السيره النبويه العطره 24
#السيره_النبويه ❤️
👈 "مصعب بن عمير" اول سفير في الإسلام ❤️
👈 إسلام "سعد بن معاذ" من اهتز لموته عرش الرحمن
👈 يوم فارق من أيام الله "بيعة العقبة الكبري" ✌🏼
💢شفنا المرة السابقة عرض النبى ﷺ الإسلام علي 26 قبيلة من قبائل المدينة فرفضوا لكن أسلم 6 شباب من أهل يثرب و معاهم 6 كمان فأصبحوا 12 ☺️✌️
و طلبوا من النبى ﷺ أنه يحضر معاهم ليثرب فالنبى ﷺ رفض و قالهم : " لن أهاجر أنا و أصحابى معكم الآن و لكن سأرسل معكم واحداً من الصحابة ليعلمكم الإسلام و الصلاة والقرآن و يدعوا كل أهل يثرب للإسلام "
( فلو أسلمت يثرب يبقى الصحابى ده أنقذ كل الصحابة في مكة ، و لو منجحش هتبقى يثرب دي صفحة و أتقفلت زي ما شفنا فى " الطائف " كده ) ،
طيب مين الصحابي اللى هيسافر ؟🤔
أسمه سيدنا " مُصْعَبُ بنُ عُمَيْرٍ " كان عنده 25 سنة ..
سيدنا مُصْعَبُ كان بيقول : " لأن أزيل جبلا كان أهون على " أصل مُصْعَبُ بنُ عُمَيْرٍ كان حاسس أنه شايل مسؤلية الإسلام 👌👍
هيطلع من مكة مصعب و معاه 12 شاب و يلقب ب" أول سفراء الإسلام " و هيدخل مُصْعَبُ المدينة وكانت أسمها " يثرب " ( يعنى من التثريب يعنى نفور الناس منها بسبب الأمراض اللى كانت منتشرة فيها ، لكن لما دخلها النبي ﷺ سماها " طيبة " فكانت طيبة مباركة ببركة النبي ﷺ ) ..
طيب حالياً مُصْعَبُ دخل المدينة مع ال 12 شاب و قعدوا فى مكان آمن ليجتمعوا فيه زى دار الأرقم كده ..
فنزلوا عند واحد من الشباب الستة الأولانيين اللى أسلموا أسمه " أسعدَ بن زُرَارَةَ " و ده أسلم وعمره 23 سنة ومات وهو عمره 25 سنة ..
المهم أستمر " مصعب بن عمير " يعلم الشباب القرآن ..
و كان " سعد بن معاذ " سيد يثرب ، ونائبه كان أسمه " أُسَيْد بن الحُضَير " ( قبل إسلامهم ) ،
سعد بن معاذ أستغرب و لام علي أُسَيْد بن الحُضَير أن إزاى يدخل مُصْعَبُ ليثرب و أتفق مع أُسَيْد بن الحُضَير علي قتل مصعب 😱 .. لأن " أسعد ابن زرارة " ابن خال سعد بن معاذ فمينفعش يقتل ضيف من ضيوفه ( كان عندهم مبادىء :) ) ..
فذهب أُسَيْد لمُصْعَبُ و هو رافع سيفه وقال له : " إن كان لك حاجة في نفسك فقم من هنا و إلا ضربت عنقك " ..
فرد مُصْعَبُ و قال : " أسمع مني .. و فضل يقرأ القرآن "
و أسيد نزل سيفه ثم أتكا عليه ثم بكى ، و الشباب اللى كانوا جالسين معاهم قالوا : " و الله رأينا نور الإسلام في وجه أسيد بن حضير " ..
فسأل أُسَيْد مصعب عن ماذا يفعل ليدخل في الإسلام؟
فرد مصعب بشهادة أنه لا إله إلا الله وأن محمد رسول الله .. فقالها أسيد ❤️..
أصل القرآن يخترق القلوب مهما كانت بس المهم صدق النية ..و قال أسَيْد : " إن في المدينة رجل لو أسلم لأسلمت المدينة كلها " يقصد سيد يثرب " سعد بن معاذ " ❤️
(ده اللي اهتز لموته عرش الرحمن ونزل في جنازته سبعين الف ملك رضي الله عنه ❤️)
المهم أتفقوا على خطه 👌
رجع أُسَيْد لسعد بن معاذ وقاله إن مصعب عايز يقتل أسعدَ بن زُرَارَةَ ، فطبعاً بسرعة جرى سعد و وصل لعنده فوجد أسعدَ بن زُرَارَةَ في آمان فعرف أن دى كانت لعبة من أفعال أُسَيْد ☺️ وقال سعد لمصعب : " إن كان لك حاجة في نفسك فقم من هنا " ✋..
