السيره النبويه العطره 20

 

#السيرة_النبوية ❤️

👈قم يا محمد إلى لقاء الله ❤

 #رحلة_الإسراء_والمعراج 👆

💢سيدنا النبي ﷺ أتأذى من اللي حصل فى الطائف ، قلبه وجعه و حزين جداً لأن الطائف رفضت الإسلام و ربنا الجبار جبر قلب حبيبه عليه الصلاة و السلام بإسلام " عداس " و إسلام " الجن " ، طيب و إيه كمان 😊؟؟

رحلة الإسراء و المعراج🤗🤗

و كأن رحلة الإسراء و المعراج بتثبتلك يا رسول الله إن لو أهل الأرض غير مقدرين قيمتك ، تعالي عند أهل السماء و أنظر قيمتك 👌 ، و تحصل رحلة الإسراء والمعراج و يسموها العلماء ذروة التكريم لرسول الله ﷺ ☺️

النبى ﷺ هيشوف حاجات عجيبة ربنا عز وجل قال :

{ لَقَدْ رَأَىٰ مِنْ آيَاتِ رَبِّهِ الْكُبْرَىٰ } [ سورة النجم ] .. 

💢حالياً الرسول ﷺ فى نص الليل , جالس عند الكعبة ، و كان زعلان من اللي حصل في الطائف ، طاف و جلس وغطى نفسه بعبايته و نام وهو زعلان ، بس الرسول ﷺ غالي أوي عند ربنا مش هيسيبك تنام زعلان أبداً يا رسول الله ، يجيله جبريل عليه السلام يخبطه على كتفه ويقول :

" قم يا محمد ".. فبيحكى لنا النبي ﷺ فبيقول : " فقمت .. فقلت ماذا يا جبريل ؟ " ..

فرد جبريل و قال لى : " قم يا محمد للقاء الله ❤️ "..

الله الله 🤗 هيقابل ربنا ❤️👆 ..

تعالوا معانا نرى الرحلة بعين الرسول ﷺ ☺️

كيف ؟ زي ما سيدنا " عبد الله بن عمر " بيعمل بالظبط👇

👈فى أحدى الأيام " عبد الله بن عمر " كان فى المسجد النبوي مع النبي ﷺ والصحابة ، وبعد الصلاة أتكلم النبي ﷺ معاهم وبعدين قام قايل : " يا أيها الناس من منكم رأي الجنة ؟ " ( طبعاً محدش شافها إلا النبي في الإسراء والمعراج ) ، فالمهم محدش رد فقام عبد الله بن عمر قال : " أنا يا رسول الله "..

فسيدنا عمر بن الخطاب ( أبوه ) حط إيده على رأسه ( كأنه بيقول لأبنه : " أيه اللى بتقوله ده .. جنة أيه اللى شفتها !! ، لكن النبي ﷺ أبتسم ^_^ و قال : " من منكم دخل الجنة ؟ " فيرد مرة آخرى عبد الله بن عمر وقال: " أنا يا رسول الله " فبدأ عمر بن الخطاب يغطي رأسه بعبايته ( هيتجنن من أبنه ^_^ ) ، أبتسم النبي ﷺ ^_^ وقال : " من منكم أكل من ثمارها ؟ " .. فقال عبد الله بن عمر : " أنا يا رسول الله " .. فسيدنا عمر فى قمة الخجل وكان شوية و هيسحب نفسه بهدوء و يمشى ، و تبسم النبي ﷺ ^_^ وقال : " قم يا ابن عمر فأخبرهم كيف دخلت الجنة ؟ " ..

فقام عبد الله بن عمر وقال : " والله يارسول الله رأيت الجنة بعينيك يا رسول الله ، ودخلت الجنة بقدميك يا رسول الله ، وأكلت من ثمارها بفيك يا رسول الله .. فأنا أرى بعينك وأمشي بقدمك وأكل بفيك يا حبيبي يا رسول الله ❤ "

الله على جمالك ياصاحب رسول الله وابن الفاروق ❤️

شوفتوا حب النبي ﷺ فى قلبه قد أيه شوفتوا إيمانه بالنبى ﷺ شكله أيه !! 😊..

