السيره النبويه العطره 22

 

#السيرة_النبوية ❤️ 

👈قم يا محمد إلى لقاء الله ❤

#رحلة_الإسراء_والمعراج (٣) 👆

💢شفنا الجنة إمبارح مع النبى ﷺ و شاف قصور و أنهار و حاجات تانية بديعة و عجيبة ☺️..

لكن النبى ﷺ حبيبك اللى أخلاقه القرآن شاف كل الحاجات المدهشة دى ورغم كده ربنا قال لنا علي النبى ﷺ :

{ مَا زَاغَ الْبَصَرُ وَمَا طَغَى }

( يعنى لا بص هنا ولا خطف نظرة هنا ده أحنا لو دخلنا قصر بيجذبنا جماله ونفضل نتطفل ونبص هنا وهنا ) و حبيبنا النبى ﷺ طلع فوق السبع سموات لكن كان فى قمة الأدب شاف على أد ما بالصدفة عينه شافت .. 

و بعدين يطلع سيدنا النبى ﷺ و يطلع .. قال تعالى :

 { ثُمَّ دَنَا فَتَدَلَّى ٰ* فَكَانَ قَابَ قَوْسَيْنِ أَوْ أَدْنَى } 

( وصل النبى لمنزلة و مكانة شريفة بتدل على حب الله للنبى ﷺ ، و قاب قوسين : يعنى أد المسافة اللى بين قوسين عكس بعض دى " )( " .. 🤗❤️❤️❤️

وسجد النبى ﷺ و دعا ربه عشان كده النبى ﷺ قال :

" أقرب ما يكون العبد من ربه و هو ساجد " ..

💢وينزل سيدنا النبي ﷺ وقلبه متعلق بعرش الرحمن ♡ 

تخيلوا بعد كل الصفاء ده هينزل النبى ﷺ تاني لعذاب قريش .. و على فكرة النبى ﷺ كان بعد الإسراء والمعراج لما يسمع " الله أكبر " يترعش و فى سجوده يقول : " سجد لك سمعي وبصري وقلبي وعظمي ومخي وعصبي و لحمي " تعالوا نحس بالتسبيح ده " سبحان ربي الأعلي " هو فعلاً أعلي من كل شئ ليس كمثله شئ ..

شفتوا النبى ﷺ وهو طالع السموات مع جبريل عدى كواكب و مجرات ياااه سبحان ربى الأعلى العظيم ^_^ ❤️ ..

سبحانك ما أعظمك! 👆

فينزل النبي ﷺ من الإسراء و المعراج و هو جميل و مرتاح أوي .. المفروض لو حد كان مكانه و وصل للمنزلة دى و حصلت له هذه الرفعة كان ممكن ينزل متكبر " أنا محمد .. أنا وصلت لأقرب ما يكون من الله عز وجل " ..

بس النبى ﷺ متغرش بالعكس النبى ﷺ أزداد تواضعآ على متواضعه ☺️❤️ ..

💢بيحكى سيدنا أنس خادم الرسول ﷺ و يقول : " والله خدمت النبي 10 أعوام فما قال لي أفٌ قط .. ولا قال لي لشئ فعلته ُ.. لمَ فعلته ؟ .. ولا لشئ تركته .. لمَ تركته ؟

و كنت إذا تأخرت عليه في طلبٍ بعثني له ، قام بنفسه و ذهب فقضاه هو ﷺ " ..

تعرفوا أن الرسول ﷺ كان بيحب أنس و دعا له و قال : 

" اللهم بارك في عمر أنس و كثر ولده و ماله و أدخله الجنة" فكان أنس يبكي من الحديث ده و يقول : " دعى ليَ النبي ﷺ أن يبارك الله في عمري [ فمات عنده 110 سنة ] ..

و دعى لي أن يبارك الله في ولدي و في مالي و أنا والله أكثر الأنصار مالا و أكثر الأنصار ذرية .. و ها أنا أنتظر الدعوة الرابعة [ و أدخله الجنة ]" طيب أنس بيبكى جامد ليه ؟ عشان النبى ﷺ دعا أن ربنا يبارك فى عمر أنس .. وبعد موت النبى ﷺ أنس مشتاق للقاء النبى ﷺ و حزين لأن بقى عمره طويل بعد دعاء النبى ﷺ له 😔❤️ ..

