العزيز عليه السلام
🤔 مين هو النبي اللي ابنه كان أكبر منه؟
سؤال غريب، بس إجابته أعجب وأعمق…
القصة هي قصة نبي الله عزير عليه السلام.
في زمن من الأزمنة، بني إسرائيل كانوا انحرفوا كتير، ونسوا التوراة، وبعدوا عن طريق ربنا.
فربنا سبحانه وتعالى أراد يجدد دينهم، فبعث لهم نبي اسمه عزير.
ربنا أمر عزير يروح قرية معينة.
ولما وصلها… اتفاجئ.
القرية كانت خراب، مفيهاش بشر، ولا حياة.
وقف عزير متعجب وقال في نفسه:
هو ربنا بعثني لقرية فاضية؟!
إزاي هتتحيي دي؟
وفي اللحظة دي…
ربنا أماته مائة سنة كاملة.
نام عزير…
ومرت مية سنة…
وبعدين ربنا بعثه تاني.
صحى عزير، وحاسس إنه نام شوية.
فبعت له ربنا ملك في صورة إنسان وسأله:
كم لبثت؟
قاله:
يوم… أو بعض يوم.
قاله الملك:
لأ…
إنت لبثت مائة سنة.
وقال له:
بص على أكلك وشربك…
لسه زي ما هو، لا بايظ ولا اتغير.
وبص على حمارك…
عزير بص…
لقى الحمار بقى عضم وجلد.
وبعدين شاف بعينه إزاي العضم بيتجمع،
وبعدين اللحم يكسوه،
وبعدين الجلد والشعر…
لحد ما الحمار قام حي قدامه!
ساعتها عزير قال:
أعلم أن الله على كل شيء قدير.
خرج عزير من المكان،
ولقى القرية اتعمرت، والناس رجعت، والحياة دبت فيها.
سألهم:
تعرفوا عزير؟
قالوا:
أيوه، ده نبي… بس مات من مية سنة!
قالهم:
أنا عزير.
ما صدقوش…
جابوا ست عجوز كانت عاصرته،
ووصفت شكله وصفاته،
فتأكدوا إنه هو.
وبدأ عزير يعلّمهم التوراة من جديد،
ويرجعهم لطريق ربنا.
لكن للأسف…
اليهود غلوا فيه،
وقدّسوه زيادة عن اللزوم،
لحد ما قالوا عنه إنه ابن الله،
والعياذ بالله.
وهنا بقى العجب الحقيقي…
قال أهل العلم:
إن عزير لما مات كان عمره 40 سنة،
وابنه كان عمره 20 سنة.
ولما ربنا بعثه بعد مية سنة،
رجع عزير لسه عنده 40 سنة،
وابنه بقى عمره 120 سنة!
عشان كده كانوا بيقولوا:
مين النبي اللي ابنه كان أكبر منه؟
والإجابة: نبي الله عزير عليه السلام.
✨ وفي الآخر…
القصة دي مش بس معجزة،
دي رسالة إن ربنا قادر على كل شيء،
وإن الغلو في البشر بيؤدي للشرك،
حتى لو كانوا أنبياء.
ربنا يجعلنا دايمًا من اللي يفهموا الدين صح،
ويحبوا أنبياء الله من غير غلو ولا تحريف.
اللهم صلِّ وسلم وبارك على سيدنا محمد
🤲🏻🤲🏻🤲🏻
#علمتني_الحياة
تعليقات
إرسال تعليق