السيره النبويه العطره 18

 

#السيرة_النبوية ❤️

👈 عام الحزن (موت عم النبي ﷺ وزوجته 😢)

👈إيذاء أهل الطائف للنبي ﷺ ويوم صعب 😢😔

💢أبو طالب بيموت 😢 أبو طالب تعب 😔 عنده 80 سنة

و يحزن النبى ﷺ حزن شديد أوى 😢..

ولما النبى ﷺ يعرف إن أبو طالب بيحتضر يجرى على بيته و يدخل عليه و يقول له : " يا عمى يا عمى قل كلمة واحدة أحاج لك بها عند ربى ".. و يبكى 😢 ( النبى ﷺ بيطلب من عمه أنه يقول لا إله إلا الله عشان يقدر يشفع له عليه الصلاة و السلام يوم القيامة ) ..

ففجأة يقول أبو جهل : " يا أبا طالب أترغب عن ملة أبيك ؟!"

فيبص أبو طالب للنبى ﷺ و يقوله : " يا محمد إنى و الله لأسرع الناس لما تحب ( أنا أكتر حد يحب يفرحك 😢 ) و لكن لن أرغب عن ملة آبائى " فيبكى النبى ﷺ أكتر و يقول : " يا عمى أرجوك قل كلمة واحدة .. قل لا إله إلا الله قل كلمة أحاج لك بها عند ربى "..

فيرد عليه أبو طالب و يقول : " يا بنى أريد أن أقولها و لكن أخشى أن تعايرنى بها العرب بعد موتى ". 

ويموت أبو طالب ويبكى النبى ﷺ بكاء شديد جداً و تنزل الآية الكريمة قال تعالى : { إِنَّكَ لَا تَهْدِي مَنْ أَحْبَبْتَ وَلَٰكِنَّ اللَّهَ يَهْدِي مَن يَشَاءُ وَهُوَ أَعْلَمُ بِالْمُهْتَدِين } ..

(صعبه جدا على سيدنا النبي ﷺ 😢😢)

💢وبعد 7 أيام تحصل حاجة كمان ..السيده خديجة بتموت 😢😢 .. ياااه ده أبو طالب كان الضهر بره البيت و خديجة كانت الحضن جوه البيت ! 😢❤ 

لحظة الوفاة ورأس السيده خديجة على صدر سيدنا النبى ﷺ , ويمسح على رأسها ويدعى لها بالشفاء ..

ينزل جبريل عليه السلام فيقول جبريل : " يا رسول الله أقرىء خديجة من ربها السلام ❤ " ,

فيقول الرسول : " يا خديجة إن الله يقرئك السلام " , فتقول : " هو السلام ومنه السلام وعليه السلام وعلى جبريل السلام ❤ "..

و جبريل قال : " يا رسول الله بشر خديجة بقصر فى الجنة لا نصب فيه ولا وصب ❤ " ,

ياااه قصر فى الجنة لا فيه تعب و لا حزن ! .. فاكرين قد إيه تعبت قى الدنيا و هي طالعة الغار فوق جبل عالى رغم سنها الكبير عشان تطلع لحبيبها النبى ﷺ الأكل و المايه .. خلاص يا خديجة مفيش تعب تانى ♡ .. 

ثم يستئذن ملك الموت فى الدخول , وتموت السيدة خديجة , ويبكى النبى ﷺ بكاءً شديداً

(ياحبيبي يارسول الله 😢 ) ...

فاكرين لما النبي ﷺ دخل عليها وقال زملونى زملونى فغطته خديجة و حضنته حتى سكن :) وبقى هادى بعد ما شاف جبريل لأول مرة ..

فاكرين لما ثبتت النبى ﷺ إن أكيد اللى شافه ده خير مش شر و قالت : " لا والله لا يخزيك الله أبداً إنك لتطعم الطعام و تكرم الضيف و تعين على الحق "..

فاكرين أد أيه تعبت فى الشعب وأتحملت الجوع والعطش رغم كبر سنها ...

مااتت السيده خديجة وبقى دايماً النبى ﷺ يقول : " لقد رُزقت حبها ".. وكان كل ما يذبح ذبيحة يشيل منها جزء لصاحبات خديجة , كان نعم الزوج الوفى لزوجته ❤️..

