السيره النبويه العطره 21

 

#السيرة_النبوية ❤️ 

👈قم يا محمد إلى لقاء الله ❤

#رحلة_الإسراء_والمعراج (٢) 👆

💢و كنا مع سيدنا النبى ﷺ المرة اللى فاتت لما جبريل خده ولف على المقابر و النبى ﷺ شاف أحوال القبور و لقى قبر ريحته حلوة .. فسأل و رد سيدنا جبريل وقاله أنه قبر ماشطة ابنه فرعون و أولادها ..ياترى إيه قصتها ؟🤔 ..

ماشطة ابنه فرعون دي كانت ست فقيرة وكانت الكوافيرة بتاعت بنت فرعون و كانت الست دى عندها أربعة أولاد وكانت مؤمنة وكاتمة إيمانها خوفآ من فرعون ، ففي مرة وهي بتسرح شعر ابنه فرعون وقع المشط من إيدها فوطت تجيبه من الأرض فلا إراديآ قامت قايلة " بسم الله " ، فسمعتها بنت فرعون و قالت : " أبي ؟ " ( أصل فرعون كان بيقول أنا ربكم الأعلي ) .. فأتغاظت الست أوى وقامت رده عليها و قايلة : " لا .. بل ربي وربك ورب أبيك الله " ..

فالبنت أتجننت و قالت : " إذن سأخبر أبي عنك " ..🤚

فقالت لأبوها و جه فرعون و قبضوا على ماشطة ابنه فرعون و سألها : " ماذا تقولين ؟ " .. قالت : " ربي وربك الله "،

فراح فرعون جايب ولادها الأربعة قدامها وجاب برميل كبير فيه زيت بيغلي ، وقالها : " سألقى أولادك فى الزيت لو لم تشهدي أن أنا ربك " ، فقالت : " ربي وربك الله " ، فأخد أبنها الأول فرماه فى برميل الزيت المغلي فساح الولد ..

وقام سألها تانى : " من ربك فتقول بصرخة و عياط و ألم و ثبات : ربي وربك الله " .. فأخد أبنها التانى و رماه فى الزيت وساح و هكذا عمل كده مع الأبن التالت وراح سألها فرعون تانى : " من ربك ؟ " ..فقالت : " ربي وربك الله "..

وكان الأبن الرابع هو اللي عليه الدور وكان رضيع لسه صغير فى حضنها ، فجه عشان ياخده منها فمسكت الولد ورجعت لورا عشان محدش ياخده منها .. ( بقى نقطة ضعفها 😔 ) ، بس ربنا هيثبتها على الحق لحد آخر لحظة فى حياتها .. ربنا خلى الرضيع ينطق و يقول لها : " يا أمي أنتي على الحق .. أثبتى أنها جنة ".. فسألها فرعون فقالت : " ربي وربك الله " .. فأخد الولد منها عشان يرميه و يرميها معاه فى الزيت المغلى 😔😔. 

فطلبت ماشطة ابنه فرعون من فرعون جمع عظامها وأبنائها و طلبت أنهم يندفنوا سوا ، فقال فرعون لها : " لكي ذلك ". 

و أتجمعت العظام و أتحطت فى القبر .. وعشان الريحة كانت ريحة حرق و مش حلوة .. ربنا خلاها فى القبر ريحة مسك وأحلى من المسك ❤️👌 .. 

و بكده تعرف يا رسول الله إن أصحابك اللى ماتوا بالتعذيب هيشوفوا نعيم كتير أوى فمتزعلش عليهم 👌..

💢و دلوقتى تبدأ رحلة الصعود للسماء ☺️👆...

سيدنا النبى ﷺ هيخترق الغلاف الجوي والنجوم و الكواكب .. و كل ما يطلع لفوق لفووووق أوى و كل حجم الأشياء بيصغر و يصغر لحد ما تبقى الأرض نقطة قدام عينيه ..

فين بقى أبو لهب اللي مزعلك يا رسول الله ، فين كفار قريش اللى مضايقينك ؟ دول ولا حاجة فى كون ربنا الواسع أوي ، كأن ربنا رايد يقول للنبي ﷺ أنا كوني واسع وقدرتي وسعت كل شئ ، يعني كنت أقدر أخليك تخترق الزمن يا محمد وأخليك تنتصر على قريش ، بس مش من الحكمة يحصل كده ، أنت تعبان وأنا أقدر أوقف تعبك فى ثانية بس اللي أنت فيه ده لحكمة .. ( فعشان كده أي حد عنده مشكلة ، أعرف أن ربنا قادر يحلها لك ، بس مدام ربنا محلهاش دلوقتي يبقي ده لحكمة ولمصلحتك 👌

ارضوا واتستلموا وتوكلوا على الله ❤️) ..

