السيره النبويه العطره 27

#السيره_النبويه ❤️

👈محاوله قتل النبي ﷺ والإذن بالهجره ✋

👈 أجمل صحبه عرفتها البشريه بين النبي ﷺ وأبو بكر ❤️

💢شفنا المرة اللى فاتت إن كفار قريش بدأوا يستعدوا و يفكروا إزاى يمنعوا رسول الله ﷺ من الهجرة ..

وفى وسط أقتراحات محدش أقتنع بيها ، يطلع واحد بفكرة مجرمة جداً قال : " نقتل محمد و نأتي برجل من كل قبيلة و كل رجل منهم يمسك بسيف عظيم .. و يهجمون على محمد هجمة رجل واحد وهو يخرج و ينقضوا عليه و يذبحوه " صلي الله عليه و سلم 🥺 و فعلاً كفار قريش وافقوا على الفكرة و عجبتهم جداً ..

= طيب يا ترى ليه ؟ 🤔

أصل لما أكتر من رجل يشترك فى قتل النبى ﷺ و يكونوا رجال من قبائل مختلفة ده هيخلى دم النبى ﷺ يتفرق بين القبائل ، فلما تيجى قبيلة بنى هاشم " قبيلة رسول الله ﷺ " تنتقم و تقتص فساعتها هتنتقم من مين وللا مين !! ..

كده هتضطر تحارب قبائل العرب كلها .. و ده طبعاً مستحيل .. فساعتها بنى هاشم هتضطر تقبل الدية فى مقتل رسول الله و بكده يبقى كفار قريش نجحوا ..

فحصل إجماع على الفكرة دى و كلهم موافقين ..✋

طيب أمتي قريش هتنفذ الخطة دي ؟🤔

النهاردة بالليل .. مش بكرة مفيش وقت خلاص .. 🙆

و ينزل سيدنا جبريل على رسول الله ﷺ ويقول له :

" يا رسول الله لا تنام الليلة علي فراشك إن الله قد أذن لك بالهجرة فأخرج يا رسول الله .. فأنهم يدبرون لقتلك " .. فبسرعة هيخرج النبى ﷺ علي بيت أبو بكر الصديق فى وقت الظهيرة و يكون ملثم صلي الله عليه و سلم و أختار الوقت ده لأن الشمس بتكون حامية أوى فقريش بتبقى جوه بيوتها.

ويوصل النبى ﷺ لبيت أبو بكر و يقول : " أذن الله لنا بالهجرة يا أبا بكر " .. فيبكى أبو بكر و يقول : " الصحبة يا رسول الله ؟ " .. فيرد ﷺ : " الصحبة يا أبا بكر ❤️ " ..

و تحكى السيده عائشة و تقول : " لم أكن أعلم أن البكاء قد يكون بسبب الفرح إلا بعد أن رأيت أبى يبكى فرحآ بالصحبة مع رسول الله وقت الهجرة ^_^❤ ..

وعلى فكرة سيدنا أبو بكر كان كل ما يسأل النبى ﷺ متى الهجرة .. فكان النبى ﷺ يرد يقوله : " يا أبا بكر لا تعجل لعل الله يجعل لك صاحبا ❤️🤗 " ..

💢طيب و يخرج النبى ﷺ ويروح لسيدنا على بن أبى طالب و يخليه ينام مكانه فى الفراش و دى هتبقى عملية تمويه لكفار قريش ... وكمان الرسول ﷺ كلف سيدنا على بمهمة تانية.. أنه يرد الأمانات لكفار قريش اللى سايبين فلوسهم معاه ..أصل كفار قريش مش بيلاقوا حد أمين زى سيدنا محمد ﷺ عشان يسيبوا فلوسهم عنده :) ، و رغم شدة عدائهم له ﷺ إلا أنه كان مشغول و حريص قبل الهجرة برد الأمانات ..

( يا جماعة الموقف خطير كل دقيقة ممكن يندفع فيها حياة النبى ﷺ هدر .. ولكن الأمانة عند سيدنا رسول الله ﷺ :) صدق الله عز وجل إنك على خلق عظيم يا رسول الله ❤️ ياحبيبنا ياطه المصطفى ❤️🤗💗 ) .