فمصعب قرأ القرآن وتأثر سعد وأسلم ☺️ ..
و بعد ما أسلم سعد بن معاذ ذهب لقبائل المدينة وهو أميرها و قال لهم : " كلامي من كلامكم حرام ( هددهم أنه هيقاطعهم ) أما تعرفون حبي لكم ! و قال أما تعرفون خوفي عليكم فأرضي عليكم حرام حتي تشهدوا أن لا إله إلا الله وأن محمد رسول الله " فشرح الله قلوبهم للإسلام فأسلموا ^_^
💢و بسرعة على مكة يرسل مصعب للنبي ﷺ يبشره بالخبر ..فكلف النبي ﷺ مصعب بإنه يرجع ليثرب و يحضر مجموعة من مسلمين يثرب لمكة و أن ده يحصل فى الخفاء.. فأختار مصعب 75 رجل من قبائل مختلفة من يثرب فخرج المسلمين من يثرب ( المدينة ) و معاهم أمرأتين وتم الخروج في موسم الحج وطبعاً الحج زمان كان فيه كفار ومسلمين ..
💢 خرج المسلمين ال 75 من يثرب إلى مكة في " بيعة العقبة الكبري " هيبايعوا و يعاهدوا النبى ﷺ على دخول الإسلام وهم من قبائل مختلفة زى " الأوس و الخزرج " و دول كان بينهم حروب لكن لما أسلموا ربنا ألف بين قلوبهم .. و خرجوا وسط الحجاج اللى رايحيين لمكة و فى واحد أسمه " عبد الله بن حرام " و ده كان راجل كبير فى السن من سادة القبائل في يثرب قابلوه في الطريق
فواحد قاله : " يا عبد الله أنك سيدنا وقائدنا و أحب الناس إلينا .. والله إني أخشي عليك أن تموت علي هذا الشرك فتكون حطب لنار جهنم " ..
فأسلم عبد الله بن حرام و هيستشهد بعد كده زى ما هنعرف فى غزوة أحد " وده اللى ربنا هيكلمه بغير حجاب. المهم وصل الحجيج لمكة وأعطي مصعب تقريراً مفصلاً للنبى ﷺ عن كل الأحداث ..
❤️❤️❤️❤️❤️صلوا على النبي ❤️❤️❤️❤️❤️
💢طلب النبي ﷺ من مُصْعَبُ و اللى معاه أنهم يؤدوا مناسك الحج كلها ومقابلة النبي ﷺ لهم هتبقى في آخر يوم بعد تأدية مناسك الحج وهيتقابلوا عند منطقة أسمها " العقبة "..
و النبي ﷺ أرسل للناس ووصاهم إن الناس تأتى واحد وراء واحد و ﻻ أحد يوقظ التانى من النوم .. من قام من نومه يحضر و النائم يترك نائم لأنه مينفعش أن حد ينبهه و يوقظه .. و ال 75 مسلم فعلاً ماشيين على أطراف صوابعهم لكى ﻻ يحس بهم أحد .. و أخيرآ دخل رسول الله ﷺ عليهم و كأن الشمس طلعت و نزلت الدموع وعجزت الألسنة عن التعبير عن حب النبي ﷺ ❤️❤️❤️ ..
و دخل العباس ( قبل إسلامه لسه مكنش أسلم و ده عم النبى ﷺ ) و بدأ العباس الكلام و قال : " يأهل يثرب أنكم تعلمون قدر محمد فينا .. والله إنا قادرون علي حمايته ولكنه أبي إلا الإنحياز إليكم ، فإن رأيتم أنكم خاذلوه فأتركوه من الآن نحن أولي به ، ولو رأيتم أنكم ناصروه فخذوه"
( العباس عارف سر التحالف مع أهل يثرب و أمر الهجرة رغم أنه كان كافر ساعتها و ده لأنه كان حابب ياخد دور أبو طالب أخوه بعد وفاته و يكمل مسيرته و يصبح سند للنبى ﷺ و لعل كلامه ده ووقفته دى كانت سبب إن ربنا الشكور يشكره و يمن عليه بالإسلام بعد كده ❤️❤️) ..
فرد احد الأنصار وقال : " تكلم يا رسول الله فداك أبي و أمي قل ما شئت " ..
