السيره النبويه العطره 33

 

#السيره_النبويه ❤️

👈موت أبو لهب بطريقه بشعه 🤚

👈مسانده الصحابه للنبي ﷺ وكلمات للتاريخ ❤️

👈تنظيم النبي ﷺ للصفوف إستعدادا لغزوه "بدر" ✌🏼

💢 أبو لهب قاعد على باب بيت العباس هيتجنن.. مستنى يعرف أى أخبار عن الجيش فى بدر .. فيلاقى واحد أسمه " أبو سفيان بن الحارث " معدى و كان أبو سفيان جى من بدر .. فأبو لهب قال له : " أأتيت من بدر ؟ " ..

قال : " أجل " ، فقال له : " ماذا حدث هناك " ..

فرد أبو سفيان بن الحارث و قال : " والله يا أبا لهب .. كأننا أسلمناهم رقابنا يضربوننا كيف شاءوا ، والله لقد رأينا جنودآ بيض على فرس بيض تقاتل .. ووالله لو أنهزمنا لا لوم على جيشنا أبدآ " .. ( هو شاف مين ؟ شاف الملائكة وده كان فى نص المعركة .. هنحكى عن ده فى التفاصيل بتاعت المعركة ) فأبو لهب مش مصدق الكلام اللى بيسمعه ..

طيب مين كان معدى والكلام ده أتقال قدامه ؟🤔 

" أبو رافع " ✋ وده العبد اللى بيشتغل عند العباس

( و أبو رافع كان كاتم إسلامه ) .. المهم أول ما سمع الكلام اللى أتقال .. أتخض و كانت فإيده صينية قامت وقعت من أيده و صرخ و قال : " هذه الملائكة ورب الكعبة .. هذه الملائكة ورب الكعبة " ..

فمن كتر توتر أبو لهب قام قايم ضارب أبو رافع بالقلم على وشه وفضل يضرب فيه 😔

فأم الفضل جت تجرى و فى أيدها حديدة و قامت ضاربة أبو لهب على رأسه .. و قالت : " تضربه إذ غاب سيده !" 

فيمشى أبو لهب بس عارفين بعد كده هيحصله إيه ؟ 🤔

هيجيله مرض جلدى و لو أى حد لمسه يتعدى وتبدأ أجزاء من جسمه تتساقط .. و يبدأ وشه يتشوه و المرض يكون معدى جداً فكل الناس تضطر تبعد عنه و تقرف منه فيتساب لوحده 🤚

 ( ده اللى آذى النبى ﷺ .. ده اللى كان بيمشى ورا النبى ﷺ و ينشن بالطوب على العضمة اللى فى ضهر كعب رجله و ينزل الدم و النبى ﷺ يمشى ولا يبص وراه و لا يفكر يؤذى أبو لهب حتى .. صلى الله على سيد البشر ❤️)

 

و لما أبو لهب مات ، الناس كانت خايفة تدفنه ، فتتعفن جثته و ريحتها تبقى صعبة جداً و لما هيرجع الجيش من بدر و قرايب أبو لهب يوصلوا لمكة هيلوموا الناس و يقولوا :

" أما تخشون أحدا فى أبيكم " ( مش مكسوفيين من اللى عملتوه .. كده تسيبوه لحد ما جثته تتعفن ! ) ،

فقالوا : " كنا نخشى العدوى " ..

فقالوا : " لا تخافوا إنا معكم " .. و جابوا خشب و فضلوا يزقوا أبو لهب لحد ما حطوه فى مكان و حطوا عليه الطوب و الرمل و الزلط من بعيد ..

قال تعالى : 

{ تَبَّتْ يَدَا أَبِي لَهَبٍ وَتَب َّ * مَا أَغْنَىٰ عَنْهُ مَالُهُ وَمَا كَسَب } ..

النبى ﷺ غالى أوى أوى و أبو رافع العبد المسلم اللى أنضرب بالقلم ده كبير أوى عند ربنا و كل واحد بيراعى ربنا و بيحاول يجاهد أنه يبقى فى طاعة ربنا عز وجل....ده غالى أوى أوى و ربنا جنبه و معاه و هينصره و يوفقه..

ونعم بالله الحق الوكيل ❤️☝️❤️

💢طيب نرجع تاني نكمل أحداث غزوه بدر الكبرى ✌🏼😊

أحنا آخر حاجة قلناها إن المسلمين طالعين عشان يستردوا الأموال بتاعتهم من قافلة أبو سفيان..فيقف المسلمين فى المكان اللى هتعدى منه القافلة يوم و أتنين .. و القافلة متعديش و رغم إن ده ميعادها .. فالمسلمين يستغربوا .. فيجيب النبى ﷺ أتنين من أكتر الناس اللى بيستأمنهم

" الزبير بن العوام " و " على بن أبى طالب " رضي الله عنهم عشان يطلعوا و يعرفوا إيه الأخبار .. فيطلع على و الزبير فى الطريق فيلاقوا ولدين بيملوا الجرادل مايه فياخدوهم للنبى ﷺ عشان يسألهم فالولدين راحوا معاهم ..