❤️❤️❤️❤️❤️ صلوا على النبى ❤️❤️❤️❤️❤️

💢بدأ سيدنا النبى ﷺ يحط الخطة بإن سيدنا على بن أبى طالب ينام مكانه و أعطى النبى ﷺ البردة الخضراء بتاعته عشان يتغطى بيها على رضى الله عنه 💗🤗

و دلوقتى جه وقت الهجرة .. بس النبى ﷺ لسه فى بيته .. وتحصل مشكلة كبيرة 🤚🤚 قريش جت بدرى 😟

قريش على باب بيت النبى ﷺ بالسيوف مستنينوا يخرج عشان يقتلوه و ينفذوا خطتهم و مكرهم 🙆

لكن الله خير الماكرين 👌

وينزل وحى للنبى ﷺ إن ربنا هيخلى غشاوة على عين كفار قريش و هيقدر يعدى منهم ..و يخرج النبى ﷺ و فى إيده حفنة من التراب و يعدى و هو بيقرأ الآية دى :

{ وَجَعَلْنَا مِنْ بَيْنِ أَيْدِيهِمْ سَدًّا وَمِنْ خَلْفِهِمْ سَدًّا فَأَغْشَيْنَاهُمْ فَهُمْ لَا يُبْصِرُونَ } [ يس 9 ] ..

وبقى يعدى النبى ﷺ من وسطيهم و يحط فوق رأس كل واحد منهم شوية تراب و كفار قريش لا حاسين و لا شايفين .. الحمد لله .. الله على كل شئ قدير ♡ 🤗☝️

💢و يعدى النبى ﷺ بسلام و يروح على بيت سيدنا أبو بكر و يلاقيه مجهز ناقتين فقال للنبى ﷺ : " يا رسول الله .. إن عندي ناقتين أعددتهما للخروج ، فخذ إحداهما " ،

فقال النبى : " أخذتها بالثمن "! 

(سيدنا النبى ﷺ عايز ثواب الهجرة كله .. حتى أى مال هيندفع فى السفر عايز يدفعه من ماله الخاص .. ده حال رسول الله لما يلاقى ثواب علشان يعلمنا.. وده لازم يببقى حالنا أحنا كمان إننا نطمع فى الثواب و لو بتسبيحة واحدة أو ابتسامه في وجه أخيك و منكسلش عن أي حاجه بسيطه نقدر نعملها 🤗☝️ .. قال تعالى : { قُلْ يَا قَوْمِ اعْمَلُوا عَلَىٰ مَكَانَتِكُمْ إِنِّي عَامِلٌ } ) ..

المهم يخرج أبو بكر رضي الله عنه و النبى ﷺ من الباب الخلفى و أتجهوا جنوبًا إلى غار ثور.. 

طيب النبى ﷺ أتحرك و هاجر .. مين لسه واقف مستنى النبى ﷺ يطلع من بيته ^_^ ؟

كفار قريش لسه واقفين و محاصرين البيت فيعدى واحد من الكفار و يلاقيهم واقفين فيقول لهم : " ماذا تنتظرون هنا ؟ " قالوا : " محمدًا " ..

فقال : " خيَّبَكم الله .. قد والله خرج عليكم محمد " 🤗

لما كفار قريش عرفوا أتجننوا من الغيظ و اللى جننهم أكتر بقى التراب اللى لاقوه على رأسهم ^_^ ..

لأن ده دليل إن سيدنا محمد ﷺ حط التراب و عدى فعلاً من قدامهم و محدش فيهم شافه .. فأكيد دى معجزة ☝️..

قام كفار قريش بسرعة حاولوا يبصوا من فتحات فى الباب فلاقوا واحد متغطى بالبردة الخضراء ..

 فقالوا : " والله إن هذا محمدا نائم " ...

فقام واحد منهم أقترح أنهم يقتحموا البيت لكن أعترض معظمهم .. طيب ليه ؟ 🤔

أصل يا جماعة الكفار قالوا : " والله إنها لسُبة " عيب " في العرب أن يتُحدثَ عنا أنْ تسورنا الحيطان على بنات العم ِّ، وهتكنا سترَ حرمتنا "

( شايفين الأخلاق .. الرسول صلى الله عليه و سلم قال :

" إنما بعثت لأتمم مكارم الأخلاق " .. يعنى كان فى شوية أخلاق .. كان فى إنسانية .. و ربنا أتم علينا النعمة بنزول القرآن و ببعثة محمد خير خلق البرية ❤️) ..