👈 مات عم النبى ﷺ و ماتت زوجته حبيبته وتتسمى السنة دى بى " عام الحزن " 😢❤

💢 ويبدأ إيذاء قريش كمان يتضاعف على النبي ﷺ , يكون ماشى فى طرقات مكة فيرموا عليه طوب و رملة , ويتوعدوه بالقتل والدبح , بعد ما كان عمه أبو طالب بيحميه فيضيق صدر رسول الله , وتثبته الآيات الكريمات : { وَتَوَكَّلْ عَلَى الْحَيِّ الَّذِي لَا يَمُوت } ،

{ فَاصْبِرْ كَمَا صَبَرَ أُولُو الْعَزْمِ مِنَ الرُّسُلِ وَلَا تَسْتَعْجِل لَّهُمْ } و يفضل القرآن يثبت الرسول ﷺ على الإيذاء ده ..

👈 طيب ليه مات أبو طالب وخديجة دلوقتى بالذات ؟

كان لازم يحصل كده , عشان النبى ﷺ يعرف أنه ليس له إلا ربه سبحانه وتعالى...( دايماً لما ربنا بيقبض حد عزيز عليك بيكون رايد يعلمك إن أنت ملكش غيره.. سبحان الله الحكيم العليم يبتلي العبد علشان يقربه منه عز وجل ) .

.

و يستجيب النبى ﷺ و يتوكل على الله أشد التوكل , و فضلت قريش تضيق على النبى ﷺ تضييق شديد و ليل نهار تتوعد النبى ﷺ بالقتل , والنبى ﷺ مش عارف يعمل أيه ؟ , ففكر يسيب مكة .. أرض الله واسعة .. و يروح لبلد يعرض عليها أنها تحميه و ساعتها يقدر منها يكمل الدعوة لدين الله عز وجل ، ففكر النبى ﷺ يخرج لبلد إسمها الطائف 🤚

💢إشمعنا إختار الطائف ؟🤔

لإن الطائف هى القوة الموازية لقريش داخل الجزيرة العربية , أصل قريش فى مكة أكبر قبيلة داخل الجزيرة العربية وذات حسب ونسب , وبعدها على طول قبيلة ثقيف فى الطائف .. و دايما كان بين الطائف و قريش تنافس أن مين فيهم يكون رقم واحد ، عارفين الآية دى :

{ وَقَالُوا لَوْلَا نُزِّلَ هَٰذَا الْقُرْآنُ عَلَىٰ رَجُلٍ مِّنَ الْقَرْيَتَيْنِ عَظِيم } والمقصود بالقريتين " مكة و الطائف " ...

تفسير الآية دى إن الكفار بيقولوا ليه القرآن منزلش على سيد مكة أو سيد الطائف ؟ ..

فرد الله عز وجل فى الآية اللى بعدها عليهم و قال :

{ أَهُمْ يَقْسِمُونَ رَحْمَتَ رَبِّكَ ۚ نَحْنُ قَسَمْنَا بَيْنَهُمْ مَعِيشَتَهُمْ فِي الْحَيَاةِ الدُّنْيَا ۚ وَرَفَعْنَا بَعْضَهُمْ فَوْقَ بَعْضٍ دَرَجَاتٍ لِيَتَّخِذَ بَعْضُهُمْ بَعْضًا سُخْرِيًّا ۗ وَرَحْمَتُ رَبِّكَ خَيْرٌ مِمَّا يَجْمَعُونَ } ..

المهم عشان كده الرسول أختار الطائف لإنها قوة تحميه ، فخطط الرسول أنه يروح الطائف و يعرض عليهم الإسلام وبعدين يطلب منهم الحماية , ولو وافقوا هيرجع لمكة يجيب أصحابه عشان يكونوا فى أمان معاه , أصله محبش ياخد أصحابه من البداية عشان لو الطائف رفضت فيبقى الموضوع تم فى هدوء وفى السر ومن غير شوشرة وساعتها هيقدر يرجع لمكة من غير ما تعرف أنه لجأ لبلد تانى فساعتها قريش تأذيه أكتر ..

طيب إزاى النبى ﷺ هيقدر يخرج من مكة من غير ما قريش تعرف و تحس بيه فتمنعه ؟🤔

❤️❤️❤️❤️❤️صلوا على النبي ❤️❤️❤️❤️❤️

💢النبى ﷺ قرر يخرج من غير ناقة .. رغم أن أرض الطائف عالية فالمشى ليها هيكون صعودا ً, وهى على بُعد 100 كيلو من مكة .. و كمان ماخدش معاه لا أكل ولا شرب ✋ ..