و يطلع النبى ﷺ و يوصل ومعاه جبريل للسماء الأولى 🤗..

قال تعالى : { يَا مَعْشَرَ الْجِنِّ وَالْإِنسِ إِنِ اسْتَطَعْتُمْ أَن تَنفُذُوا مِنْ أَقْطَارِ السَّمَاوَاتِ وَالْأَرْضِ فَانفُذُوا لَا تَنفُذُونَ إِلَّا بِسُلْطَان } و السلطان هو أمر و أذن من الله العظيم ..

ويوصل النبى ﷺ لباب السماء الأولي .. لقى باب وقفل و جنود .. أصل ملكوت ربك منظم ، فجبريل خبط على الباب .. فيقول الملك : " من ؟ " .. فيقول : " أنا جبريل " .. فيرد الملك ويقول : " و من معك ؟ " ..

فراح جبريل قايل : " محمد " .. ( و طبعاً مش محتاج تعريف أكتر من كده يا سيدنا النبي عشان الملائكة تعرفك ^_^ ♡ ) ، فتقول الملائكة : " أوقد أرسل إليه ! نعم المجئ جاء ".. 

( الملائكة فرحت و بتقول ياااه هو ربنا بعتله ! .. دى أحسن زيارة حصلت ^_^ ) ، فتتفتح أبواب السماء الأولي وسيدنا النبي ﷺ مبهور .. مش مصدق أنهم عارفنيه ؟ ..

أيوه عارفينك يا حبيب الله .. أهل الطائف مش عارفينك .. بس أهل السماء عارفينك يا رسول الله فمتزعلش أبدآ ❤️

فيدخل النبى ﷺ السماء الأولى فيلاقي راجل قاعد على جنب .. فقال جبريل : " يا محمد هذا أبوك آدم .. أذهب فسلم عليه " ..

فيروح النبي ﷺ بكل تواضع و يقول : " السلام عليكم يا أبو الأنبياء آدم " ..

فآدم عليه السلام يبص له ويفرح بيه ويقول : " وعليكم السلام ورحمة الله ، مرحباً بالنبي الصالح و الأبن الصالح"

و بعدين ياخد جبريل النبى ﷺ عشان يكمل الرحلة ، فالنبي ﷺ يبص وراه فيلاقي آدم بيبص يمينه فيلاقي ناس كثير فيضحك ، ويبص شماله فيلاقي ناس كثير فيبكى ..

فالنبى ﷺ أستغرب و سأل جبريل : " لماذا يضحك ويبكي ؟"

راح جبريل قايل : " آدم ينظر عن يمينه فيري ذريته من أهل الجنة فيضحك ، ثم ينظر عن يساره فيري ذريته من أهل النار فيبكي " .. ( يارب أنا و أنتو نكون من الذرية اللي هتخلى سيدنا آدم يضحك و يفرح 🤲🤲) ..

💢و يوصل سيدنا النبى ﷺ للسماء الثانية فيخبط جبريل .. فيرد الملك و يسأل : " من ؟ " ، فيرد : " أنا جبريل " .. فيسأله الملك : " ومن معك ؟ " .. فيقول : " محمد ".. فتقول الملائكة : " أوقد أرسل إليه !! نعم المجئ جاء ♡ " .. فيدخل النبى ﷺ فيلاقي أتنين شباب قاعدين شكلهم جميل فجبريل يقول له : " يا محمد أذهب فسلم هذا أخوك عيسي و أخوك يحيي " ، فيروح النبي ﷺ و يقول : "السلام عليكم " فيرد سيدنا يحيى و عيسي ويقولوا : " و عليك السلام ورحمة الله مرحباً بالنبي الصالح و الأخ الصالح " ..

💢و بعدين يطلع للسماء الثالثة فيخبط جبريل و يسأله الملك و يعرف إن محمد معاه و تفرح الملائكة و يدخل النبى ﷺ فيلاقي " يوسف عليه السلام " فيسلم عليه النبى ﷺ ، فيرد يوسف و يقول : " مرحباً بالنبي الصالح و الأخ الصالح " ..

💢و يصعد النبى ﷺ للسماء الرابعة و تفتح له الملائكة و يدخل يلاقي " سيدنا إدريس " و يسلموا على بعض .. و بعدين يصعد النبى ﷺ للسماء الخامسة فيلاقي " سيدنا هارون " و يسلم عليه و يصعد للسماء السادسة فيلاقى " سيدنا موسي " ❤️

فيقول سيدنا موسى : " مرحباً بالنبي الصالح والأخ الصالح"

 و بعد ما سلم النبى ﷺ عليه سمع صوت بكاء ، فالنبى ﷺ بيبص لقى سيدنا موسي بيبكى ..

