السيره النبويه العطره 19

#السيرة_النبوية ❤️

👈 محنه الطائف ولكن في كل محنه منحه ✋

👈المدد الإلهي بنزول سيدنا جبريل وملك الجبال ولكن سيدنا النبي ﷺ نبي الرحمه والتسامح ❤️

👈استمرار المدد الإلهي باستماع طائفة من الجن للقرآن وايمانهم بالاسلام ❤️

💢 كنا مع سيدنا النبى ﷺ و شاهدناه رافع إيده و بيدعى بعد الإيذاء النفسى و البدنى الشديد اللى أتعرضله وبدأ يدعى وهو متصور إن فى خطأ أرتكبه بسبب اللى حصل وأستمر فى الدعاء و يشكو لربه : " اللهم أشكو إليك ضعف قوتى و قله حيلتى ... إلى آخر الدعاء و يقول إن لم يكن بك غضب عليا فلا أبالى "..

وينزل إيديه ﷺ من الدعاء , وربنا أكيد غير غضبان عليك يا رسول الله , ولكن ده لازم يحصل عشان المسلمين ييجو من بعدك يعرفوا أد أيه أنت تعبت يا رسول الله ❤️😢

و كان الرسول ﷺ يجلس تحت ظل الشجرة يدعوا ربه .. طيب و مين كان شايف النبى ﷺ ؟ 

عتبة و شيبة .. كان صعبان عليهم جداً اللى مر بيه رسول الله .. فنادوا على الخادم بتاعهم ، كان أسمه " عدَّاس " وقالوا : " يا عدَّاس خذ هذا العنب و أطعمه لمحمد ",

وأخد عدَّاس العنب وذهب لمحمد , وقال : " كل ", 

فمد إيده ﷺ و أخذ العنب وقال بصوت مرتفع : "بسم الله"

قال عدَّاس : " إن القوم فى هذه البلاد لا يقولون هذا القول !! " , فرد عليه ﷺ و قال : " ما أسمك يا غلام ؟ "..

قال : " عدَّاس " ,

فقال النبى ﷺ بلطف : " أهلاً عدَّاس.. من أى البلاد أنت ؟ "

فقال : " من نينوى " ..

فقال النبى ﷺ : " بلد الرجل الصالح يونس بن متى ؟ ".. أستغرب عدَّاس ( لأن العرب مبيعرفوش أسماء الأنبياء لأنهم بيعبدوا الأصنام , فلو أى حد من الجزيرة أتكلم عن الأنبياء السابقين يبقى حد غير عادى ) ،

فقال عدَّاس : " أتعرف يونس بن متى !! "..

فتبسم النبى ﷺ وقال : " أجل يا عدَّاس كان يونس نبى وأنا مثله نبى " 😊❤️

فبكى عدَّاس ونزل باس إيد النبى ﷺ وقدميه الشريفة وقال : " أشهد أن لا إله إلا الله , وأشهد أنك رسول الله "... عتبة و شيبة كانوا ينظروا إليهم ..

فواحد منهم قال للتانى : " أنظر , بعثنا له عنقود من العنب فأفسد علينا عدَّاس خادمنا "..

وبسرعة نادوا على عداس وأخدوه بالعافية , والنبى ﷺ خرج هوه و زيد من البستان رغم أنهم ملحقوش يرتاحوا كفاية بعد الإيذاء الشديد ده .. 

👈 تعرفوا مرة سألت عائشة رسول الله وقالت : " يا رسول الله , هل مر عليك يوم أشد من يوم غزوة أُحد ؟ " ( و كان يوم غزوة أحد شديد على رسول الله و على المسلمين كلهم بس رغم كده الرسول رد عليها )

و قال ﷺ : " يوم الطائف يا عائشة ".. وحكى لها كل اللى عرفناه أنا و أنتم سوا عن الإيذاء الشديد و حكى عن اللى حصل بعد خروجه من البستان و قال : " خرجت من البستان أهيم على وجهى فإذا بغمامة ( سحابة ) تظلنى فنظرت إليها فإذا بها جبريل عليه السلام فقال لى : " السلام عليك يا رسول الله , فرد الرسول السلام " .. 

سيدنا جبريل قال : " يا رسول الله أن معى ملك الجبال يستأذن أن يسلم عليك ", فوافق رسول الله فيدخل ملك الجبال ويقول : " السلام عليك يا رسول الله ",

و رد النبى ﷺ السلام , فقال الملك : " يا رسول الله , إن ربك يقرئك السلام " ,

فقال النبي ﷺ : " هو السلام وعليه السلام ومنه السلام "

وقال ملك الجبال : " يا رسول الله , إن ربك قد سمع قول قومك لك , وقد أرسلنى إليك لتأمرنى بما شئت , والله يا رسول الله لئن أمرتنى لأطبقن عليهم الأخشبين "