لكن لحد ما وصلوا عند النبى ﷺ كان لسه واقف يصلى فالزبير قام سأل واحد من الولدين و قاله : " من أين أنت ؟" .. فقال : " أنا غلام أسقى جيش قريش !!! " 

فالزبير و على أتخضوا جيييييييش قرييش .. جيييييش !!! ، فيقول على بن أبى طالب : " ماذا تقول !! " ..

فالولد يقول : " أنا أسقى جيش قريش " ..

فيزقوه و يقولوله : " بل أنت تسقى قافلة أبو سفيان " ..

فيقول : " لا والله بل أنا أسقى جيش قريش " ..

و يفضلوا يزقوه و يشدوه ..

و يقولوا له : " أنت تكذب " و يزقوا فيه..

هما مالهم متعصبين و بيزقوا الولد ليه ؟😲

أصلهم مش قادرين يستوعبوا .. جييييييش .. فكان نفسهم الولد يطلع بيكدب ..

فالنبى ﷺ يقول : " يا على إذا قال الصدق ضربتموه ! و إذا كذب تركتموه ! " .. يعنى إيه ؟🤔

النبى ﷺ عايز يقول إن الولد بيقول الصدق ..

يعنى إيه يا رسول الله ؟ أحنا هنحارب ؟ 😮

فالصحابة مزهولين ..

فيقول النبى ﷺ :" أجلس يا غلام. قل لى كم عدد الجيش ؟ "

 فقال : " لا أدرى " .. فقال النبى ﷺ : " كم ينحرون فى اليوم ؟ " ( بيدبحوا قد إيه ؟ )

فرد الولد و قال : " ينحرون تسعة و يوماً آخر ينحرون فيه عشرة " .. طيب الجمل بيأكل ١٠٠ فالنبى ﷺ أمى لا يقرأ و لا يكتب و لكن حسبها بوحى من الله ..

فقام قايل : " إذن القوم ما بين التسعمائة و الألف " .. لو يدبحوا ١٠ جمال وال ١٠ بتأكل ١٠٠ يبقى ١٠× ١٠٠ = ألف .

فيبص النبى ﷺ للصحابة يلاقيهم مزهولين ومخضوضين ..

فيسأل الولد تانى و يقول له : " و من فى الجيش ؟ " ...

 فيرد الولد و يقول : " صناديد قريش .. أبو جهل .. و البخترى بن هشام .. عتبة بن ربيعة .. وشيبة بن ربيعة .. عقبة بن أبي معيط .. أمية بن خلف و أبى بن خلف "

و الولد فضل يقول أسماء كتير والصحابة مزهوليييين .. فالنبى ﷺ لما لقى الصحابة خلاص مش قادرين من الصدمة .. فحب يرفع روحهم المعنوية فقالهم :

 " الله أكبر .. لقد ألقت إليكم قريش بفلذات أكبادها " .. فبردوا الصحابة يفضلوا ساكتين ..

( أصل العدد يا جماعة كبير ١٠٠٠ و المسلمين مش خارجين لحرب و عددهم ٣١٣ و مجهودهم سايبينه يروح فى المشى عااادى و يدوب بياكلوا تمر ..أما الجيش القرشى بياكل جمال .. المقارنة كبيرة أوى ) ..

بس حبيبك النبى ﷺ بدأ يفكر فى المسلمين اللى معاه كلهم ..عايز يضمن أنهم كلهم قادرين على الثبات و مواجهة جيش قريش لأن الموازين أختلفت ✋ ..

طيب ال ٣١٣ دول مسلمين من المهاجرين و الأنصار و لا من مهاجرين بس ؟🤔

= من المهاجرين و الأنصار ..

طيب المهاجرين دول جربناهم و شفناهم قبل كده مستعدين يموتوا نفسهم .. دول سابوا بيوتهم و مالهم فى سبيل الله .. يعنى تمام النبى ﷺ مش شايف مشكلة فيهم .. طيب و الأنصار ايه نظامهم؟🤔

❤️❤️❤️❤️❤️صلوا على النبى ❤️❤️❤️❤️❤️

💢 دلوقتي احنا في لحظات فارقه في التاريخ الإسلامي🤚 النبى ﷺ كان محتاج يطمن من إن الأنصار عندهم الرغبة أنهم يحاربوا بنفس رضا و قوة المهاجرين ..

طيب زى ما أحنا عارفين إن يوم بيعة العقبة .. لما جه ناس من أهل المدينة فى مكة و بايعوا و عاهدوا رسول الله ﷺ على الإسلام .. أتعاهدوا على أنهم يحموا رسول الله ﷺ كأنهم بيحموا أهلهم بالظبط ..