فيسأل النبى ﷺ جبريل : " لماذا يبكي موسي ؟ " ..

فيقول جبريل : " موسى يبكى ويقول : " يارب إنه غلام بعثته بعدي و يدخل الجنة من أمته أكثر من أمتى "

( كلمة غلام ليست للتقليل من شأن النبي ﷺ لكن المقصود أنه شاب صغير ) ، ولما النبى ﷺ سمع الكلام ده أطمن النبي على أمته 🤗❤️

❤️❤️❤️❤️❤️صلوا على النبي ❤️❤️❤️❤️❤️

 

💢و يصعد النبى ﷺ السماء السابعة و لاقى سيدنا إبراهيم ساند ضهره على البيت المعمور ( البيت المعمور ده زى الكعبة لكن بيطوف حواليها الملائكة .. ودى موازية تماماً لبيت الله الحرام " الكعبة بتاعتنا اللى على الأرض " .. يعنى نفس المكان لكن فوق فى السماء ) ،

النبى ﷺ بيحكى و يقول : " إن البيت المعمور يدخل فيه كل يوم سبعين ألف ملك ليطوفوا بالبيت ولا يعودون إلي يوم القيامة " ( يعنى كل يوم 70 ألف ملك غير اليوم اللى قبله .. الملائكة كتييير أوى ☺️) ..

و يسلم سيدنا النبي ﷺ على سيدنا إبراهيم فيرد إبراهيم و يقول : " مرحباً بالنبي الصالح و الأبن الصالح .. يا محمد أقرأ أمتك مني السلام ♡ ( سلامك وصل لنا يا خليل الله وعليك السلام :) ❤) 

و قل لهما يا محمد إن الجنة طيبة التربة و إن غراسها سبحان الله ، الحمد لله ، لا إله إلا الله " ( و مع كل صلاة أحنا بنسلم على أبونا إبراهيم و نرد عليه السلام اللي بعته لينا مع النبي ﷺ ) .. و الجميل إن ربنا عز وجل قال تعالى : { مِّلَّةَ أَبِيكُمْ إِبْرَاهِيمَ هُوَ سَمَّاكُمُ الْمُسْلِمِينَ مِن قَبْل } ، سيدنا إبراهيم سمانا مسلمين ❤️❤️

💢و يخترق النبي ﷺ السماء السابعة و يوصل عند " سدرة المنتهي " دى شجرة على باب الجنة بيقول النبي : " والله لا أستطيع أن أصفها من حسنها .. لها ألوان لا أدري ما هي ، فالجنة فيها ما لا عين رأت ولا أذن سمعت ولا خطر على قلب بشر " ، عند سدرة المنتهى هتتفرض علينا الصلاة ❤️، أصل أحنا قبل الإسراء والمعراج كنا بنصلي ركعتين الصبح و ركعتين بالليل ..

عند سدرة المنتهي هيوحي الله تبارك و تعالى لنبيه محمد ﷺ أنها هتبقى خمسين صلاة فى اليوم ✋

فالنبي ﷺ نزل فلاقى سيدنا موسى ، فقال ﷺ : " إن ربي قد فرض على أمتي خمسون صلاة " والنبي ﷺ كان خايف على أمته ، فموسي قاله : " يا محمد لا تفعل .. أمتك لا تطيق ذلك .. أذهب إلى ربك فسأله التخفيف " ..

فصعد النبى ﷺ فوضع ربه عنه عشر ، فأصبحت أربعين ونزل لموسي فقال ﷺ : " إن ربي فرضها أربعين " ..

فقال موسي : " لا تفعل .. أمتك لا تطيق .. فأذهب فأسأله التخفيف " ، و يصعد النبى ﷺ و ينزل و يصعد و ينزل و يدور بينه و بين سيدنا موسى نفس الحوار و يسأل الله التخفيف لحد ما بقت " خمس صلوات " 😊..

فسيدنا موسى قال لسيدنا النبي ﷺ : " أذهب إلى ربك فسأله التخفيف " .. فقال النبي ﷺ : " لا يا موسي .. إني أستحييت من ربي " ..

فنادي منادي من عند الله وقال : " إني قد أمضيت فرضيتي .. وخففت عن عبادي ولا يبدل القول لدى " ..

و بقت الصلوات خمسة فى الأداء لكن خمسون فى الأجر.