( توضيح أكثر ربنا بيقولك أأمرنى أعمل في أهل الطائف اللى آذوك اللى أنت عايزه ، و أنا بسلطتى على الجبال أقدر أأمر الجبال اللى حوالين مدينة الطائف إنها تدهسهم و تنطبق عليهم ✋ و طبعا دىً كانت فرصة حتى ينتقم منهم سيدنا النبى ﷺ بعد كل الأذى الى أتعرضله .. لإن عادى سيدنا موسي ومعاه أخوه هارون دعوا على فرعون و قومه و ربنا قالهم : { قَدْ أُجِيبَت دَّعْوَتُكُمَا } ،

و كمان سيدنا نوح دعا على قومه وقال : { رَّبِّ لَا تَذَرْ عَلَى الْأَرْضِ مِنَ الْكَافِرِينَ دَيَّارًا } , وإستجاب ربنا سبحانه وتعالى و أغرق الكافرين ,

وكمان سيدنا عيسى لما قال : { إِن تُعَذِّبْهُمْ فَإِنَّهُمْ عِبَادُك } َ, فبالتالى كان من حق سيدنا محمد ﷺ أنه يعمل زى باقى الأنبياء و يدعى على قومه و بالذات أنه أتأذى كتير جداً .. 

لكن رد رسول الله صلى الله عليه و سلم على ملك الجبال و قال : " لا تفعل لا تفعل فإنى أرجو الله أن يخرج من أصلابهم من يوحد الله و لا يشرك به شيئاً ,

ورفع أيده و قال ﷺ : " اللهم أهدى قومى فإنهم لا يعلمون " و كررها 3 مرات ❤ 

بأبي انت وأمي يانبي الرحمه والتسامح ❤️❤️

❤️❤️❤️❤️❤️صلوا على النبي ❤️❤️❤️❤️❤️

💢 طيب إيه النتيجة لما النبى ﷺ مدعاش على قومه؟

النتيجة هي أن الطائف بعد كده هنشوف أنها أصبحت من أحسن وأجمل بلاد المسلمين , وكلها مسلمين ومن أحسن المسلمين .. لو روحتوا الطائف دلوقتى هتلاقى فيها نوع من الورود مش بينمو فى أى مكان إلا فى الطائف , فيها خير مش موجود غير فى الطائف , ونوع ثمار لا ينبت إلا فى أرض الطائف .. وكمان كانت نتيجة دعاء النبى ﷺ ليهم أن فى أيام ( الردة ) اللى هتحصل بعد موت رسول الله ﷺ .. أرتدت كل البلاد و كفرت بالإسلام تانى إلا تلات بلاد بس .. هما مكة والمدينة ومعاهم الطائف و ثبتوا على دين الله و رسوله ❤ ..

كل ده بفضل دعوة رسول الله شوفوا الآية دى : { لَقَدْ جَاءَكُمْ رَسُولٌ مِّنْ أَنفُسِكُمْ عَزِيزٌ عَلَيْهِ مَا عَنِتُّمْ حَرِيصٌ عَلَيْكُم بِالْمُؤْمِنِينَ رَءُوفٌ رَّحِيم } ..❤️❤️

💢وتخلص مقابلة ملك الجبال مع رسول الله ﷺ ويبدأ مشوار رجوعه لمكة , كان المفروض ينام و يرتاح شوية عشان يقدر يكمل المشوار بعد كل التعب ده , بس هو معملش كده , وقف صلى قيام ليل 🤗❤️ , وهيحصل حاجة غريبة أوى وهو بيصلى , ربنا هيوحى له أثناء الصلاة , إنه هيعدى من جنبه 7 من الجن و هيسمعوا القرآن لأول مرة من النبى ﷺ أكيد ده شىء مخيف 🙆.

فقرأ سيدنا النبى ﷺ عشان يسمع الجن القرآن وقرأ سورة الرحمن .. وبعدها نزلت آيات من القرآن حكت اللى حصل .. ربنا بيقول :

{ وَإِذْ صَرَفْنَا إِلَيْكَ نَفَرًا مِّنَ الْجِنِّ يَسْتَمِعُونَ الْقُرْآنَ فَلَمَّا حَضَرُوهُ قَالُوا أَنصِتُوا فَلَمَّا قُضِيَ وَلَّوْا إِلَى قَوْمِهِم مُّنذِرِينَ * قَالُوا يَا قَوْمَنَا إِنَّا سَمِعْنَا كِتَابًا أُنزِلَ مِن بَعْدِ مُوسَى مُصَدِّقًا لِّمَا بَيْنَ يَدَيْهِ يَهْدِي إِلَى الْحَقِّ وَإِلَى طَرِيقٍ مُّسْتَقِيمٍ * يَا قَوْمَنَا أَجِيبُوا دَاعِيَ اللَّهِ وَآمِنُوا بِهِ يَغْفِرْ لَكُم مِّن ذُنُوبِكُمْ وَيُجِرْكُم مِّنْ عَذَابٍ أَلِيمٍ * وَمَن لَّا يُجِبْ دَاعِيَ اللَّهِ فَلَيْسَ بِمُعْجِزٍ فِي الْأَرْضِ وَلَيْسَ لَهُ مِن دُونِهِ أَولِيَاء أُوْلَئِكَ فِي ضَلَالٍ مُّبِينٍ } ..

