السيره النبويه العطره 29

 

#السيره_النبويه ❤️

👈أشرقت المدينة بمجئ سيدنا محمد ﷺ 🤗❤

👈بناء مسجد قباء والمسجد النبوي وبيت النبي ﷺ ❤️

👈 ذكاء أبو أيوب الأنصاري ليكون مضيف النبي ﷺ ❤️

💢الصحابة " المهاجرين من مكة للمدينة " و أهل المدينة " الأنصار" فى حزن شديد و بكاء قلقانين على رسول الله ﷺ لأنه أتأخر أوى فى الطريق ..🥺

و فى اليوم ال 14 الرسول ﷺ بدأ يقرب للمدينة ووصل لمكان أسمه " الثنية " ..فكان فى واحد من أهل المدينة طالع على نخلة بيشوف القوافل بتاعت التجارة وصلت ولا لأ .. فيقدر ربنا أنه يشوف رسول الله ﷺ.. فالراجل ده بيحكى و بيقول : " رأيت ثلاث يمشون فى السراب ويلبسون البياض فناديت يا معشر العرب جاء الذى تنتظرون " 😊

وبيحكى و بيقول" فرتجف بدنى وسقطت على الأرض " 🤗

و أول ما الناس عرفت خبر مجئ رسول الله ﷺ .. عليت أصوات التكبير .. الله أكبر .. الله أكبر .. و الأرض بقت تترج من صوت الناس .. اللى بيضحك واللى بيبكى و الكل بيقول : " جاء رسول الله .. جاء رسول الله " يابختهم ^_^

( اللهم صل على الحبيب المصطفى خير الأنام ) ❤️

ويقول واحد من أحبار اليهود ( رجل دين يهودى ) أسمه عبد الله بن سلام : " والله إن رأيته لعرفته " ( أصل اليهود عندهم وصف رسول الله فى كتابهم ) ،

فقام عبد الله و جرى عشان يشوف النبى ﷺ على أبواب المدينة ، فبمجرد أنه شاف رسول الله و نظر فى وجهه .. قام قايل : " أشهد أن لا إله إلا الله وأنك رسول الله " ❤️

و أشرقت المدينة بقدوم رسول الله ﷺ .. و الناس فرحانة إن النبى ﷺ واقف قدامهم و بدأوا ينشدوا الشعر .. أنس بن مالك بيقول ( وده هيبقى خادم رسول الله ﷺ ) : " دخل الرسول المدينة يوم الأثنين فأنار منها كل شيء ومات يوم الأثنين فأظلم منها كل شيء ♡ " ..

💢و يدخل النبى ﷺ المدينة و يوصل لمكان أسمه " قباء " وكل الصحابة يتلموا حواليه و بدأ النبى ﷺ بالكلام وكانت أول كلمات للنبى ﷺ : " أيها الناس أفشوا السلام ، وأطعموا الطعام ، وصلوا بالليل والناس نيام ،تدخلوا الجنة بسلام "

 دول 3 جمل ، كلام سياسى و إجتماعى و دينى .. 

عامل سياسى : أفشوا السلام هتتوقف الحروب ..

 وأطعموا الطعام : وده عامل إجتماعى عشان ميكنش فى فقر فى المجتمع .. وصلوا بالليل : وده عامل دينى روحانى ..

 و ينهى كلامه بعامل تحفيزى ووعد من الله سبحانه وتعالى بالجنة .. فلا يوجد قائد فى العالم يأتى بكل هذه العناصر فى جملة إلا سيدنا محمد ﷺ ..

(اللهم صل و سلم و بارك على من أوتى جوامع الكلم ♡) ..

💢طيب إيه أول عمل هيقوم به النبى ﷺ ؟ ..

هو بناء مسجد 👌 .. طيب يا سيدنا النبى ﷺ بقالك 14 يوم لا نوم كويس ولا راحة و أرض صعبة و طريق متكسر وأكل قليل و تقرر تبنى مسجد ؟! تعبت كتيييير أوى عشانه يا رسول الله ❤️ ..

أصل المسجد يا جماعة ده أساس المجتمع الإسلامي ..