حتى فى وقت موت أنس لما كان بيحتضر فضل يبكي بكاء شديد ... فقالوا : " لمَ تبكى يا أنس ؟ .. ألست صاحب رسول الله ؟ " ، فبكى أكثر 😢 ..

فقالوا : " ما بك يا أنس .. ماذا تشتهى يا أنس من الدنيا ؟ "

فقال أنس : " لا أشتهي إلا أمراً واحداً .. أن أرى حبيبي محمد ﷺ و أقول له يوم القيامة .. يارسول الله .. أنا أُنيس .. خادمك أُنيس يا رسول الله " ( أصل ده الأسم اللى كان النبى ﷺ بيدلعه بيه ♡ ) ..

💢المهم نزل النبى ﷺ من السماء للمسجد الأقصى ومنه رجع للبيت الحرام .. فيلاقي مكان نومه لسه دافئ .. سبحان الله كأن كل ده حصل فى اللا زمن .. و أرتاح النبى ﷺ وتاني يوم صحي مهموم 😟.. طيب ليه ؟ ..

النبى ﷺ عمال يفكر أحكي للناس وقريش تضحك عليا وللا محكيش وأبقي كده بكتم وحي من الله ! ،

فيعدي أبو جهل و بسخرية ويقوم قايل : " ما بك يا محمد .. آراك مهموم ؟ " .. فالنبى ﷺ سكت ..

فسأله تاني فالنبي ﷺ قام حكي له كل اللي حصل ! فأبو جهل قال له : " أحقآ يا محمد ؟ " ..

فقال النبى ﷺ : " نعم " .. فقال أبو جهل : " ما رأيك فى أن أجمع لك قريش فتخبرهم بما قلت لي ؟ " ..

فقال النبي : " أجل " ، فقال أبو جهل : " كما أنت " ( يعني كأنه بيقوله هجمعهم لك حاضر عشان نضحك على اللي بتقولوا شوية .. بس طبعاً الصحابة هيصدقوا النبى ﷺ ) ..

فراح أبو جهل جاب رجال قريش و رجع للنبي ﷺ و قال : " أقصص يا محمد ما قلته " ،

فقال النبي ﷺ : " والله لقد دخلت المسجد الأقصى .. فصليت بالأنبياء " و فضل يحكى كل اللى حصل طيب و أيه كان رد فعل قريش ؟ .. منهم اللى ضحك ، و منهم اللى صقف و صفر إستهزاءاً بالكلام ، و منهم اللى رمى التراب على وجه النبي ﷺ 😔 ، و منهم اللى شتم ..

فقام واحد من كبار المشركين راح قايل : " يا محمد صف لنا الأنبياء " .. فقال : " أجل " ..

و بدأ يوصف سيدنا " عيسى روح الله " وقال فرأيته رجلاً طويلاً بعيد ما بين المنكبين .. عظيم الفم .. جميلآ .. شعره كأنه خرج من ديماس ( يعنى كأنه خارج من الحمام يعنى شعره كأنه مبلول .. ناعم أوي ) ،

وراح قايل كأنه شبهه " عمر بن مسعود الثقفي "..

و أما " موسى " فرأيته رجلاً طويلاً أسمر اللون .. أجعد الشعر و " عنده سنتين قريبين من بعض أوي أو راكبين فوق بعض يعنى مش جميل زي عيسى " ( بس تعرفوا رغم أن سيدنا موسى مكنش بجمال سيدنا عيسى إلا أن ربنا عز وجل قال عنه : { وَأَلْقَيْتُ عَلَيْكَ مَحَبَّةً مِّنِّي وَلِتُصْنَعَ عَلَىٰ عَيْنِي } ، فكان كل اللي يشوف سيدنا موسى يحبه أوى ☺️