كان عبد الله بن عمر بيمشي ف المدينة و يدور على الأماكن اللى ممكن يكون النبى ﷺ مشى فيها و يمشى ويحط رجليه فوق أثر رجل النبي ﷺ. لدرجة أن كان فى شجرة النبي ﷺ بيحب يقعد تحتها دايما كان عبد الله يذهب لوحده يقعد تحتها .. لدرجة إن الصحابة قالوا عليه : " والله كان يتبع أثر النبي حتي خفنا على عقله " ..

ماشي عمال يدور على أيه بيحبه حبيبه عشان يعمله ♡ .. ( ياريت كلنا نجرب نبقي زي ابن عمر ونشوف بعين النبي ﷺ اللى هيشوفه فى رحلة الإسراء و المعراج ) ..

💢نرجع لجبريل بعد ما قال لسيدنا للنبى ﷺ : " قم يا محمد إلي لقاء ربك " ، بس حصل حاجة قبلها ، حادثة شق الصدر للمرة الثانية ✋👌

👈ملائكة نيمت النبي ﷺ على ضهره و فتحت صدره تاني زى زمان فاكرين القصة دى ؟ و طلعوا قلبه و غسلوه بميه زمزم و خيطوا الجرح .. عملية قلب مفتوح .. سبحان الله الذي شق البحر لموسي قادر أن يشق صدر محمد فالله علي كل شئ قدير .. طيب ليه حالياً حصل شق الصدر ؟ 🤔..

عشان قلب النبى ﷺ يقدر يتحمل اللي هيشوفوا فى الرحلة لأنه هيشوف حاجات لا يمكن يستحملها بسهولة ..

بعد شق الصدر ..سيدنا جبريل جه لسيدنا النبى ﷺ عشان يبدأ الرحلة ... طيب أيه وسيلة المواصلات فى الرحلة ؟

دابة أسمها " البراق " طيب وبرنامج الرحلة أيه ؟ 🤔..

ربنا عاوز يجبر بخاطر النبي ﷺ فالرحلة من الحرم للمسجد الأقصى ، و من المسجد الأقصى للسماء .. وفى الرجوع هتبقى من السماء للمسجد الأقصى ، ومن المسجد الأقصى للحرم مرة تانية ..

البراق دى دابة شكلها ما بين الحمار و البغل لونها أبيض ، والخطوة منها توصلها لمنتهى بصرها ( يعني خطوتها واسعة تجيب المدى البعيد اللى هي شيفاه ) أحنا مثلاً منتهي بصرنا ثلاثين كيلو منقدرش نشوف أبعد من كده ..

لو أفترضنا إن البراق منتهي بصره زينا ثلاثين كيلو يبقى الخطوة الأولى من رجله تجيب الثلاثين كيلو وبعدين رجلة التانية ثلاثين كيلو تانيين يعنى سريع جداً ،

 فيقول سيدنا جبريل : " أركب يا رسول الله " وركب وركب معاه جبريل .. و النبى ﷺ بيقول : " كان جبريل لا يفارقنى و لا أفارقه " .. طيب هنذهب إلى أين ؟🤔

نذهب إلى أرض الشام ، على المسجد الأقصى بسرعة تفوق الخيال و يوصل النبي ﷺ المسجد الأقصى و يوقف جبريل البراق عند باب المسجد الأقصى ، و قال جبريل : " يا محمد أنزل ".. عارفين النبي ﷺ هيعمل أيه ؟ ..