و ده هيبقى مسجد قباء اللى ربنا عز وجل قال عنه : { لَّمَسْجِدٌ أُسِّسَ عَلَى التَّقْوَىٰ مِنْ أَوَّلِ يَوْمٍ أَحَقُّ أَن تَقُومَ فِيهِ فِيهِ رِجَالٌ يُحِبُّونَ أَن يَتَطَهَّرُوا وَاللَّهُ يُحِبُّ الْمُطَّهِّرِين } ، 

قال ﷺ : " من توضأ فى بيته وأتى قباء فصلى به ركعتان كانت له عمرة تامة تامة تامة " 👌 ..

💢ويدخل النبي ﷺ للمدينه المنوره فيبدأ فى بناء المسجد النبوى 😍❤️ ..فيمسك النبى ﷺ بأول طوبة والصحابة يبدأوا يقلدوه ..أصل النبى ﷺ عايز يرسخ مبدأ إنى القائد أه لكن إيدى بإيدكم فى بناء المجتمع و أنى مش قائد متكبر .. لأ .. أنا متواضع مثلى مثلكم وهذا نهج و طريق النبى ﷺ حتى وفاته صَلِّى الله عليه وسلم ..

فالصحابة يقولون له : " ألا تستريح يا رسول الله ؟ " ..

فيقول لهم : " دعونى أعمل ولكن أعملوا مثلى " ..

فيحمل أبو بكر طوبة ثم عمر بن الخطاب ثم عثمان .. فيقول النبى : " هؤلاء أولات الأمر من بعدى " و فعلاً دول الخلفاء الراشدين بترتيبهم من بعد وفاته ﷺ ❤️ .. 

و يجى عمار بن ياسر ( فكرينه .. اللى أتعذب جامد .. و أمه سمية اللى عذبها أبو جهل و قتلها عشان أسلمت ) و عايز يفرح النبى ﷺ .. فيشيل طوبتين فى مرة واحدة ..فيضحك النبى ﷺ ^_^ ( يااا شايفين جمال الفرج بعد الصبر ، و الثبات على طاعة الله و على دين الله ..

قال تعالى : { سَيَجْعَلُ اللَّهُ بَعْدَ عُسْرٍ يُسْرًا ♡ } ❤️ ..

و الصحابة فرحانين فيبدأوا يقولوا شعر عشان يحمسوا نفسهم .. فيقولوا بيت شعر جميل أوى : " لأن قعدنا والرسول يعمل ... ما ذاك منا إلا العمل المضلل " ..

ويرددوا البيت ، فيرد النبى ﷺ ويقول :

"اللهم لا عيش إلا عيش الآخرة فأرحم الأنصار و المهاجرة "

❤️❤️ياحبيبي يارسول الله بأبي انت وأمي ❤️❤️

❤️❤️❤️❤️❤️ صلوا على النبى ❤️❤️❤️❤️❤️

💢وأنتهى بناء المسجد النبوى ..طيب دلوقتى النبى ﷺ محتاج بيت يعيش فيه .. فهيتبنى بيت للنبى ﷺ .. مكان البيت ده هيعمل مشكلة .. لأن كل واحد هيبقى عايز النبى ﷺ يعيش جانبه ..

و هنا هييجى دور " القصواء " ( ده أسم ناقة النبى ﷺ )

أصل النبى ﷺ رقيق القلب و المشاعر .. محب ودود ..

فكان يحب يسمى حاجاته ^_^ ..وكمان ناقة النبى ﷺ دى مش ناقة عادية دى كانت بتفهم النبى ﷺ ^_^ ،

طيب تعرفوا إن بعد وفاة النبى ﷺ كل واحد من الصحابة كان عايز ياخد الناقة و أتفقوا أنهم يقسموا أحتياجاتها عليهم واحد يأكلها و التانى يشربها ..لكن القصواء أمتنعت عن الطعام والشراب حزنآ على النبى ﷺ و ماتت الناقة حبا لرسول الله ❤️😢 ..

طيب إيه هو دور القصواء النهارده ؟ القصواء ربنا سخرها عشان يتحدد المكان اللى هيتبنى فيه بيت رسول الله ..

