع دهب .. فقعدت مع الصائغ يهودي بتبيع وتشتري .. 

فاليهودي طلب منها تكشف وشها فالمرأه رفضت و أضايقت أوى.. فاليهودى حب يضحك عليها الناس.. و كانت الست لابسه عبايه طويله فقام اليهودى سابها تتفرج على البضاعه و قام لافف من وراها و راح رابط طرف العبايه فى طرف الإيشارب بتاعها..و عقدها عقدة جامدة اوي .. و العبايه واسعه و طويله فالمرأه محستش :( .. فأول ما قامت المراة وقفت.. أنكشف عورتها.. فخافت و صرخت 😮

فقام رجل من المسلمين اتخض من اللى حصل و جرى على اليهودى و ضربه فتشابكوا الاتنين فالمسلم قتل اليهودي ✋

هو مش قاصد يقتله ..بس الموقف كان صعب و شديد اوى اللى اتعرضت له المرأه دى.. فاليهود لما لاقوا اليهودى مات قاموا هجموا على المسلم فقتلوه .. و بقى فى قتال بين المسلمين واليهود .. بس مين اللي بدأ بالغدر ؟✋

مين اللي نقض العهد ؟ اليهود 👌

فالنبي ﷺ جهز جيش .. جيش عشان إمرأه اتكشفت عورتها .. صلى الله على سيد الرجال 💪❤️

و اليهود بقوا يقولوا للنبى ﷺ : يا محمد لا يغرنك انك قاتلت اغمارآ من قريش ، فهم لا يعرفون القتال ..

(متفكرش يا محمد انك قوى عشان انتصرت فى بدر ..دة انت لو حاربتنا هنعلمك القتال )

و نزلت الآيات :" قُل لِّلَّذِينَ كَفَرُوا سَتُغْلَبُونَ وَتُحْشَرُونَ إِلَىٰ جَهَنَّمَ وَبِئْسَ الْمِهَاد"

فاليهود لما لاقوا النبى ﷺ جهز جيش قاموا دخلوا الحصن بتاعهم واستخبوا فيه ..فالنبي ﷺ فضل محاصرهم ١٥ يوم .. و بعد ١٥ يوم تعبوا و استسلموا ..

فيجي للنبى ﷺ واحد اسمه عبد الله بن أُبي بن سلول " ده مسلم لكن كان رأس المنافقين "

فيقول للنبى ﷺ : يا محمد اطلق بني قينقاع .. فالنبي ﷺ مايردش عليه ..

فيقوله احسن إليهم يا محمد.. فالنبي ﷺ مايردش ..

فيقوم عبد الله بن ابى بن سلول ماسك النبي ﷺ من رقبته ويشدوا ويقوله أَحسن إليهم ..أَطلق بني قينقاع،

فالنبي ﷺ يغضب و يبص له و يقول له : ارسلني (شيل ايدك.. ابعد ) فيكرر عبد الله بن ابى بن سلول..

فالنبى ﷺ يقوله سبنى.. (يا جماعه النبى عليه الصلاه و السلام كان فى قوه اربعين رجل و معاه جيش كبير و معاه رب العالمين قبل كل ده بس شوفوا هيتصرف ازاى)

فيكرر عبد الله و يقول اطلقهم يا محمد فيقول النبى ﷺ : هم لك ✋. النبى ﷺ ساب بنى قينقاع 😮

سبتهم يا رسول الله ؟😱

اه النبى ﷺ قرر يعامل عبد الله كويس لأن يمكن ده يحرك قلب عبد الله شويه..النبي ﷺ مش عاوزه يموت منافق ..

و كمان النبى ﷺ قرر يسيب بنى قينقاع لانهم استسلموا

فخلاص مش هيحاربهم و لكن هيحكم عليهم النبى ﷺ بالخروج بره المدينه و قال ان مش هينفع يعيشوا مع المسلمين في المدينة لأنهم نقضوا العهد ..

و يمشى بنى قينقاع و تخلص غزوة بني قينقاع 👌

💢 طيب نقول شويه احداث إجتماعي عظيمه :) ..

زواج السيده فاطمة بنت محمد ﷺ و سيدنا علي بن ابي طالب كان سنة ٢ هجرياً ..