( شايفين .. الجن بقوا دعاة للإسلام بعد ما سمعوا القرآن من رسول الله ﷺ .. أحنا كمان لازم ننشر و ندعوا اللى حوالينا بأى معلومة عرفناها عن الله و رسوله الكريم انشر السيره النبويه وانشر الأحاديث والايات القرانيه وكون داعيا لله.. ده واجب شرعي عليك ✋✋✋) ،

المهم قرأ رسول الله ﷺ القرآن و حواليه أفواج كتيير أوى من الجن .. ربنا بيقول : { وَأَنَّهُ لَمَّا قَامَ عَبْدُ اللَّهِ يَدْعُوهُ كَادُوا يَكُونُونَ عَلَيْهِ لِبَدًا } .. أكيد النبى ﷺ أستحمل الخوف ، دول بردوا جن .. بس بصوا الآية بتورينا أن من شدة حبهم للقرآن ولرسول الله ﷺ أنهم أجتمعوا حواليه و عايزين يبقوا جنبه أوى عليه الصلاة و السلام ❤️ ..

و أعد رسول الله يعلمهم الإسلام وأمور دينهم ☺️..

👈شوفتوا ازاي عوض ربنا وخروج من كل محنه منحه الهيه ومدد رباني.. سيدنا النبي ﷺ رسالته انتقلت من عالم الأنس وشملت كمان عالم الجن.. شوفتوا فتح ربنا.. فكل ماتكون في ابتلاء افتكر دايما ان الخير جاي.. وكل ماتضيق عليك يكون الفرج أكبر واجمل.. فالله كريم رحيم رؤوف ودود لطيف ❤️

💢وخلصت مقابلة الجن , وبدأ النبى ﷺ و زيد بن حارثة يفكروا إزاى هيدخلوا مكة , زيد بن حارثة سأله يا رسول الله كيف سندخل إليهم ؟

رد الرسول ﷺ و قال : " يا زيد لا تخف , إن ربي لن يضيعنا , يا زيد إذهب إلى " الأخنس بن شريق " وإئذن منه أن ندخل فى جواره " .. يعنى أيه الكلام ده ؟

يعنى الرسول ﷺ هيطلب من الأخنس بن شريق إنه يكون فى حمايته لما يدخل مكة ، وده بيكون شرف كبير أنك تبقى واخد ناس فى حمايتك .. وفعلاً راح زيد بن حارثة و طلب من الأخنس الحماية .. لكن الأخنس قال : " لا والله .. فليدخل محمد و ليرى ما أعدته له قريش 😢 " ..

راح زيد للنبى ﷺ وحكى له , فطلب النبى ﷺ منه أنه يروح يطلب الحماية من " سهيل بن عمرو ", بردوا رفض , وبعدين قاله يروح " لمُطعم بن عدى " والحمد لله مُطعم وافق وقال : " هو فى جوارى .. محمد فى جوارى "

( كل الأسماء اللى النبى ﷺ بيطلب منها الحماية من كفار قريش بس عائلات كبيرة ) الْمُطعم بن عدى بقى كان عنده 10 أبناء فقالهم : " ألبسوا جميعاً الحديد وأرفعوا السيوف و ما أن يدخل محمد مكة فى جوارنا أياكم أن يمسه أحد أو يسبه " ..  

و راح ال 10 من الشباب للنبى ﷺ على باب مكة لابسين الدروع و الحديد ورافعين السيوف و حاوطوا رسول الله ﷺ من كل جنب , وسألوه : " إلى أين تذهب ؟ "

طبعاً المكان الطبيعى البيت , لكن لأ ✋ ..

النبى ﷺ قالهم : " سأذهب للحرم " , ( أصل النبى ﷺ عايز يطوف حوالين الكعبة عشان محدش من قريش يفتكر إنه خايف أو هيبطل يدعو للإسلام ) ...ياحبيبي يارسول الله ❤️

خلصت محنة الطائف و يخلص النبى ﷺ الطواف و بعدين هيروح الفجر لدار الأرقم , يحكى للصحابة اللى حصل ويطمنهم بإسلام الجن ، بس الصحابة هيزعلوا جدآ بسبب الإيذاء اللى حصل له 😔 .. بس هيحصل كمان فتح رباني عظيم جدا ☺️❤️

هنعرفه بكرة إن شاء الله ❤ 

#كن_محمديا

👈لاتنسى الإعجاب بالصفحه ليصلك الحلقات الجديده 👍

#سيرة_النبيﷺ

💢💢💢💢💢💢💢💢💢

لمتابعه باقي الأجزاء