فقال النبي ﷺ
1) تمنعوني كما تمنعون أهلكم وأولادكم ( يعني تحموني ) ، قالوا : " نعم يا رسول الله "
2) الأمر بالمعروف والنهي عن المنكر ، فقالوا : " أجل "
3) السمع والطاعة ( يعنى التنازل والتضحية ) قالوا : " نعم "
4) تنفقوا في السراء والضراء ، فقالوا : " أجل "
5) لا تأخذكم في الله لومة لائم ( أي الخوف من الله )
( كل الطلبات دى مش لنفسك يا رسول الله كلها لتبيلغ الدعوة لعبادة الله الحق .. كل ده ﻷجلى و لأجلكم ) ..
فقال الهيثم : " لى سؤال يا رسول الله "..
فقال : " إن بيننا و بين القوم حبال و إلا قاطعوها يا رسول الله .. أرأيت إن أظهرك الله عليهم وفتحت مكة أتتركنا وتعود ؟ "
فدمعت عين الرسول الشريفة 😢 وقال :" لا والله بل الدم الدم ، والهدم الهدم ، والممات مماتكم والمحيا محياكم .. من أحبكم أحبني ومن أذاكم أذاني..أنتم مني وأنا منكم ❤ "
( يابخت الأنصار بيك يارسول الله ❤️🤗) .
فقال أسعدَ بن زُرَارَةَ : " يأهل يثرب أننا لم نضرب أعناق الإبل إلا ونحن نعلم أنه رسول من عند الله تعالى ..
أيها الناس فإن تأخذوه فلا تخذلوه وأعلموا أن أخراجه مفارقة العرب وقتل خياركم فأنظروا في أمره لو كنتم خاذلوه فأتركوه الآن " ..
فقال رجل : " يا أسعدَ والله لو أمرتنا أن نميل بأسيافنا علي أهل مني ( يعنى نحارب كل اللى فى مكة واللى جى من بره مكة كمان ) نميل و نحارب "..
فقال سعد بن مُعاذ : " يا رسول الله صل حبال من شئت ، و أقطع حبال من شئت ( يعنى المعاهدات اللى بينهم و بين البلاد .. يعنى اللى عايز توصله أوصله و اللى عايز تقطعه أقطعه ) و سالم من شئت و عادي من شئت و قاتل من شئت و خذ ما شئت .. والله فيكون الذى أخذته منا أحب إلينا مما تركته لنا ♡ " ..
( الله ^_^ شوفتوا كلام سيد يثرب سعد بن مُعاذ !! ..
بس بسألكم دلوقتى مين منكم ورا النبى ﷺ .. مين منكم يدافع عن النبى ﷺ بنشر سيرته و أخلاقه ويمحى الجهل و الصورة السيئة عن الإسلام .. مين منكم هيحرم على نفسه اللى حرمه النبى ﷺ .. مين منكم هيبدأ يعمل طاعات و يسمع كلام النبى ﷺ .. مين هينوى وهيحاول و ربنا هيوفقه طبعاً ؟ كام سعد هنا معانا و هيعمل ذيه يا ترى ^_^ ♡ ) ..
💢المهم بعد ما وافقوا على طلبات النبى ﷺ قالوا : " وماذا لنا يا رسول الله في المقابل ؟ " ..فقال ﷺ : " الجنة " .. فقالوا : " أبسط يدك نبايعك يا رسول الله " ..
فتسابق الناس علي كف رسول الله كأن اللى هيمسك إيده الأول هيدخل الجنة ❤ ..
المهم خلصت كده بيعة العقبة الكبرى و كان ده وقت الفجر و فجأة سمع الناس صوت بيقول : " أدركوا محمد ( ألحقوا محمد ) سيهاجر مع أهل يثرب " ..
فالنبى ﷺ بص و قال : " ذلك صوت الشيطان " .. فبسرعة كله أتحرك و دخل على الخيام .. و دخل كفار قريش خيام الحجيج و قالوا : " هل رأي أحد محمد البارحة " .. فكان المسلمين بيكتموا أنفاسهم عاملين نفسهم نايمين ..
فأتكلم عبد الله بن سَلول و قال : " ما قابل أحد من هذا المجتمع محمد " .. فمشيت قريش و عدت على خير ( على فكرة عبد الله بن سَلول ده مسلم منافق هنعرف ده بعد كده ) .. المهم حضر واحد أسمه " الطفيل ابن عمرو الدوسي " وقال : " أبشر يا رسول الله أسلمت دوس " ..
فرد النبي ﷺ وقال : " إن الله أختار المدينة ( يثرب ) وسنهاجر إلى هناك " ..
نكمل بكرة إن شاء الله 💖
#كن_محمديا
👈لاتنسى الإعجاب بالصفحه ليصلك الحلقات الجديده 👍
#سيرة_النبيﷺ
💢💢💢💢💢💢💢💢💢
لمتابعه باقي الأجزاء
تعليقات
إرسال تعليق