و راح النبى ﷺ قايل : و موسى كأنه من رجال شنوءة ( دي قبيلة كلهم سمر و أجسامهم قوية البنية )

و أما " إبراهيم خليل الله " فكان أشبه الناس بصاحبكم ( يقصد نفسه ^_^ ) خَلقا و خُلقا " ❤️

❤️❤️❤️ما جميل إلا سيدنا النبي.. صلوا عليه ❤️❤️❤️

فنهض رجل و قال : " يا محمد صف لنا المسجد الأقصى "

( بمعنى أوصفه باب باب ، و مدخل مدخل ، مش أنت بتقول أنك رحت يا محمد .. طيب أوصف بقى ) ..

فقال النبي ﷺ : " دخلت المسجد ليلاً و خرجت ليلاً و الله لم أره " ، فضحكت قريش و قالوا : " أرأيتم يكذب عليكم " ..

👈 ( طيب ربنا هيترك النبى ﷺ كده ؟ .. لأ أبداً ) سبحانه و تعالى نزل جبريل من فوق سبع سموات و جعله يرفع المسجد الأقصى على جناحه حتى يقدر الرسول على وصف المسجد و هو أمام عينيه ..

و قال له : " أقصص عليهم يا محمد " ..

و يبدأ النبي ﷺ يوصف المسجد ( باب كذا و مدخل كذا ) ، و قريش واقفة فى دهشة لأنه بيوصف وصف دقيق جداً .. دى كانت معجزة و النبى ﷺ قال : " يا معشر قريش لقد مررت على قافلة بني فلان ( فلان مجازا يعنى ده مش أسمها ) بالروحاء و سلمت عليهم و سقوني ماءاً " ..

فرجال قريش وقفوا على أبواب مكة منتظرين القوافل اللى جاية من الشام ومرت عليهم القافلة اللى النبى ﷺ قال عليها و سألوهم : " هل حقاً مر عليكم محمد أمس ؟ " ..

قالولهم : " نعم سلم علينا و شرب عندنا الماء " ..

فرجعوا للنبى ﷺ و قالوا : " والله هذه آية من الله كيف عرفت هذا " ✋..

النبى ﷺ قال لهم : " و مررت بقبيلة بني فلان ( قبيلة تانية بردوا ) ، و كان لهم ناقة عليها جوالق ( يعنى الكسوة بتاعت الجمل ) فيها خطوط بيض وسلمت عليهم فسألوهم عن ذلك " .. فذهبوا فعلاً و سألوا القبيلة و قالولهم : " نعم مر محمد علينا في نص الليل بين الشام ( فلسطين ) و مكة ". فقالوا : " والله هذه آية ( معجزة ) "..

النبى ﷺ قال : " ووالله يا معشر قريش رأيت قبيلة بني فلان خرجت من التنعيم و هى فى الطريق إليكم و ستدخل عليكم الآن من قِبل الثنية " .. فشاهدوا القبيلة داخلة بجد .. فقالوا والله هذه آية ✋.. 

و كانوا هيؤمنوا خلاص فوقف الوليد بن مغيرة ( فاكرينه) ؟ ده اللى نزلت فيه الآيات : { ثُمَّ نَظَر* ثُمَّ عَبَسَ } ده اللى سمع القرآن و أقترح على قريش أنهم يقولوا إن النبى ﷺ ساحر ). 

و قال الوليد : " يا معشر قريش أتؤمنون له .. والله سحر أعيننا و أعين القبائل هو ساحر .. هو ساحر .. فلا تصدقوه " فقالت قريش : " ساحرٌ .. ساحرٌ لا نصدقك أبدآ " ..

(مفيش فايدة 😔 ) ..

💢وذهبوا لسيدنا أبو بكر رضى الله عنه وقالوا له : " يزعم صاحبك أنه صلى فى المسجد الأقصى ليلآ و عاد مكة ليلآ " فقال أبو بكر : " أتكذبونه ؟ " .. قالوا : " نعم " ،

فقال أبو بكر : " والله لئن كان قالها فقد صدق .. إني لأصدقه فيما أبعد من ذلك .. أصدقه في خبر السماء يأتيه في غدوة أو روحة ، إن كان محمد قال هذا فقد صدق " .. 