❤️❤️❤️❤️❤️صلوا على النبي ❤️❤️❤️❤️❤️

💢 النبي ﷺ نزل و راح رابط البراق فى عمود من عواميد المسجد الأقصى ، بتربطه ليه يا رسول الله ، ده ربنا خلقه مخصوص من أجلك وهيختفي بعد رحلة الإسراء والمعراج .. وربنا هيحفظه ليك أكيد ليه بتربطه ؟🤔

سيدنا النبي ﷺ قمة فى التوازن ، قمة فى الربانية ، ربنا رايد مننا أننا ناخد بالأسباب و فى نفس الوقت نتوكل على الله ..

النبى ﷺ هيتصرف بقمة الواقعية .. دي قوانين الدنيا ، هو ينفع أسيب العربيه مفتوحة و أقول أنا هتوكل على الله. ربنا حفيظ ؟ لأ ✋..

لازم أخذ بالأسباب و أقفلها .. و مينفعش أقفلها و أقول أنا متأكد أن السيارة مش هتتسرق لأنى قفلتها ..

ليه مينفعش ؟✋

لأن لازم تبقى مؤمن أن ربنا على كل شئ قدير و مفيش شئ معصوم من قدر الله .. الصحابة بيقولوا كنا نري النبي ﷺ يأخذ بالأسباب حتي نقول أنه لا يتوكل على الله ، وكان يتوكل على الله حتي نقول أنه لا يأخذ بالأسباب .. حبيبنا سيدنا النبي ﷺ كان قمة فى التوازن اللهم صلي عليه ❤️ 

يربط البراق ويقول له جبريل : " أدخل يا محمد ".. طيب مين اللى بيحكم فلسطين فى الوقت ده ؟ .. الرومان ✋،

فطبيعي المسجد الأقصى يبقى مهجور ومفيهوش حد و مضلم.. لكن تتفتح أبواب المسجد الأقصى وينظر النبى ﷺ و يندهش المسجد مليئ على آخره ..

والمسجد كله منور ، طيب مين اللي فى المسجد ؟

كل الأنبياء من آدم عليه السلام إلي عيسي عليه السلام ومتنسوش قال تعالى : { وَرُسُلًا قَدْ قَصَصْنَاهُمْ عَلَيْكَ مِن قَبْلُ وَرُسُلًا لَّمْ نَقْصُصْهُمْ عَلَيْك } .. 

و النبي ﷺ مبهور وجبريل بيعرفه على الأنبياء و هم واقفين فى صفوف منتظرين الصلاة ، كل الأنبياء مسلمين يعنى كلهم موحدين ، قال تعالى : { لِكُلٍّ جَعَلْنَا مِنكُمْ شِرْعَةً وَمِنْهَاجًا } طريقة العبادة مختلفة بس الأصل هو التوحيد بإن لا إله إلا الله ، وجبريل يقول للنبى ﷺ تقدم للإمامه ☺️..

النبى ﷺ واقف قدام إبراهيم خليل الله و عيسي كلمه الله و موسي كليم الله ، النبى ﷺ غير متخيل أنه يكون الإمام ..

و جبريل يقوله مرة آخرى : " تقدم يا رسول الله للإمامة " ،

و يوقف النبى ﷺ إمام و صلي بالأنبياء ركعتين من صلاة المسلمين ☺️❤️ ..

وده قمة التشريف للنبي ﷺ كأن ربنا بيعرفنا إن الأنبياء كلهم هيعطوا راية البشرية للنبى ﷺ وأنه هو الرسول الخاتم .. الرسول ﷺ مرة قال : " لو كان موسي حيا بيننا ، ما وسعه إلا أتباعي " ..

💢و تخلص الصلاة و ياخد جبريل النبى ﷺ و يطلع خارج المسجد الأقصى .. فيحضر جبريل إنائين واحد فيه لبن و الإناء التانى فيه خمرة ويقول جبريل : " يا محمد أختار "

( على فكرة الخمرة فى الوقت ده كانت غير محرمة علينا لسه ) فأختار سيدنا النبي ﷺ اللبن ..

ففرح جبريل و قال : " أهتديت إلي الفطرة يا رسول الله وهديت أمتك إليها " ..