طيب و النبى ﷺ راح المدينة و بقى قائدهم و هما بيحبوه أوى .. طيب يبقى أطمن يا رسول الله ﷺ و أمرهم بالخروج لبدر على طول ؟ أه يطمن ..

بس النبى الكريم ﷺ معملش كده و مرضيش يأمرهم .. النبى ﷺ حب ياخد رأى الأنصار و يخيرهم يحاربوا فى بدر ولا يرجعوا و يكمل النبى ﷺ الطريق و معاه المهاجرين و يحاربوا كفار قريش لوحدهم ؟ ..

فيقف النبى ﷺ و يقول للصحابة كلهم : " أيها الناس لقد حدث كذا وكذا وخرج إليكم كفار قريش و فيهم فلان وفلان وفلان والقوم عددهم بين التسعمائة و الألف ..

( النبى ﷺ بيتكلم بمنتهى الشفافية و بصراحة و وضوح )

 و بعدين يقول : أشيروا علي " .. فطبعاً مين أول واحد هيقوم يرد على رسول الله ﷺ ؟

الصديق رضى الله عنه و يقول : " يا رسول الله أمضى ونحن معك ما خرجنا والله للقتال ولكن إذا قاتلونا قاتلناهم "

فيقول النبى ﷺ : " جزاك الله خيراً " ..

ويقول تانى : " أيها الناس أشيروا علي " و يقوم عمر رضى الله عنه يقول كلام زى أبو بكر و بردوا النبى ﷺ يشكره و يعيد النبى ﷺ كلامه تانى أيها الناس أشيروا علي ..

طيب هو النبى ﷺ بيعمل كده ليه!؟ 🤔

دا النبى ﷺ كانت عادته لما يقول موضوع و ميلاقيش أعتراض من الناس عليه فكان يتوكل على الله و يمشى فى الموضوع .. لكن المرة دى النبى ﷺ فضل واقف مستنى و يعيد الكلام بردوا .. طيب ليه ؟

أصل أبو بكر و عمر رضي الله عنهم مهاجرين و النبى ﷺ كان عايز واحد من الأنصار هو اللى يقول رأيه و يتكلم ..

النبى ﷺ عايز يطمن إن الأنصار موافقين بكل رضا أنهم يشاركوا فى غزوة بدر ..

فيقوم صحابى جميل مهاجرى بردوا أسمه " المقداد بن عمرو " بس المقداد هيقول كلام حلو أوى 😊

هيقول : " يا رسول الله لقد آمنا بك وصدقناك وأعطيناك عهودنا و مواثيقنا ، يا رسول الله أمضى ونحن معك والله لا نقول لك أبدآ كما قالت بنى إسرائيل لموسى أذهب أنت وربك فقاتلا إنا ها هنا قاعدون .. وإنما نقول لك أذهب أنت وربك فقاتلا إنا معكما مقاتلون " ❤️ .

فأبتسم النبى ﷺ ^_^ ♡ .. و كانت كلمات جميلة لدرجة إن الصحابى " عبد الله بن مسعود " قال :" وددت لو قلت أنا هذه الكلمة " .. ويرد النبى ﷺ على المقداد و يقول :

" جزاك الله خيراً يا مقداد " 🤗❤️

و يفضل النبى ﷺ واقف مستنى فأخيرآ يقوم " سعد بن معاذ " سيد الأنصار يقول : " كأنك تريدنا يا رسول الله ..

( سعد فهم إن النبى ﷺ عايز حد من الأنصار يقول رأيه )

و يقول سعد رضي الله عنه : يا رسول الله لقد آمنا بك وصدقناك وأعطيناك عهدنا على ذلك .. قم يا رسول الله وتوكل على الله والله لو أستعرضت بنا هذا البحر لخضناه معك ( البحر عند العرب مخيف كان حاجة محدش بيقرب منها .. فبيقول سعد لو هتمشى بينا جوه البحر هنمشى معاك ) و يقول : والله يا رسول إنا لصبر عند الحرب .. لصدق عند اللقاء .. والله يا رسول الله لنريك منا ما تقر به عينك " 🤗❤️.. فيفرح النبى ﷺ ^_^ ويقوله : " جزاك الله خيراً .. أجل يا سعد نتوكل على الله " ..

ويأخد النبي ﷺ قرار إن أحنا هنتصدى للعدوان ..

(ياتري لو كنا مع النبي ﷺ ساعتها كنا هنقول ايه..؟

بإذن الله كنا هنفدي النبي ﷺ بأرواحنا.. ودلوقتي هننصره بنشر سيرته ﷺ وباتباع سنته ﷺ ❤️) 

💢ويوصل للنبى ﷺ أخبار إن جيش قريش دلوقتى عند العدوة القصوي ( العدوة : ده تل ) ..هيعسكر جيش المسلمين فى العدوة الدنيا .. وقريش هتخرج من مكة وتعسكر في مكان أسمه العدوة القصوى ..