المهم فضل الكفار مستنين للفجر.. فقام سيدنا على بن أبى طالب من فراش رسول الله ،فلما قريش شافت انه مش النبي ﷺ أتجننوا و أعلنوا حالة طوارىء ..

و أول قرار أخدوه هو البحث عن أبو بكر الصديق لأنه صاحب رسول الله ..فيجرى أبو جهل بنفسه ومعاه مجموعة من المشركين ، وخبط على الباب و فتحت " أسماء بنت أبى بكر " رضي الله عنها ، فزعق أبو جهل وقال : " أين أباكى ؟ " فقالت أسماء : " لا أدري " ..

فرفع أبو جهل أيده و ضربها بالقلم لدرجة إن الحلق قطع ودنها و وقع على الأرض .. رضى الله عنها أسماء بنت أبى بكر (ذات النطاقين ❤️) ..

💢دلوقتى كفار قريش بيراقبوا مخارج و مداخل مكة ..

و بدأوا يعلنوا عن مكافأة كبيرة للى يدلهم عن مكان النبي ﷺ.. طيب النبى ﷺ فين دلوقتى ؟🤔

سيدنا النبى ﷺ مع أبو بكر رضي الله عنه ماشيين حوالى 8 كيلو لناحية الجنوب لحد ما وصلوا لجبل صعب جداً و طريقه كله طوب أسمه " جبل ثور "..

وكان فيه غار فأتسمى " بغار ثور " ..

فيدخل أبو بكر الغار قبل رسول الله ﷺ علشان يطمن إن مفيش فيه ثعبان أو أى شئ مؤذى ❤️

 و يبدأ يقطع من هدومه عشان يسد الفتحات اللى جوه الغار عشان لو فيها عقرب أو تعبان ..

و بعدين يقول :" أدخل يا رسول الله " ..

جميل أوى يا سيدنا أبو بكر 🤗❤️ ..

وتتبقى فتحة مش مسدوده

عارفين سيدنا أبو بكر هيعمل إيه ؟ 🤔

سيدنا أبو بكر هيسدها برجله ..❤️ و يخلى النبى ﷺ يسند رأسه على رجله عشان يرتاح شوية .. ( وعايزاكوا تتخيلوا معايا سبب حنان سيدنا أبو بكر ورعايته لرسول الله هتلاقوا أن السبب هو رقة و براءة طبع سيدنا النبى ﷺ و طيبته و تحمله للمشقة و معاملته الجميلة اللى بتخلى أى شخص معاه عايز يشيله من على الأرض شيل .. و هتفضلوا على مدار السيرة هتتعلموا صدق الحب وجمال الصداقة و الوفاء بين رسول الله و أبو بكر ❤.. ثاني اثنين ❤️🤗) ..

💢و بعد ما سد سيدنا أبو بكر برجله الفتحة .. فيلدغه عقرب .. فأبو بكر رضي الله عنه يمسك نفسه و ميحركش رجله عشان ميقلقش راحة رسول الله و من شدة الألم تدمع عين أبو بكر و تنزل الدموع على خد رسول الله فيصحى و يقول : " ما بك يا أبا بكر ؟ " ..

فيقول أبو بكر : " أصيبت قدمى يا رسول الله " ..

فيتفل النبى ﷺ ( حبة مايه من فمه الشريف ) على الجرح المسمم فيشفي سيدنا أبو بكر بإذن الله ❤️☝️

بأبي انت وأمي يارسول الله ❤️ 

ورضى الله عنك ياسيدنا أبو بكر الصديق ❤️

مفيش أجمل من كده 🤗🤗🤗

نكمل بكرة إن شاء الله ❤️

#كن_محمديا

👈لاتنسى الإعجاب بالصفحه ليصلك الحلقات الجديده 👍

#سيرة_النبيﷺ

💢💢💢💢💢💢💢💢💢

لمتابعه باقي الأجزاء