السيره النبويه العطره 26

 

#السيره_النبويه ❤️

👈موت بنت سيدنا النبي ﷺ السيده زينب 😢

👈هجره سيدنا عمر الفاروق وباقي الصحابه ❤️

💢 السيده زينت بنت سيدنا محمد ﷺ حامل فى السابع وفى طريقها للهجرة ، و حاول هبّار بن الأسود ( قبل إسلامه ) أنه يمنعها.. فضرب الناقة اللى كانت ركباها و زينب وقعت و جالها نزيف شديد و يوصل الخبر المؤسف ده لرسول الله ﷺ و تنزف فترة طويلة و تقعد كذا شهر تنزف تنزف .. و مات الجنين و هنحكى عن اللى حصل معاها هي و زوجها " أبو العاص بن الربيع " و هتعيش بتعانى من الأذى اللى أتعرضت له بسبب هبار و هتموت 😞 ..

فالنبي ﷺ من حرقة قلبه علي ابنته .. يقف و يبكي و يقول : " زينب أحب بناتى إلى و أصيبت في " ..😢

و من حرقة قلبه راح قايل : " من رأي منكم هبّار بن الأسود فليحرقه بالنار لما فعله بزينب بنت محمد " ..

و لما النبى ﷺ يهدى فيرجع تاني للصحابة و يقولهم : " إنى قلت لكم من رأي هبّار بن الأسود فليحرقه بالنار و لا يعذب بالنار إلا رب النار و لكن من رأي هبار فدمه هدر " ..

( طبعاً لازم قصاص ✋ ) و تلف الأيام وهنشوف بعد كده لما النبى ﷺ ينتتصر و يجي يوم فتح مكة و هبّار عايش جو مكة و هبّار بن الأسود عارف أن لو الصحابة مسكوه هيقتلوه و كل صحابي نفسه هو اللي يمسك هبار عشان يقتص لزينب بنت رسول الله ﷺ فيتلثم هبّار بن الأسود عشان يخفى نفسه عن الناس و يمشى فى طرقات مكة بيدور في الوشوش لحد ما يوصل لمين ؟ للنبي ﷺ :) .. 

فيقف قصاد النبي ﷺ و ميكونش في ناس حواليهم ..

فالنبى ﷺ يقول : " من ؟ " فيشيل هبّار اللثام من علي وشه ، فالنبي ﷺ يقوله : " أنت هبّار !! " ،

فيقول هبّار : " يا محمد هلا عفوت عني ؟. 

فالنبى ﷺ يرد و يقول : " عفونا عنك يا هبّار .. يغفر الله لك " و أول ما هبّار شاف عفو النبى ﷺ اللى ملوش حدود ده قام أسلم وقال : " أشهد أن لا إله إلا الله و أنك رسول الله ♡"

( يا جماعة .. النبى ﷺ لم يعفو عن هبّار عشان هبّار أسلم .. لأ .. هبّار طلب العفو قبل ما يدخل فى الإسلام .. النبى ﷺ عفى لأن قلبه و أخلاقه كلها رحمة و حب ) ❤️

💢و استمر باقي الصحابه في الهجره ويقول سيدنا علي بن أبي طالب رضي الله عنه : " ظل أصحاب رسول الله ﷺ

 يخرجون مستخفين رجلاً أو رجلين في منتصف الليل يخافون من كل خوف .. و يخافون من كل نفر من أنفار قريش إلا رجلاً واحداً ..

وسيدنا على بيقول : ما علمت أحداً إلا و خرج مستخفياً إلا عمر بن الخطاب " .. طيب أزاى ؟😊

سيدنا عمر راح بالليل و أخد الحربة و القوص بتاعه و راح علي الحرم و قال : " يا معشر قريش .. يا معشر قريش " .. فكله أتجمع .. فراح عمر قايل : " من أراد أن تثكله أمه و يُيتم ولده و ترمل زوجته، فإنى مهاجرآ إلى المدينة عند الفجر .. فليتبعني ^_^ ".

و طاف سيدنا عمر بمكة 7 أشواط و صلي عند الحجر و طلع عند الفجر و مفيش مخلوق قرب منه ^_^ ، و طلع مع عمر 20 واحد للهجرة من فقراء المدينة .. رضي الله تعالى عن سيدنا عمر الفاروق ❤ ( يفرق الله به بين الحق و الباطل) 

❤️❤️❤️❤️❤️صلوا على النبى ❤️❤️❤️❤️❤️

💢هاجر سيدنا عمر بن الخطاب و أتنين من صحابه معاه واحد أسمه " عياش بن أبى ربيعة " والتانى " هشام بن العاصى " .. و في نص الطريق أتبعتت لهشام بن العاصى مراسيل بتحرضه أنه يرجع لمكة و ميهاجرش للمدينة .. وللأسف أستجاب و أتفتن و رجع مكة ، أما عياش ابن أبى ربيعة .. أبو جهل قاله : " أدرك أمك يا هشام .. لقد نذرت أن لن تستظل من الشمس حتي تعود إليها و إلا تموت " ..