طيب ليه كل ده ؟😔

عشان محدش ياخد باله إنه هيمشى مسافة بعيدة فيراقبه.. طيب و توقيت الخروج ؟🤔

النبى ﷺ أختار يخرج فى عز الضهر فى حر مكة الشديد والشمس عمودية , عشان تكون مكة هادية و أغلب الناس فى بيوتها ومحدش يشوفه ✋

طيب هل هياخد أبو بكر الصديق و عمر بن الخطاب معاه ؟ 

لأ لإن قريش عارفة إن النبى ﷺ بيعتمد عليهم وهما دراعه اليمين فلو أخدهم هيفهموا إنه بيخطط لحاجة ..

بس هياخد معاه زيد إبن حارثة بس ✋

( فكرينه ^_^ ؟ دا اللى السيده خديجة أدتهوله هدية والنبى ﷺ بقى يعامله زى أبنه .. ده الصحابى الوحيد اللى أسمه مذكور لفظآ فى القرآن ❤️ ) ..

المهم الحمد لله النبى ﷺ رتب كل حاجة .. بس عايزة ألفت نظركوا لحاجة جميلة أوى ، الصحابة بيقولوا : " كنا نرى رسول الله يأخذ بالأسباب حتى نقول أنه لا يتوكل على الله , ونراه يتوكل على الله حتى نقول أنه لا يأخذ بالأسباب "... كان بيتوكل على الله 100% وياخذ بالأسباب 100% ، عمل كل الإحتياطات عشان ميتراقبش و هو خارج من مكة وفى نفس الوقت عارف إن ربنا هو الحفيظ القدير و أن اللى رايده ربنا هيكون 👁 👁 ( لازم نتعلم الأخذ بالأسباب والتوكل على الله من سيدنا النبي ﷺ 👌) 

💢ومشى سيدنا النبي ﷺ و تحمل كل المسافة الطويلة دى و كل ده لأجلى و أجلك والطريق ده أخذ أيام على فكرة , بمعنى كان مٌعرض يقابل قطاع طرق , أو ثعبان أو حية , معرض لأى شئ وكل شئ .. و وصل النبى ﷺ و ذهب إلى سيد القبيلة فى الطائف و كانوا 3 أخوات " عبد ياليل ، حبيب ، مسعود " التلاتة أخبث من بعض👌. 

و يوصل لبيتهم و يدخل عليهم ﷺ تخيلوا معى الحالة الجسدية والنفسية للرسول وقتها بعد الطريق الطويل مع الحرص أنه قلقان أن مكة تشعر بخروجه ، و رغم ده أنظروا هيواجه ردود أفعال صعبة جداً من سادات الطائف ✋..

أول شئ عرض النبى ﷺ عليهم الإسلام , لكن موافقوش .. فقال النبى ﷺ لهم : " يا معشر ثقيف إذا رفضتم الإسلام , فهل تحمونى أنا وأصحابى ؟ حتى أبلغ دين ربى للناس فإن قريش منعتنى أن أبلغ دين ربى ؟ "..

فيردوا و يقولوا : " لا والله أبداً" ،

فقال النبى ﷺ : " إن أبيتم الحماية , فأقسمت عليكم لا تخبروا قريش إننى جئت أستعين بكم عليهم".

فرفضوا جداً وقالوا : " والله لنخبرنهم " .. و واحد منهم قال : " قم يا فلان , فأركب فرساً و أسبقه لمكة .. وقل لهم إن محمد بن عبد الله جاء إلينا ليستعين بنا عليكم , فرفضناه من أجلكم ".. وطبعاً قام الراجل وطيران على مكة وكل ده و النبى ﷺ واقف 😔

و مش بس أكتفوا بكده .. ده كمان واحد منهم قال : " يا محمد أما وجد ربك خيراً منك يرسله ؟ "..

والتانى قال : " يا محمد أما أن تكون نبياً حقاً فأنت أعظم من أن أكلمك , وأما أن تكون كذاباً فأنت أحقر من أن أكلمك " ،

و التالت قال : " والله يا محمد لو رأيتك متعلق بأستار الكعبة تُقسم بأنك نبى ، ما صدقتك أبدآ "..

