السيره النبويه العطره 16

 

#السيرة_النبوية ❤️

👈 حياه المسلمين في الحبشه وإسلام النجاشي ❤️

👈اتفاق قريش على قتل النبي ﷺ وحصار بني هاشم 😢

💢النجاشي ملك الحبشة حب المسلمين من أخلاقهم و حب الإسلام لأن أجمل طريقة للدعوة إلى الله هى الدعوة بالأخلاق و فعلاً النجاشي أسلم فى السر و أتعلم الصلاة و بعت للنبى ﷺ رسالة وقال : " يا رسول الله إنى أسلمت فهل تقبل مني أن أخفي إسلامي ؟ " ،

فقال رسول الله ﷺ : " أجل أقبل " ..

و بعد كده فى ناس من حاشية النجاشى شكو فيه و سمعوه مرة و هوه بيصلى .. فيتقسم جيش النجاشى لنصفين نصف مع النجاشي و نصف ضده ، فيخاف النجاشي على الصحابة. 

و يبدأ يشتري سفن و يملاها أكل و مياه و فلوس و يقولهم : " أركبوا السفن و أذهبوا في عرض البحر و أبقوا هناك أسبوع بعيدا ، و بعد أسبوع أرسلوا لى مرسال لو عرفتم أنى قتلت أياكم أن ترجعوا الحبشة سيقتلوكم ، ولو عرفتم إنى أنتصرت فأرجعوا سريعاً .. ستجدونى فى إنتظاركم "..

و فعلاً يركب الصحابة السفن و بيقولوا : " كنا ندعو للنجاشى ليلاً و نهاراً أن ينصره الله و بعد أسبوع أرسلنا المرسال فوجدناه أنتصر فرجعنا إلي الحبشة و والله ما فرحنا بشيئاً بعد فرحتنا برسول الله ﷺ كفرحتنا بإنتصار النجاشي " ..  

بعد كده لما هينتصر النبي ﷺ في بدر ، هيبعت للنجاشي جواب يقول فيه : " أيها الملك أبشرك إننا أنتصرنا في بدر " والنجاشى ساعتها لما أخذ الجواب رفض أنه يقرأ الجواب و هو قاعد على العرش و باس خطاب النبي ﷺ ♡

و نزل يقرأه و هو قاعد على الأرض إجلالا و توقيرآ لكلام النبي ﷺ و لما قرأ النجاشى أن النبي ﷺ أنتصر ، سجد لله شاكرا و بشر الصحابة بنصر النبي ﷺ. 

الصحابة هيعيشوا فى أمان فى الحبشة لمدة 12 سنة ، وفى السنة 7 هجريآ يعنى بعد 7 سنين من هجرة المسلمين مع النبى ﷺ من مكة للمدينة هيبعت النبي ﷺ جواب للنجاشي يقول فيه : " أيها الملك جزاك الله خيرا رد علي أصحابي " ، فيفرح الصحابة جداً و يلموا حاجتهم .. أخيراً راجعين لحضن النبى ﷺ ♡ ..

و هيرجعوا فعلاً زى ما هنشوف بس هيبقوا مش عارفين يعني أيه أذان و لا يعني أيه مسجد ولا يعرفوا أن الصلوات بقت خمسة فى اليوم ،

طيب ليه مرجعوش فى وقت هجرة النبى ﷺ مع المسلمين من مكة للمدينة أو بعد الأنتصار في غزوة بدر مثلاً ؟

دول هيمشوا من الحبشة بعد غزوة خيبر يعني بعد 7 سنين من الهجرة من مكة إلى المدينة ،

طيب ليه يا رسول الله ؟ 🤔.

لأن لحد صلح الحديبية كان النبى ﷺ خايف يحصل حرب و إبادة للمسلمين فى المدينة فكان عايز يبقى المكان فى الحبشة معانا إحتياطي عشان لو أنتهت المدينة فيكون في مكان تاني ينطلق منه الإسلام مرة تانية ، أما بعد صلح الحديبية النبى ﷺ بقى مطمن ، عامل معاهدة صلح مع قريش فخلاص مفيش لزوم يفضل ال 100 صحابى فى الحبشة .. وساعتها النبى ﷺ هيبعت لهم عشان يجوا على المدينة ♡.. 