كل يوم بنقع فى الإختيار بين الحرام والحلال " اللبن " رمز النقاء والصفاء و " الخمر " رمز المعصية .. و الحلال واضح و الحرام واضح لينا ..خليكوا على فطره رسول الله ❤️ 

💢حالياً هيطلع النبى ﷺ و جبريل للسماء بس قبلها جبريل هيأخد النبى ﷺ و هيطوف بيه على أهل المقابر ✋

هيشوف فيها ناس بتتعذب و يعرف نهاية أبو جهل هيكون مثلهم ، و هيشاهد ناس بتتنعم حتى تطمئن يا رسول الله علي سمية ( فكرينها ؟ اللى ماتت من تعذيب أبو جهل ليها عشان تكفر بدين محمد ) و تطمئن على اللى ماتوا و هيموتوا و تعرف إن وعد الله حق و أنهم هيتنعموا بالجنة .. حتى ﻻ يحزن حبيبنا النبى ﷺ علي حد بعد كده ✋❤️..

👈فيمر النبي ﷺ على قبر ويقول : " رأيت أناس يخمشون وجوههم ، و صدورهم بأظافر من حديد " ..

فقال : " من هؤلاء يا جبريل ؟ " ..

فرد جبريل و قال : " هؤلاء يأكلون لحوم الناس ( الناس اللى بتغتاب ) " قال تعالى : { أَيُحِبُّ أَحَدُكُمْ أَن يَأْكُلَ لَحْمَ أَخِيهِ مَيْتًا فَكَرِهْتُمُوهُ } 

👈و يمر على قبر آخر فبيقول : " رأيت أناس تقرض شفاتهم بمقاريض من نار " ، فيقول لجبريل : " من هؤلاء ؟ " ..

فيقول : " خطباء أمتك يا محمد يقولون ما لا يفعلون يأمرون الناس بالمعروف ولا يأتوه وينهونهم عن المنكر ويأتوه" 

👈فيمر على قبر تالت فيلاقى فيه سيدنا موسي قائم يصلي فى قبره ( المفروض مفيش تكليف فى القبر لأن الأعمال بتترفع بعد الموت )

فقال النبى ﷺ :" يا جبريل أهذا موسي ؟ " قال : " نعم " فقال النبى : " وماذا يفعل ؟ " ..

فقال جبريل : " يصلي إلي ربه " .. فقال النبى : " و لما ؟ " ..

فقال جبريل : " إن موسي كان شديد الشوق إلي ربه فعندما مات قال للملائكة أريد أن أرى ربي ؟

فقالت الملائكة : لا ( وموسى هو كليم الله )

فنادي ربه و قال يارب إن لم الاقيك حتي أدخل الجنة فأذن لي أن أصلي لك فى قبري حتي يهدأ الشوق فى قلبي .. فأعطاه ربنا هذه المنحة إلي يوم القيامة " .. الله شايفين ♡ سيدنا موسي اللي قال : { وَعَجِلْتُ إِلَيْكَ رَبِّ لِتَرْضَى } .. موسي مش قادر يصبر على لقاء الله ❤️

👈وبعدها النبى ﷺ شاهد قبر طالع منه ريحة جميلة ، فيقول : " رائحة من يا جبريل ؟ " .. فيقول جبريل عليه السلام : " هذه رائحة ماشطة ابنه فرعون " ،

فيسأله ﷺ : " من ماشطة ابنه فرعون ؟ " ..

فيحكيله سيدنا جبريل قصتها 🤗❤️

وهنعرفها سوا بكرة إن شاء الله ❤

صلوا على من بكى شوقا لرؤيتنا 🤗❤️❤️❤️ 

#كن_محمديا

👈لاتنسى الإعجاب بالصفحه ليصلك الحلقات الجديده 👍

#سيرة_النبيﷺ

💢💢💢💢💢💢💢💢💢

لمتابعه باقي الأجزاء