وهيقول النبى ﷺ : " أيها الناس دعو القصواء فإنها مأمورة " مكان ما تتوقف هيتبنى بيت رسول الله ﷺ ..

فتقوم الناقة تمشى حبه و تبرك ( تقعد على الأرض ) و تمشى تانى و تبرك و تالت مرة مشيت شوية و بعدين بركت و مقامتش .. ففهم النبى ﷺ إن ده المكان اللى هيبنى بيته فيه .. عند بنى النجار .. عارفين مين بنى النجار ؟🤔

دول أخوال النبى ﷺ ( فاكرين لما السيده آمنة أخدته يزور أخواله و هو صغير و ماتت فى طريق رجوها لمكة ) ..

وكأن ربنا عز وجل أراد إن النبى ﷺ ميحسش بالغربة و الوحشة و يعيش جنب قرايبه ، و عشان محدش يقول أنه محمد أتغرب مع ناس غرب .. لأ .. ده قاعد وسط أهله و قرايبه 🤗❤️..

و مره خرجت بنات صغيرين من بنى النجار ماسكين دفوف و بيقولوا شعر جميل .. فرحانين بالنبى ﷺ : " نحن بنات بنى النجار ... يا حبذا محمد من جار ^_^ " ..

فيمسح النبى ﷺ على رؤسهن ويقول لهن : " أتحبوننى ؟ ". فيقولن : " أجل يا رسول الله " ..

فيقول لهن : " إن ربى يعلم أن قلبى يحبكن " ..

 و أحنا هنقلد بنات بنى النجار و نقولك بنحبك يا رسول الله ^_^ ❤️ 🤗 ..

💢طيب لحد ما بيت رسول الله ﷺ يتبنى ..النبى ﷺ بقى هيبات فين ؟🤔

فى صحابى أسمه " أبو أيوب الأنصارى " كانت أمنيته هي أنه يأخذ النبى ﷺ عنده فى البيت .. فعمل حركة ذكية جدااا .. خد حاجات النبى ﷺ وملابسه و حطها فى بيته بهدوء ورجع وسط الناس ، فلما النبى ﷺ أنتبه فرد أبو أيوب و قال :

" متاعك فى بيتى يا رسول الله فأنزل عندى يا رسول الله " ..

فالناس كلها عايزة النبى ﷺ يبات عندها و طبعاً موقف النبى ﷺ صعب لأن لو بات عند حد .. هيقوم التانى زعلان ..

وحبيبى رسول الله ﷺ مش عايز يزعل حد .. فقال كلمة ذكية أوى : " أيها الناس فإن الرجل مع متاعه ^_^ " ..

 فضحكوا ^_^ .. و راح النبى ﷺ مع أبو أيوب 😊

وكان بيت أبو أيوب من دورين .. دور سفلى و دور علوى فقال : " يا رسول الله بيتى من طابقين فأصعد أنت فى العلوى وأبيت أنا وأم أيوب فى السفلى ، فلا نطيق أن نقف على سقف أنت تحتها يا رسول الله " ..

فرفض النبى ﷺ وقال : " إن معك زوجتك أم أيوب و سيأتى إلي أصحابى " ( فبكده هيمروا على الدور الأول قبل ما يطلعوا للنبى فأم أيوب مش هتبقى براحتها ) ..

و أصر النبى ﷺ علي ده ، و سكت أبو أيوب و سمع الكلام ، والنبى ﷺ قعد فى الدور السفلى .. فلما جه الليل فأم أيوب بتتحرك فى بيتها فأبو أيوب قال لها : " أم أيوب ويحك .. قفى .. أتمشين وتحتك رسول الله ! أتطيب نفسك ! " .. فقالت : " لا والله " ..فقال لها : " إذن أرجعى " ..

 فرجعت .. و كانوا بيمشوا على أطراف أصابعهم و جنب الحيطان .. طيب ليه ؟ عشان ما يصادفش مرة و هما ماشيين إن فى لحظة يبقى النبى ﷺ ماشى و يكون حد منهم ماشى فوقه .. فتطابق أقدامهم مع رأس النبى ﷺ ..

رضي على عن ابو أيوب وأم أيوب ❤️❤️..

نكمل بكرة إن شاء الله ❤