السيده فاطمة بنت محمد بقت في سن الزواج .. جمال فاطمة مش عادي .. فاطمة كانت اشبه الناس برسول الله .. يعنى كانت حته من القمر رضى الله عنها و ارضاها .. كانت اجمل واكمل واعظم النساء .. وسيدنا علي بن ابي طالب من أجمل الصحابة .. 

فراحت واحدة صحابية تقول له:

 يا علي اما علمت ان فاطمة قد خطبت ( يعني بيتقدملها خطاب كتير ) ؟ فقال لها : نعم ..

فقالت له : لما لا تخطبها انت ؟.. فعلي سكت ..

فتكرر الصحابية عليه الكلام من تاني وتقوله: اخطبها يا علي ..فعلي رضي الله عنه يقولها معنديش فلوس كفايه انى اتقدم لفاطمه بنت رسول الله.. فالصحابيه تصمم و تقول له النبى ﷺ : بيحبك يا على..هيقبلك..

و يتشجع سيدنا على و يروح للنبي ﷺ فيدخل و يقعد ..

فالنبي يقول له ما بك يا علي ؟ فعلى ساكت مبيردش ^_^ ..

و بعدين يقول :أردت أن أخطب فاطمة يا رسول الله..

فبكل رفق وحنان يسأله النبى ﷺ : " وهل عندك شىء ؟"

فيرد عليه علىّ و يقول : لا يا رسول الله..

فقال النبى ﷺ : " فأين درعك التى أعطيتك يوم بدر؟

 (كان النبى اعطى درع هديه لعلى)

فقال علىّ رضي الله عنه : هو عندى يا رسول الله ..

فقال النبى ﷺ :" ائت بها " و يكون ده الصداق بتاع فاطمه و يتم الزواج المبارك بين فاطمة وعلي .. ويكون بيتهم متواضع جدا جدا .. و يكون اجمل زواج عرفه التاريخ ❤️❤️

💢طيب نحكى بقى عن زواج السيده حفصة بنت سيدنا عمر بن الخطاب و رسول الله ﷺ ❤️

أمنا السيده حفصة مات جوزها ..فتأيمت ( يعني بقت ارملة )

فعمر رضي الله عنه عاوز يجوز بنته بسرعة .. فراح لعثمان بن عفان رضي الله عنه وقال له : يا عثمان إن أردت أن تتزوج حفصه فأنا قبلت تتزوج .. فعثمان قال له هفكر فى الموضوع (متنسوش ان عثمان متجوز بنت النبى ﷺ )..

فيعدى يوم و أتنين و يرجع عمر لعثمان ..

فسيدنا عثمان لايقبل .. فعمر رضي الله عنه يزعل ..

فيروح لأبو بكر الصديق رضي الله عنه و يقول له : يا ابا بكر إن أردت أن تتزوج حفصه فأنا قبلت الزواج.. فيسكت ابو بكر و يقول له هفكر ..و يعدى ايام و ابو بكر الصديق رضي الله عنه يسكت خالص ✋

فعمر رضي الله عنه زعل لدرجه انه بيحكى و يقول : حين سكت ابو بكر..وجدت في نفسي اكثر من عثمان ..( يعنى زعل اوي )..فيعدى يومين فيروح النبى ﷺ لعمر عشان يخطب حفصه ففرح عمر جدا.. فجه ابو بكر لعمر وقال له : والله يا عمر كنت أعلم ان النبي ﷺ يريد ان يخطب حفصه..

فعمر قال له : لما لم تقص علي هذا ؟

فرد ابو بكر و قال : ما كنت لأفشي سر رسول الله ﷺ ..

و اتجوز النبي ﷺ حفصة.. طيب ليه ؟ ايه السبب ؟🤔

النبي ﷺ مش بيجوز علشان عايز يتجوز.. أبدآ..الوحيده اللى النبى ﷺ اختارها هي السيده خديجه و كانت اكبر منه ب25 سنه و مكنش راضى يتجوز بعدها ابدآ.. 