💢بس وسط الفرحة دى هيحصل شئ حزين أوى 😢

 لما النبى ﷺ بعت جواب للنجاشى يطلب منه أنه يرد الصحابة فيفرح الصحابة جداً و يلموا حاجتهم و أخيرآ هنرجع للنبى ﷺ .. بس للأسف النجاشى مش هيهاجر معاهم 😢.. طيب ليه ؟ 🤔..

عشان يطمن علي الصحابة و يتأكد أنهم و صلوا المدينة أمنين و بعد ما يوصلوا هيهاجر .. فيمشي الصحابة و النجاشى يأمن لهم الطريق لحد ما يوصلوا ،

و في الليلة دى يبات النجاشي حزين لفراق الصحابة و فجأة يموت ، و في الليلة دى نزل جبريل على رسول الله ﷺ و يقول له :

" يا رسول الله قم من نومك و أيقظ أصحابك .. مات أخاكم " أصحمة " مات النجاشي 😢 .. قوموا فصلوا على صاحبكم ". 

و يقوم النبي ﷺ و يبكي 😢 و يصحي كل الصحابة من النوم و يصلوا علي النجاشى صلاة الغائب ، ملحقش النجاشى يكون صحابي لأن عشان تبقى صحابى لازم تشوف النبى ﷺ بعينيك ، ضحى النجاشى بإنه يكون صحابى عشان يحمي أصحاب رسول الله ﷺ .. رضى الله عن النجاشى وأرضاه ❤ 

❤️❤️❤️❤️❤️ صلوا على النبي ❤️❤️❤️❤️❤️

💢نرجع تاني لوضع النبي ﷺ والصحابه في مكه بعد مارفض النجاشي انه يسلم الصحابه لعمرو بن العاص ✋

✍️الوضع سيئ جداً لأن قريش يأست ، الإيذاء و تعذيب الصحابة فشل .. كل المحاولات فشلت و الصحابة هاجروا .. طب قريش هتعمل إيه ؟🤔 ..

هتاخد قرار واحد " نقتل محمد " ✋، و خلاص أبو طالب عم النبى ﷺ مبقاش له كلمة وسطهم ولا يقدر يمنع قريش زى زمان فأبو طالب كان حزين جداً جداً لما عرف بموضوع قتل النبى ﷺ ، طيب أبو طالب عرف منين ؟🤔 ..

أصل بدأت قريش تعمل إجتماعات فى الحرم و ميستدعوش أبو طالب رغم أنه من سادة قريش و كان متعود يحضر دايماً ، فبدأ أبو طالب يشك أنهم بيخططوا لشئ يخص النبى ﷺ. فراح أبو طالب باعت ولد يتجسس عليهم ✋

و فعلاً راح الولد وجه و قال : " يا أبا طالب يريدون قتل ابن أخيك " .. فأبو طالب مبقاش عارف يعمل أيه فراح مع النبى ﷺ و دخل الحرم و مسك إيد النبى ﷺ ..

و قال : " يا معشر قريش والله لو قُتِلَ محمد لنقاتلنكم أنتم و نحن بنى هاشم حتى نتفان " ( يعنى هنحاربكم و تحربونا لحد ما نخلص على بعض ) ، و راح قايل : " تعالى معى يا بن أخي " و خد النبى ﷺ ومشى ..

و هيتعرض النبى ﷺ لمحاولات قتل هتستمر لمدة 3 سنين أنتو متخيلين !! إيه إحساسك لما تبقى حامل هم أنك ممكن تتقل فى أى لحظة ؟!

و أبو طالب هيتجنن ، لازم يحمى الرسول ﷺ بأى طريقة ( رغم أن أبو طالب كافر ) ..

طيب هتعمل أيه يا أبو طالب ؟🤔

عشان نفهم الخطة العبقرية بتاعته لازم نعرف سوا شكل مكة عامل أزاى .. مكة دايرة كبيرة و فى نصها الحرم ( ده زمان مش دلوقتى ) و حوالين الحرم بيوت فى شكل دائرى و مكة مليانة جبال و منحنيات حوالين الحرم و ما بين كل جبل و جبل أرض ضيقة جداً أسمها " شِعب " زى الحارة كده ، أهل مكة متقسمين أغنياء و فقراء .. الأغنياء ساكنين على الجبل و شايفين منظر الكعبة الجميل ، و كل ما يكون البيت أغنى كلما يكون أقرب للكعبة .. أما الفقراء ساكنين فى الشِعاب اللى بين الجبال ..