و بعد ما سمع سيدنا النبى ﷺ " كل الكلام ده قالهم : " يا معشر ثقيف أبيتم الحماية وأبيتم بأن لا تخبروا قريش وأبيتم الإسلام .. فدعونى أرحل " ..

فردوا عليه و قالوا : " لا والله حتى تُضرب وترجم بالحجارة , حتى لا تعود هنا مرة أخرى " ويمسك النبى ﷺ أيد زيد بن حارثة و يخرج من البيت , ويخرج وراهم زعماء الطائف ويجمعوا سفهاء الطائف و يقولون لهم : " محمد سوف يمر من هنا ، تقفوا له صفين يمين ويسار و ترموا عليه كل ما تصل إليه إيديكم من طوب و حجارة و رمال , و تضربوه ضرباً مبرحاً حتى لا يرجع هنا مرة أخرى " ..

ويمر رسول الله ﷺ و يترمى عليه الطوب و الزلط و الرمال 😢😢😢 وتخيلوا الوضع ده و كل حد فيهم بيرمى بعزم قوته .. و يبدأ ينزف و رجليه تتجرح لإنه بيجرى على طوب فتتشقق قدميه , فبيجرى و وراه خط من الدماء 😢 ...

وكان زيد بن حارثة بيحاول يحميه فبقى يحضنه و يدخل رأس النبى ﷺ جوه صدره عشان الضرب ييجى فيه و ميجيش فى رسول الله , وبدأ ينزف زيد و ينزل الدم على شعر النبى ﷺ 😢 ..

و وسط القسوة اللى بيتعرض لها سيدنا النبى ﷺ و وسط نزيف من دم النبى ﷺ الشريف ، يقوم النبى ﷺ طول الطريق بسرعة يحاول يضمد جروح رجله .. طيب ليه ؟ ..

خايف على نفسك يا رسول الله زى أى حد فينا ؟ لأ .. الرسول ﷺ بيضمد جراحه عشان دمه الشريف مينزلش على أرض الطائف .. أصل النبى ﷺ خايف من إن الأرض تشهد على أهل الطائف يوم القيامة .. ( بتضمد الجراح !! رغم أنك اتأذيت يا رسول الله و مكنتش مضطر تعمل كده .. صدق من سماك رحمة للعالمين ❤ ياحبيبنا يارسول الله ❤️ ) ..

💢و يمشى رسول الله ﷺ بسرعة بسرعة وأهل الطائف وراه بيضربوه لحد ما وصل بستان بتاع أتنين أخوات واحد أسمه " عتبة " و التانى " شيبة بن ربيعة " ، و كانوا كفار ,لكن منظر النبى ﷺ وقتها لا يتحمله بشر .. فبسرعة فتحوا له باب البستان , فيدخل الرسول و زيد , و يقفل عتبة و شيبة الباب عشان الناس من وراهم متدخلش .. و بدأ زيد يتطمن على رسول الله ﷺ ويضمد جراحه ..

ويرفع رسول الله ﷺ أيديه للسماء يدعى , أصله أفتكر أن ده حصل له بسبب تقصير أو غلط عمله وبسبب ده حصله اللى حصل ..فبدأ يدعوا دعاء عظيم جدا و مؤثر جدا 😢

و يقول :

" اللهم إنى أشكو إليك ضعف قوتى وقلة حيلتى وهوانى على الناس , أنت رب المستضعفين وأنت ربى , إلى من تكلنى إلى بعيد يتجهمنى أم إلى عدو ملكته أمرى , إن لم يكن بك غضب عليا فلا أبالى ولكن رحمتك أوسع لي,

أعوذ بنور وجهك الذى أشرقت له الظلمات وصلح عليه أمر الدنيا والآخرة أن تنزل بي غضبك أو تحل على سخطك ,

لك العتبي حتى ترضى , ولا حول ولا قوة إلا بك 🤲" ..

ياحبيبي يارسول الله ❤️ فداك نفسي واهلي ومالي 😔..

قد ايه تعبت علشان توصلنا الرساله 😢..

نشهد انك قد بلغت الرساله ونصحت الأمه وكشف الله بك الغمه. طبت حيا وميتا ياسيدي ياأبا القاسم 😔❤️

نكمل بكرة إن شاء الله ❤ 

#كن_محمديا

👈لاتنسى الإعجاب بالصفحه ليصلك الحلقات الجديده 👍

#سيرة_النبيﷺ

💢💢💢💢💢💢💢💢💢

لمتابعه باقي الأجزاء