فجواز النبى ﷺ من بنت سيدنا عمر كان لتوطيد العلاقات لأن عمر هيبقى خليفه للمسلمين لمده 10 سنين

( فاكرين وقت بناء مسجد قباء لما النبى ﷺ رتب الطوب فأبو بكر حط طوبه و بعدين عمر و بعدين عثمان.. فقام النبى ﷺ قال : هؤلاء هم الخلفاء الراشدين من بعدى )

فالزواج ده حكمته ظهرت بعد كده ان سيدنا عمر لما هيكون خليفه هيحتاج رأى حفصه فى حاجات كتير لأن حفصه كانت زوجه لرسول الله فحافظه النبى ﷺ كويس اوى ..وده استفاد منه سيدنا عمر جدا.. و كانت السيده حفصه حكيمه و رزينه..ده غير النسب برسول الله.. رضى الله عن السيده حفصه أم المؤمنين ❤️

 

❤️❤️❤️❤️❤️صلوا على النبي ❤️❤️❤️❤️❤️

💢تعالوا نحكى مواقف بين رسول الله ﷺ و السيده عائشه رضى عنها ❤️❤️..

بتحكى السيدة عائشة: "خرج النبى ﷺ يوما الى غزاة (يعنى غزوة), فأقرع بين نسائه (يعنى عمل قرعة) لأنه فى كل مرة يخرج فى غزوة,كان ياخد معاه واحده من زوجاته, عشان تكون طبيبة وممرضة للجرحى من جيش المسلمين, و أوقات تانيه كانت تخرج النساء فى المعارك دفاعآ عن النبى ﷺ زى الصحابيه :" نسيبة بنت كعب" (أم عماره) اللى دافعت عن النبى ﷺ فى غزوة أحد.

فالمهم كان يقترع النبى ﷺ بين نسائه فيختار واحدة أو اثنتين بس عشان يطلعوا معاه الغزوه وفى غزوة من الغزوات و بعد ما اقترع بينهم خرجت السيدة عائشة والسيدة حفصة مع رسول الله ..

فتقول السيدة عائشة: "فخرجت على هودجى, وخرجت حفصة على هودجها (الهودج هو حجرة صغيرة توضع فوق الجمل عشان تبقى ستر وراحة للمرأة)

فوصلنا إلى مكان المعركة, وقاتل رسول الله ﷺ وكان النبى ﷺ فى كل ليلة يطمئن على حفصة, ثم يأتينى, ويقف أمام جملى, يكلمنى حتى يطلع الصبح. وكان يحب حديثى".. "فغارت حفصة. واحتالت على (عملت خطه ^_^)

ففى اليوم التالى, جاءت إلى حفصة وقالت: يا عائشة, هلا أردتى أن نتبادل الهودج, فأنظر وتنظرين. (لأن حفصة على علم بحب عائشه للإكتشاف و تحب تعرف و تشوف حاجات جديده , فعرضت عليها استبدال الهودج, عشان تشوف اللى حفصة بتشوفه من هودجها والعكس)

فبتقول السيده عائشه : فوافقت على عرضها, وياليتنى لم أفعل ! ولا أدرى كيف وافقت ! 😊 ..

وفعلا نزلت عائشة من هودجها, و بدلوا الهوادج و بالليل, جه النبى ﷺ على هودج السيدة عائشة, فبيبص فيلاقى حفصة بتخرج من الهودج. فنظر النبى ﷺ واحمر وجهه خجلآ , و فهم ان حصل شئ بسبب غيرة حفصة. 

فالنبى ﷺ مامشيش و فضل واقف و مكمل كلام مع حفصه و فضل معاها وانتظرته السيدة عائشة فى هودج حفصة ولكن النبى ﷺ مرديش يسيب حفصه عشان عارف انها عملت كده عشان عايزه تشوفه 👌..

فبتقول السيدة عائشة: "فبكيت, وبكيت, حتى كاد ينفلق كبدى. فنزلت من هودجى, و مشيت فى الصحراء فى الظلام وقلت يارب تلدغنى حية أو عقرب فأصرخ فيأتى رسول الله فينظر إلى 😢♡..

فكانت بتحب النبى ﷺ اوى اوى رضى الله عنها وأرضاها. و كان النبى ﷺ بيحبها و مننساش ان التصرفات نقدر نتحكم فيها لكن القلب لما بيميل و يحب محدش يملكه ✋

وده كان حال النبى ﷺ مع أمنا عائشه رضي الله عنها♡.. 