فطبعاً عياش أتخض .. فقام و راح لسيدنا عمر بن الخطاب و قام قايله : " أمي يا عمر .. يجب أن أرجع " ..

فعمر قاله : " لا تصدقهم يا عياش .. أنهم يكذبون " ..

فأبو جهل قال لعياش : " أمك قد نذرت ألا تمتشط ( تسرح ) شعرها و لا تستحم حتي تعود " ..

فقام عياش قايل لعمر .. فعمر قاله : " يا عياش لئن أكل القمل رأسها فستمتشط و إن حرقتها الشمس فستستظل "

بس للأسف عياش صمم وقال : " سأبر قسم أمى و لى فى مكة مال فسأرجع لآخذه " ..

فقام سيدنا عمر قاله : " سأعطيك نصف مالى و لكن لا تعود إلى مكة .. ستفتتن فى دينك يا عياش " ..

المهم عياش صمم يرجع عن الهجرة و يرجع لمكة تانى .. فقام عمر بن الخطاب قاله : " يا عياش خذ هذه الناقة فهى مطيعة و سريعة جداً ، فإذا رأيت غدراً من القوم فأركب عليها و ألحق بنا و تلحقنا إن شاء الله " ( شفتوا قد إيه سيدنا عمر بيهتم بصاحبه ^_^ ♡ ) ..

فيروح أبو جهل في نص الطريق قايل لعياش : " إن ناقتى ضعيفة ، أبدلها معي بناقة عمر " ،فيدوب عياش بينزل فقام أبو جهل مكتف عياش و تطلع خدعة و مكيدة زي ما قال سيدنا عمر و يوصل عياش لمكة متكتف فيبدأوا يعذبوه فى مكة لحد ما يفتنوه عن دينه و يترك الإسلام .. 

ورغم كده إلا أنهم كانوا بيأنبوا نفسهم .. فكانوا بيقولوا : " ما الله بقابل ممن أفتتن صرفا ولا عدلا ولا توبة ، قوم عرفوا الله ، ثم رجعوا إلى الكفر لبلاء أصابهم ! " ..

و تنزل الآية : { قُلْ يَا عِبَادِيَ الَّذِينَ أَسْرَفُوا عَلَىٰ أَنفُسِهِمْ لَا تَقْنَطُوا مِن رَّحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعًا إِنَّهُ هُوَ الْغَفُورُ الرَّحِيم } ..

 الآية دى نزلت فى الناس اللى ماهجروش و مأطاعوش أوامر رسول الله ﷺ فى الهجرة من مكة للمدينة .. فعمر بن الخطاب رضي الله عنه فرح بالآية فجاب ورقة و كتب عليها الآية و طبقها و بعتها لمين ؟ لهشام بن العاصى ☺️

فيقول هشام : " فوصلني الكتاب ( الجواب ) من عمر بن الخطاب فجعلت أقرأ الورقة و أديرها كى أفهمها ودعوت ربى أن يفتح علي بفهمها حتي قرأتها وفهمتها و ألقى الله فى صدرى أن هذه الآية نزلت فيا فقلت و الله ما نزلت هذه الآية إلا في أنا و أصحابي " .. وركب هشام الناقة و هاجر للمدينة و بيقول هشام تاب الله علي فى المدينة 🤗 

💢طيب دلوقتى فى واحد خد الأذن للهجرة من مكة و يهاجر للمدينة للراحة و الأمان .. لكن هو مرضيش يروح و يسيب النبى ﷺ لوحده فى مكة و كان طمعان فى حاجة .. كان طمعان فى الصحبة ❤ .. كان نفسه يهاجر مع النبى ﷺ مين ده ؟ 🤔

سيدنا أبو بكر الصديق رضى الله عنه .. أصله كان قلقان يسيب النبى ﷺ لوحده فى مكة .. 

و قريش توقعت إن أكيد النبي ﷺ هيهاجر مدام الصحابة كلهم بيهاجروا .. فقريش أتجننت فعملت إجتماع في دار الندوة أنهم لازم يمنعوا محمد من الهجرة .. فقام واحد يقول عندي فكرة ، نكتف محمد و نربطه .. فرفضوا و قالوا هيجى قرايبه يفكوه .. فقام واحد تانى قال نقتل محمد .. فردوا عليه و قالوا طيب كنا قتلناه من زمان لكن هتيجي بني هاشم تنتقم مننا ، فيقوم تالت واحد قايل نطرده .. فردوا عليه و قالوا ما ده اللي محمد عاوزه يبقى كده مستفدناش حاجة ✋

فتنزل الآية : { وَإِذْ يَمْكُرُ بِكَ الَّذِينَ كَفَرُوا لِيُثْبِتُوكَ أَوْ يَقْتُلُوكَ أَوْ يُخْرِجُوكَ وَيَمْكُرُونَ وَيَمْكُرُ اللَّهُ وَاللَّهُ خَيْرُ الْمَاكِرِين } .

نكمل بكرة إن شاء الله ❤

#كن_محمديا

👈لاتنسى الإعجاب بالصفحه ليصلك الحلقات الجديده 👍

#سيرة_النبيﷺ

💢💢💢💢💢💢💢💢💢

لمتابعه باقي الأجزاء