وكان كل ما سيدنا النبى ﷺ يحكى عن اللى شاهده فى الإسراء و المعراج ، يرد أبو بكر عليه و يقوله : " صدقت " .. و من هنا سماه النبى بى " الصديق " وكان دايما النبى ﷺ يقول : " إنَّ الله بعثني إليكم ، فقلتم : كذبت ..

وقال أبو بكر : صدقت "..❤️❤️❤️

المهم قريش رفضت تصديقه .. ورجع النبى ﷺ للصحابة وجلس معهم .. هتحكيلهم أيه يا رسول الله ؟

هيحكيلهم عن الجنة .. أصل النبى ﷺ عاوز يثبت الصحابة .. فيبدأ يحكيلهم عن الجنة .. و يقول : " والله رأيت فيها الأبنية من ذهب و فضة و طينها مسك و ترابها الزعفران ، و حصاها من اللؤلؤ و الياقوت و المرجان .. و الشاب فيها لا يشيخ أبداً و لا يموت فيها أحداً أبداً و لا يبلى نعيما فيها أبداً .. والله إن منزلة أدنى أهل الجنة ليرى ملكه مسيرة 2000 عام لا يقطعه " ..

فقالوا : " يا رسول الله و ماذا عن أعلى منزلة في الجنة ؟ " فقال النبى ﷺ : " ذلك الذي يري و جه ربه بكرة و عشيا ( صبح و ليل ) " ..

( في ناس هتشوف ربنا صبح و ليل أصلها درجات ..

ممكن حد يقول طيب أدخل أى درجة و خلاص .. صح ؟ بس متنسوش أن ده هيبقى مكانك للأبد يعنى الدرجة و النعيم اللى فاتك مش هتقدر توصله نهائيآ ..

تخيل واحد للأبد هيبقى مع النبى ﷺ طول النهار و الليل و واحد تانى لأ 😔❤ ..(حبوا سيدنا النبي ﷺ ياخوانا لانه يحشر المرء مع من أحب.. حبوه بجد واعرفوا سيرته وانشروها وان شاء الله نبقى معاه في الفردوس الأعلى.. قولوا آمين 🤲). 

💢و يحكى النبى ﷺ عن الجنة و يقولهم : " والله فيها ما لا عين رأت ولا أذن سمعت ولا خطر على قلب بشر .. فيقوم قايل : رأيت قصراً جميلآ عظيماً فقلت للملائكة : لمن هذا القصر ؟ قالوا : لفتى من قريش .. فقلت : من ؟

فقيل " لعمر بن الخطاب " و رأيت فتاة من الحور ثم تذكرت غيرتك يا عمر فوليت مدبرا ( مشيت ) " ..

فبكى عمر الفاروق وقال : " أومنك أنت أغار يا رسول الله ( يعنى أتضايق أو أغير على حاجة منك يا رسول الله ) " ، سيدنا عمر كان عارف أن قصره فوق في الجنة و رغم كده عاش كل عمره متواضع ووقت موته هيقول : " والله لو قيل لي إن كل أهل الدنيا يدخلون الجنة إلا رجلاً واحداً لقلت هو أنا " ✋.

و عمر رضي الله عنه كان يقول : " أخشى أن يسألني الله إذا عثرت دابة في العراق .. و يقول الله لى : لماَ لم تمهد للدابة الطريق يا عمر ؟ " ..رضي الله عنه وأرضاه 

💥 حالياً قريش متضايقة و رجعت تضايق النبى ﷺ والصحابة 

و أصبح شئ لا يمكن حد يستحمله

طيب و إيه الحل ؟ 🤔

هنعرف سوا بكرة إن شاء الله ❤ 

#كن_محمديا

👈لاتنسى الإعجاب بالصفحه ليصلك الحلقات الجديده 👍

#سيرة_النبيﷺ

💢💢💢💢💢💢💢💢💢

لمتابعه باقي الأجزاء