و بنى هاشم قبيلة النبى محمد ﷺ فيها الأغنياء منهم ساكنين على الجبال و الفقراء فى الشِعاب ..

طيب أبو طالب هيعمل أيه ؟ 🤔..

أبو طالب بما أنه سيد بنى هاشم هيصدر قرار أن كل بنى هاشم سواء الأغنياء و الفقراء هينزلوا و يتكدسوا و يعيشوا فى الشِعاب و نحط الرسول ﷺ فى النصف و نعيش كلنا مع بعض و حواليه .. ( أصل أبو طالب عايز يخلى النبى عايش فى مكان متكدس و زحمة .. ويبقى كل الناس عارفة بعضها فيه عشان لو دخل حد غريب وسطهم ، يتمسك على طول ) ..

فكل بنى هاشم هتتكدس فى " شعب " واحد ..

بس كده عندنا مشاكل ✋ ..

منها إن بنى هاشم فيها فقراء و أغنياء يعنى معنى كدة الفقير معندهوش مشكلة لكن الغنى هيضطر يسيب بيته و الرفاهية و ينزل يتكدس تحت عشان يحمى الرسول ﷺ .. طيب ده لمدة أد أيه ؟🤔

( هيفضلوا فى الشِعاب 3 سنين .. بس على فكرة هما أيامها كانوا فاهمين إن الموضوع هياخد شهر بالكتير ) .. المهم كلهم نزلوا الشِعاب وهدفهم حماية النبى ﷺ ..

طيب المسلم نزل عشان يحمى عقيدته و دينه لكن أنت يا كافر نزلت ليه ؟🤔 ..

عشان " الحمية القبيلية " سبحان الله حتى لو هو مش من دينى بس ميتقتلش واحد من قبيلتى و أنا على وش الدنيا .. يستحيل يحصل ..

و نزلوا الشعاب فعلاً ( هنا بقى نسأل نفسنا سؤال و نفكر لو فى أيامنا دلوقتى و قالولك سيب عربيتك و اللاب توب و البيت و تموت من الجوع بس كل ده عشان بس تحمى رسول الله ﷺ هتوافق ولا لأ ؟ و قيس على ده .. إيه اللى ممكن تتحمله عشان بس تنشر سيرته عليه الصلاة و السلام وتفكر الناس بسنته وشمائله ؟ ) ✋

المهم أتكدست بنى هاشم فى الشِعاب و قريش شافت المنظر ده فأتجننت .. و قالت قريش مش أنتوا أتكدستوا تحت ، طيب احنا هنحاصركوا من فوق ، وبقى فيه حصار على شعب بنى هاشم ، حصار إجتماعى و أقتصادى و دينى و ده حصار شديد جداً ..

و عملت قريش إجتماع طارئ و إتفاقيات تنص على أن ممنوع حد يتجوز من بنى هاشم و لا يبيع لبنى هاشم و لا يشترى منهم و غير مسموح لأى حد أنه يسمع عن الإسلام من أى حد من بنى هاشم و هنكتب الكلام ده فى وثيقة و نكتب الشرط الأخير فى الوثيقة و هو " يا معشر قريش لا تأخذكم ببنى هاشم رأفة و لا رحمة مهما حدث " 😢.

و تتختم الورقة و تتوثق و تتعلق على الكعبة كأنها شئ مقدس و اللى يخالف الوثيقة دى هيتقتل ..

طيب موقف بنى هاشم أيه و هيعيشوا أزاى وسط الحصار ده ؟! 😢

هنعرف بكرة إن شاء الله ❤ 

#كن_محمديا

👈لاتنسى الإعجاب بالصفحه ليصلك الحلقات الجديده 👍

#سيرة_النبيﷺ

💢💢💢💢💢💢💢💢💢

لمتابعه باقي الأجزاء