👈 طيب إيه الحكمة أنهم كانوا خمسين وبقوا خمسة ؟ ..

الحكمة أننا نعرف ضعفنا ، وأننا لا نملك من الأمر شئ لو كانوا خمسين كنا هنضطر نعمل الفرض كله لكن بقوا خمسة ... ( و رغم كده لسه فى ناس مستصعبه الخمسة ومش بتصلي .. وشوفتوا غلاوة النبى ﷺ عند ربنا ؟ شوفتوا شفاعة سيدنا النبي ﷺ رفعت خمسة وأربعين صلاة عن كل مسلم .. تخيل بقى شفاعته ليك يوم القيامة .. يقول ياربى عبدك فلان بيحبك و كان دايما بيصلى على النبى ﷺ .. عبدك فلان بيحبك و كان بينشر سيرة النبى ﷺ و أخلاقه .. ربنا كريم أتعلق بيه هيوفقك لعمل صالح ولو تسبيح تعمله عشان يقبل شفاعة النبى ﷺ لك.. فالنبي ﷺ كريم والله عز وجل أكرم ❤️❤️) .. 

💢 و نرجع لسدرة المنتهي و يوصفها النبي ﷺ وبيقول : " إن أوراقها كآذان الفيلة و رأيت لها أربعة أنهار .. ثم قيل يا محمد أدخل الجنة ، فرفعت رأسي فإذا على باب الجنة مكتوب لا إله إلا الله محمد رسول الله ♡ ..

فدخلت الجنة فإذا ترابها من الزعفران و الأشجار سيقانها من ذهب و أوراقها من فضة و رأيت قصرى فى الجنة .. وكمان النبى ﷺ له " ألف قصر " و منهم قصر معلق فى سحابة ليس لأحد إلا رسول الله ﷺ ❤️❤️

و بعدين خرج النبى ﷺ من الجنة و وقف عند سدرة المنتهي ثم قيل له أصعد يا محمد ..

فالنبي ﷺ لسه هيمسك بأيد جبريل عشان يطلع بيه فجبريل قال : " لا يا محمد .. إنى إذا تقدمت أحترقت .. و أنت إذا تقدمت أخترقت .. فتقدم أنت " ..

فالنبى ﷺ بيوصف جبريل و بيقول : 

" فرأيت جبريل كالحلث البالي من خشيه الله " ( يعنى جبريل بجماله وله 600 جناح عليهم اللؤلؤ و المرجان من خشية ربنا بقى عامل زى حتة القماشة القديمة ) ..

(شوفتوا قد ايه احنا مقصرين مع ربنا.. إتقوا الله ياخوانا وَقدروا عظمته جل جلاله.. سبحانك ماقدرناك حق قدرك فاغفر لما ذنوبنا واجعلنا نعبدك حق عبادتك 🤲)

فصعد النبي ﷺ وسمع أصوات غريبة و سمع صريف الأقلام ( صوت الأقلام و الملائكة بتكتب الأقدار ) و بيقول رأيت الملائكة و حمله العرش تسبح ، و إسرافيل يمسك بالقرن ( منتظر النفخة اللى هتحصل قبل يوم القيامة ) ، وميكائيل لم يبتسم منذ خُلِقَتْ النار ، ويقول النبى ﷺ رأيت كل الكون يسبح ، وسمعت أصوات تسبيحات المؤمنين " ..

(يا الله على العظمه والجمال والقدره والملكوت ✋👌) 

( أصل لما أنت بتسبح تسبيحة بيطلع صوتك للعرش وصوتك بيبقى معروف فى السماء ، عارفين لما يونس كان فى بطن الحوت و نادي وقال : " لا إله إلا أنت سبحانك إني كنت من الظالمين " ،

فالملائكة قالت : " يارب صوت معروف فى أرض غريبة "

( عشان كان في بطن الحوت ) ..✋

ربنا كان سمعه و قال تعالى : { فَاسْتَجَبْنَا لَهُ وَنَجَّيْنَاهُ مِنَ الْغَمِّ وَكَذَٰلِكَ نُنجِي الْمُؤْمِنِين } ...

و يشوف النبى ﷺ كل الحاجات العجيبة البديعة الجميلة دى والأجمل أن ربنا هيقولنا عن خلق من أخلاق سيدنا النبى ﷺ جميل أوى حصل ساعتها ..

هنعرفه سوا بكرة إن شاء الله ❤ 

#كن_محمديا

👈لاتنسى الإعجاب بالصفحه ليصلك الحلقات الجديده 👍

#سيرة_النبيﷺ

💢💢💢💢💢💢💢💢💢

لمتابعه باقي الأجزاء