طيب فين أبو سفيان ؟🤔

كان أبو سفيان المفروض يعدى بالقافلة من العدوة الدنيا بس أبو سفيان غير طريقه بعد ما عرف إن المسلمين هيبقوا فى العدوة الدنيا عند بئر بدر ..

ربنا وصف المنظر ده في القرآن فقال تعالى :

{ إِذْ أَنتُم بِالْعُدْوَةِ الدُّنْيَا وَهُم بِالْعُدْوَةِ الْقُصْوَىٰ وَالرَّكْبُ أَسْفَلَ مِنكُمْ وَلَوْ تَوَاعَدتُّمْ لَاخْتَلَفْتُمْ فِي الْمِيعَادِ وَلَٰكِن لِّيَقْضِيَ اللَّهُ أَمْرًا كَانَ مَفْعُولا }... ( الركب هو قافلة أبو سفيان ) ..

النبى ﷺ هيعمل خطة مبهرة ..في ظاهرها بسيطة جداً ولكنها مبهرة .. زمان العرب كانوا بيتعاملوا بالهمجية .. وبيحاربوا بطريقة الكر والفر ..يعني أضرب وأجري ..

فأول واحد يحط خطة عسكرية لرد العدوان و المعتدين كان النبي محمد ﷺ .. إيه هي الخطة ؟🤔

سيدنا النبي ﷺ هيوقف الجيش صف واحد و هيقسمهم نصين ، ناس هتقف علي رجليها كتافها في كتاف بعض ومعاهم السيوف بتاعتهم و ناس تانية هتقف وراهم فى صف تانى و هيبقوا قاعدين علي ركبتهم .. ومعاهم نبال ..

( دول أسمهم الرماة ) .. يعني ما بين كل أتنين واقفين في واحد قاعد علي ركبه بس مش باين منهم .. هيبقى مستخبي .. فلما تيجي قريش من بعيد هتلاقى الجيش واقف صف واحد كل واحد كتفه في التاني .. فهتبدأ قريش ساعتها تحارب مبارزة عادية ..وأول ما قريش تقرب يقوم الصف ده ياخذ خطوة لورا ويطلع الرماة بالنبال يرموها علي جيش قريش فيتلخبط الجيش ويرتبك فينتصر المسلمين.. 

💢 هيقف النبي ﷺ يسوي الصفوف فيحصل موقف طريف جداً .. النبى ﷺ و هو بيسوى الصفوف وبعدين يدور وشه ..

 يقوم صحابى أسمه " سواد " واخد خطوة لقدام ..

فالنبي ﷺ يرجع يبص علي الصف ..

فيقول له : " أستوى يا سواد " ..

وأول ما النبي ﷺ يدور وشه فيرجع سواد يطلع بره الصف شوية و النبى ﷺ يشوفه فيقول : " أستوى يا سواد " ..

ويتكرر الموقف كذا مرة .. سواد بيهزر ^_^ ..

فالنبي ﷺ عرف فكان معاه السواك فنغز بطن سواد وقاله له : " أستوي يا سواد " .. فسواد قال : " أى ! أوجعتني يا رسول الله ^_^ أريد القصاص يا رسول الله " ..

 فالصحابة بصوا لسواد وأستغربوا ..

فقال النبي ﷺ : " أجل يا سواد .. حقك يا سواد " ..

فيقف رسول الله ﷺ .. و يقرب سواد بالسواك من بطن النبى ﷺ الشريف ..و فجأة يحضن سواد النبي ﷺ و يقبله و يبكى ( لا سواد أقتص و لا عمل حاجة ) 🤔..

فالنبي ﷺ سأله : " لما فعلت هذا يا سواد ؟ "..

فقال سواد : " يا رسول الله أظن هذا اليوم يوم شهادة .. وأظن إني ملاق ربي .. فأردت أن يكون آخر عهدي بالدنيا ملاصقة جسدي لجسدك يا رسول الله ♡ " .. 🤗❤️ 

فيحضن النبي ﷺ سيدنا سواد ويدعو له بالخير ويطبطب عليه .. ويقف سواد ويستوي في الصف ..

و فعلاً هيستشهد سواد في المعركة ✋...

رضى الله عن سواد ورضي الله عن الصحابه الكرام ❤️❤️

 وصلي الله على الحبيب المصطفى ❤️❤️❤️

اللهم ارزقنا شربه بيده الكريمه لانظمأ بعدها أبدًا 🤲

نكمل بكرة إن شاء الله ❤

#كن_محمديا

👈لاتنسى الإعجاب بالصفحه ليصلك الحلقات الجديده هذ الحلقات