💢كانت السيدة عائشة تسمي حب رسول الله ﷺ ليها " العقدة " ..فكانت تقوله : يا رسول الله كيف حال العقدة ؟ ^_^ فيقولها : وطيدة يا عائشة .. صلي الله علي محمد .. صلي الله عليه وسلم.. الله على الجمال و الرقه ♡..

و في ليله من ليالي السيده عائشه النبي ﷺ اتأخر عليها و لأنها بتحبه جداً و بتغير عليه.. فضلت صاحيه طول الليل مستنياه و هي على اخرها و غيرانه و الوضع صعب و قبل الفجر بساعه النبي ﷺ وصل و خبط على الباب..

فطبعا قفلت الباب بالقفل.. اصلها غيرانه و متعصبه ..بس النبي ﷺ لا زعل ولا شخط ولا حتى راح اي بيت تاني يبات فيه ..السيده عائشه بتقول انها بصت من الجنب، من ورا الباب فشافت النبي ﷺ بدأ يفرش عبايته على عتبة البيت و حط كفه تحت راسه و هينام على عتبة الباب فعائشه مقدرتش تتمالك نفسها ،حبيبها هينام على الارض !!

فبسرعه فتحت الباب و اعدت تبكي و تتأسف له ﷺ فما كان منه إلا ان تبسم لها و دخل البيت و ماعتبهاش حتى..( حبيبي يا رسول الله مفيش احن منك.. طبت حيا وميتا ❤️..شوفوا قد إيه النبى ﷺ حنين...معاتبهاش ولا اتخانق..النبى ﷺ كان هين لين سهل و بيقدر مشاعر الشخص اللى قدامه فبيرفق بيه و يقدر تصرفاته) ❤️😍

💢عارفين كانت دايما السيدة عائشة تجمع الصحابة و تقولهم : أفلا أحدثكم عني و عن رسول الله ﷺ ..

فيفرحوا و يقولوا: أجل يا أم المؤمنين .

فقالت: كان رسول الله ﷺ عندي و في ليلتي و كان نائماً إلى جواري فتحسسته ليلا (كانت بتصحى في نص اليل تتأكد نايم.. تمام ..أكمل نوم، مش نايم يبقى هصحى اتكلم معاه)

فبتقول السيده عائشه فتحسسته ليلآ المهم بدأت تدور عليه ( البيت ضلمة و كان بيت النبي متواضع جدا فلما كان يسجد كان لازم عائشة توسع رجليها .. تخيلوا!!)

فقالت: فتحسسته حتى أمسكت برأسه و رأيته ساجد لربه و يقول: سبحانك ربي و بحمدك .. فقلت في نفسي يا رسول الله إنك لفي شأن و إنني لفي شأن أخر ( أنت في دنيا و أنا في دنيا تانية <3 ) .. ياحبيبي يارسول الله ❤️ 🤗

و تحكي عائشه أن في ليلة تانية بردو بتقول تحسست رسول الله ليلآ فلم أجده فقمت غاضبة أبحث عنه أتحسسه فأمسكت بكتفه (فالنبي ﷺ مكنش بيصلي). 

فقال: يا عائشة أأتاك شيطان!!

فبتقول : فخفت أن يكون قد غضب ،فعائشه بذكاء بتحاول تغير الموضوع فقالت : يا رسول الله ألكل إنسان شيطان؟

فالنبى ﷺ فهم و بدأ يسايرها ♡ و قال: أجل..

فقالت ألي قرين ؟قال: أجل ،

فقالت: ألك قرين قال: أجل يا عائشة..

و لكن الله قد أعانني عليه فأسلم فلا يأمرني إلا بخير (شيطان الرسول أسلم لربه من كتر حبه للرسول عليه الصلاة و السلام )..

صلى الله عليك ياحبيبي يارسول الله ❤️

يارب ارزقنا مرافقه الحبيب في الجنه ❤️ 

نكمل بكرة إن شاء الله ❤ 

#كن_محمديا

👈لاتنسى الإعجاب بالصفحه ليصلك الحلقات الجديده 👍